ශ්‍රී ලංකාවේ ජනාධිපතිවරණය සාර්ථකව අවසන් කිරීම පිළිබඳ ශ්‍රී ලාංකික ජනතාවට සුබ පතන බව එක්සත් ජාතීන්ගේ සංවිධානයේ මහ ලේකම් බෑන් කී මූන් මහතා නිවේදනයක් නිකුත් කරමින් කියා සිටී.

විශ්වාසදායක හා සාමකාමී මැතිවරණයක් පැවැත්වීම උදෙසා මැතිවරණ කොමසාරිස්වරයා දුන් දායකත්වයටද තම ප්‍රසාදය පළ කරන බවද ජගත් ලේකම් කියා සිටී.

සිය නිවේදනයෙන් බෑන් කී මූන් මහතා පෙන්වා දෙන්නේ නව ජනපති මෛත්‍රිපාල සිරිසේන මහතා සමඟත් ශ්‍රී ලාංකික ජනතාව සමගත් ඉදිරියේදී කටයුතු කිරීමට තමා අපේක්ෂා කරන බවය. තවද ජනපතිවරණයෙන් ලැබූ ප්‍රතිඵලයට හිස නමමින් ප්‍රජාතන්ත්‍රවාදීව කටයුතු කිරීම පිළිබඳ හිටපු ජනපතිට ස්තූතිය පළ කරන බවද ඔහු පවසයි.