1993 දී වසා දැමුණු කන්තලේ සීනි කම්හල යළි ඇරඹීමට විමල් වීරවංශ ඇමතිවරයා මගින් ජනපතිට කරුණු දක්වන බවත්, එය අසාර්ථක වුවහොත් ජනතා ව්‍යාපාරයක් ගොඩනගා පාරට බැස දිවි හිමියෙන් ඒ සඳහා සටන් කරන බවත් නැගෙනහිර පළාත් සභා මන්ත්‍රී ජයන්ත විජේසේකර මහතා කන්තලේදී ප්‍රකාශ කළේය. උදළු දෑකැති ගත් ගොවියන් ගෙවිළියන් පෙරටුකරගෙන පෙළපාලියකින් ආ මන්ත්‍රීවරයා කන්තලේ සම්බන්ධීකරණ කාර්යාලය විවෘත කළේය. ගොවිකම ගොවිබිම රැකගනිමු යන්න පෙළපාලියේ තේමාව විය.