ඇතුන් මරා දළ යුගලයක් සන්තකයේ තබාගෙන සිටි බව කියන 42 හැවිරිදි පුද්ගලයකු මඩකළපුව  කල්අඩි, වේලූර්, ප්‍රදේශයේදී අත්අඩංගුවට ගත් බව පොලිස් විශේෂකාර්ය බලකාය පවසයි.

විශේෂ කාර්ය බළකාය අම්පාර කඳවුරේ නිලධාරීන්ට ලද තොරතුරකට අනුව විශේෂ කාර්ය බලකායේ අණදෙන නිලධාරී නියෝජ්‍ය පොලිස්පති නීතිඥ වරුණ ජයසුන්දර මහතාගේ උපදෙස් මත දෙවන කදවුරු අණදෙණ නිලධාරී පොලිස් පරික්ෂක ටී.බී.ආර්.පී. සිරිවර්ධන ඇතුළු නිලධාරීන් කණ්ඩායමක්  මඩකළපුව බ්‍රවුන්රි පාර, ප්‍රදේශයේ දී සිදු කළ වැටලීමකදී ඇත් දළ අත්අඩංගුවට ගෙන ඇත. 

ලෝක උරුම රක්ෂිතයන් තුළ සහ රජයේ රක්ෂිතයන් ආශ්‍රිතව ඳළ ඇතුන් මරා ඇත්ඳළ සහ ගජමුතු ජාවාරමේ යෙදෙන ජාවාරම්කරුවන් නීතියේ රැහැනට හසු කර ගැනීමේ මෙහෙයුම් විශේෂ කාර්ය බළකායේ නිලධාරීහු නිරන්තරයෙන් සිදු කරති. 

සැකකරු වැඩිදුර පරීක්ෂණය සඳහා මඩකළපුව රෝහලට බාරදී ඇත.