විදේශ රටක මාපියනට දාව තම රටේදී උපදින දරුවනට ඉපදුන දා පටන්ම ඉතාලි පුරවැසිකම ලබාදිය යුතු යැයි ජනාධිපති ජෝර්ජො නාපෝලිතානෝ කියයි. ශ්‍රී ලාංකික සම්භවයක් ඇතිව ඉතාලියේ ඉපදුණ දරුවන් විශාල පිරිසක් සිටින අතර ඇතැම් දරුවෝ ඉතාලි අධ්‍යාපනය ලබති. අග‍්‍රාමාත්‍ය මාරියෝ මොන්තිගේ නව රජය තම යෝජනාව සඳහා අනුමැතිය ලබාදෙතියි තමා විශ්වාස කරන බව ජනාධිපති පවසයි. ජනාධිපති ඉහත කී ප‍්‍රකාශය කර සුළු වේලාවකට පසු දැඩි මතධාරි ලෙගා නෝර්ඞ් පක්ෂය කියා සිටියේ මෙම යෝජනාව පාර්ලිමේන්තුවේ සම්මත කර ගැනීමට යෑමේදී නව රජය අස්ථාවර විය හැකි බවයි. ඉතාලියේ සේවය කරන විදේශ යුවලකට දාව ඉතාලියේදී උපත ලබන දරුවකුට ඉතාලි පුරවැසිකම ගැනීමට දැන් වසර 18ක් බලා සිටිය යුතුය. එහි ජනගහන වර්ධන වේගයද පහළ මට්ටමක පවතී.