(හේමන්ත රණසූරිය සහ උපාලි ආනන්ද)

කැබිතිගොල්ලෑව කොට්ඨාස බාර ජ්‍යෙෂ්ඨ පොලිස් අධිකාරී ඉන්දික ලොකුහෙට්ටිගේ පහරදුන් බව කියමින් කැබිතිගොල්ලෑව මූලස්ථාන පොලීසියේ වැඩබලන ස්ථානාධිපතිවරයා ප්‍රතිකාර සඳහා අනුරාධපුර රෝහල් ගත කර ඇත.

කැබිතිගොල්ලෑව ජ්‍යෙෂ්ඨ පොලිස් අධිකාරීවරයාගේ කාර්යාලයේ දී රාජකාරිමය කතාබහක් දුරදිග යෑමේදී මෙම පහරදීම සිදුකර ඇති බව වාර්තා වේ

පොලිස් අධිකාරීවරයාගේ පහර කෑමට පහරකෑමට ලක්වූ බව කියන වැඩබලන පොලිස් ස්ථානාධිපති ප්‍රධාන පොලිස් පරීක්ෂකවරයා කැබිතිගොල්ලෑව මූලික රෝහලට ප්‍රතිකාර සඳහා ඇතුළත් වී ඇති අතර පසුව වෛද්‍ය නිර්දේශ මත වැඩිදුර ප්‍රතිකාර සඳහා අනුරාධපුර ශික්ෂණ රෝහලට ගිලන් රථයක් මගින් මාරුකර යැවූ බව රෝහල් ප්‍රකාශකයෙක් කීය.

මේ සම්බන්ධයෙන් කැබිතිගොල්ලෑව කොට්ඨාස භාර ජ්‍යෙෂ්ඨ පොලිස් අධිකාරී අධිකාරී ඉන්දික ලොකු හෙට්ටිගේ මහතාගෙන් ලංකාදීප කළ කළ විමසීමකදී ඔහු සඳහන් කළේ මේ සම්බන්ධයෙන් පැමිණිල්ලක් ඇත්නම් උසස් නිලධාරීන් එය විමර්ශනය කරනු ඇති බවයි.

ජ්‍යෙෂ්ඨ පොලිස් අධිකාරීවරයාගේ පහරකෑමට ලක්වූ බව කියන කැබිතිගොල්ලෑව මූලස්ථාන පොලීසියේ වැඩබලන ස්ථානාධිපති ප්‍රධාන පොලිස් පරීක්ෂක සුභාෂ් මහතාගෙන් අප කළ විමසීමකදී ඔහු සඳහන් කළේ ඔහුට ජ්‍යෙෂ්ඨ පොලිස් අධිකාරිවරයා ඔහුගේ නිල කාමරයේ දී පහර දුන් බවත් ඒ හේතුව නිසා ඔහුගේ වම් කම්මුල ප්‍රදේශය පිපිරීමකට ලක් වී ඇති බවත් ඔහුගේ හිස තදින් වේදනාවක් දැනෙන බවත්යි.

මේ සම්බන්ධයෙන් අනුරාධපුර දිසාව බාර නියෝජ්‍ය පොලිස්පති කිත්සිරි විජේසේන මහතාගෙන් කළ විමසීමකදී මෙසේ පැවැසීය.

කැබිතිගොල්ලෑව පොලිස් අධිකාරී කාර්යාලයේදී සිදුවී ඇති බව කියන සිද්ධිය තමන්ට ද වාර්තා වුණා. මේ සම්බන්ධයෙන් ස්වාධීන  අපක්ෂපාතී වූ විධිමත් පරීක්ෂණයක් පවත්වනවා. සත්‍ය තොරතුරු අනාවරණය කරගැනීමත්,යම්කිසි පාර්ශවයක් වරදක් සිදු කර ඇද්ද යන්න නිශ්චිතව දැනට ප්‍රකාශ කළ නොහැකියි.

මෙම විමර්ශනය සඳහා උතුරු මැද පළාතෙන් පිට ජ්‍යෙෂ්ඨ පොලිස් අධිකාරීවරයකු හෝ නියෝජ්‍ය පොලිස් පොලිස්පතිවරයකු පරීක්ෂණ සඳහා පත් කිරීමට පියවර ගන්නාවා.