(යොහාන් භාසුර)

ගාසා තීරයේ ස්ථීර සටන් විරාමයක් ඇති කර ජනසංහාරය වහා නවත්වන ලෙස බල කරමින් විරෝධතාවක් ලිප්ටන් වටරවුම අසළ අද (31) දහවල් පැවැත්විණි.

ගාසාහි සටන්වලින් දරුවන් 15,000 සහ කාන්තාවන් 7,500 ක් ඇතුළු පුද්ගලයන් 36,000 ක් පමණ ඝාතනයට ලක්ව ඇති බව ද විරෝධතාකරුවෝ පැවසූහ.  

ශ්‍රී ලංකා පලස්තීන සහයෝගිතා කමිටුව සහ සමාජවාදී තරුණ සංගමය ඇතුළු සිවිල් සංවිධාන රැසක නියෝජිතයෝ එම විරෝධතාවට සහභාගි වූහ.

(ඡායාරූප: ළහිරු හර්ෂණ)