අධිකරණයේ ස්වාධීනත්වය වෙනුවෙන් විනිසුරුවරුන්ගේ රැස්වීමේදී අද ගන්නා ඕනෑම තීරණයකට සහයෝගය දෙන බවත් බදාදා රාජකාරී තීරණය වනුයේ ඒ අනුව බවත් ගාල්ල නීතීඥ සංගමයේ ලේකම් අමරදිවාකර ලියනාරච්චි මහතා කියයි. ඔවුහු අද වැඩවරා උසාවි සංකීර්ණය ඉදිරිපිට උද්ඝෝෂණය කර ගාල්ල නගරයට පැමිණ බස්නැවතුම ඉදිරිපිට ද විරෝධය පෑහ. ඔවුන් එසේ කළේ අධිකරණ සේවා කොමිසමේ ලේකම් මංජුල තිලකරත්න මහතාට ගල්කිස්සේදී එල්ලකළ ප්‍රහාරය හෙළා දකිමිනි. බොහෝ උසාවිවල සේවකයෝ ද විරෝධය පල කළහ. නීතීඥයන් ගාල්ලේ මහාධිකරණය ඉදිරිපිට උද්ඝෝෂණයේ නිරතව සිටි ආකාරය නීතීඥයන් ගාල්ල බස්නැවතුම්පොළ ඉදිරිපිට උද්ඝෝෂණය කළ ආකාරය ගාල්ල මහේස්ත්‍රාත් අධිකරණය වසා දැමීම හේතුවෙන් එම ස්ථානය පාලුවට ගොස් තිබූ අයුරු