කොළඹ කෞතුකාගාරයේ දැඩි ආරක්ෂාව මැද ප‍්‍රදර්ශනයට තබා තිබූ මිල කළ නොහැකි පුරාවස්තු සොරකමට සම්බන්ධ 16 හැවිරිදි තරුණියකද පිළියන්දලින් අද අත්අඩංගුවට ගත් බව පොලිසිය කියයි. කස්තානකඩු දහයක්, මැණික් එබ්බවූ රන් මුදුවක්, රන් කාසි නවයක්, රිදී කාසි 68 නුගවෙල අදිකාරම්ගේ බඳපටිය හා බස්තම් දෙකක් ඇතුළු  ඉපැරැණි කෞතුක වස්තු සොයාගෙන තිබිණි. සොයාගත් භාණ්ඩ වල රන් හා මැණික් ඉවත් කර ඉතිරි කොටස් බොල්ගොඩ ගඟට දැමීමට පෙර සැකකරවෝ අත් අඩංගුවට ගනු ලැබූහ. ප්‍රධාන සැකකරු කොටහේන පොලිසියේද තවත් සිව් දෙනෙක් පිළියන්දල පොලිසියේද සිටිති. ඒ අතරින් තිදෙනෙක් කාන්තාවෝය. ඒ අතරද මවක් හා දියණියක් වෙති.