ජූලි මස 6 වැනිදා කටාර් රාජ්‍යයේ අභ්‍යන්තර කටයුතු අමාත්‍යාංශය විසින් ආසියානු නගරයේදී සංවිධානය කරන ලද ඊද් අල් ෆීතර් සංස්කෘතික උළෙලේදී ශ්‍රී ලාංකික ප්‍රජාවේ කාර්යයන් සංවිධානය කරන ලද ශ්‍රී ලංකා සම්බන්ධීකරණ කමිටුව මගින් ලබාදුන් අවස්ථාව උපයෝගී කරගනිමින්, එම කමිටුවට අනුබද්ධ ශ්‍රී ලාංකික මිතුරු සමාජය විසින් වේදිකා නාට්‍යයක් ඉදිරිපත් කරන ලදී. විදෙස්ගත ශ්‍රී ලාංකිකයන්ගේ යහපත් ජීවන දැක්ම මෙම වේදිකා නාට්‍යයේ තේමාව විය.

මෙවර ඊද් අල් ෆීතර් සංස්කෘතික උළෙලේදී ශ්‍රී ලාංකික සහෘදයන් වෙනුවෙන් වේදිකා නාට්‍යයක් ඉදිරිපත් කිරීමට අවස්ථාවක් ලබාදීම සම්බන්ධයෙන් ශ්‍රී ලංකා සම්බන්ධීකරණ කමිටුවේ සභාපති දේශමාන්‍ය ටෙනිසන් සිල්වා මහතා ඇතුළු එම කමිටුවටත්, උළෙලේ සම්බන්ධීකරණ කටයුතු මෙහෙය වූ රංජිත් ගුරුසිංහ මහතාටත්, කටාර් අභ්‍යන්තර කටයුතු පිළිබඳ අමාත්‍යාංශයටත් ශ්‍රී ලංකා මිතුරු සමාජය සිය කෘතඥතාවය පුදකර සිටියි. 

ශ්‍රී ලංකා මිතුරු සමාජය විසින් ශ්‍රී ලාංකිකයන්ගේ කලා, සංගීත, සාහිත සහ ක්‍රීඩා කෞශල්‍යයන්ගේ ප්‍රගමනය වෙනුවෙන් කරන ඉදිරි කටයුතු ගැන තොරතුරු 33345393 යන අංකයෙන් නිශාන්ත ගමගේ මහතා ඇමැතීමෙන් ලබාගත හැකි බව එම සමාජය පවසයි.