එක්සත් ජාතීන්ගේ ආසියානු ශාන්තිකර කලාපීය පරිසර අමාත්‍යවරුන්ගේ සහ පරිසර ආයතන ප්‍රධානීන්ගේ සමුළුව ජනාධිපති  මෛත්‍රීපාල සිරිසේන මහතාගේ  ප්‍රධානත්වයෙන් අද (25) සිංගප්පූරුවේ  මරීනා බේ සෑන්ඩ්ස් ප්‍රදර්ශන සහ සම්මේලන මධ්‍යස්ථානයේ දී ආරම්භ කෙරිණි.
 
‘පරිසර අභියෝග සහ තිරසර පරිභෝජනය හා නිෂ්පාදනය සදහා වන නිර්මාණාත්මක විසදුම්,‘ යන තේමාව යටතේ පවත්වනු ලබන  මෙම සමුළුව සදහා ආසියා ශාන්තිකර කලාපයේ රටවල් 40 ක් නියෝජනය කරමින් පරිසර අමත්‍යවරු සහ ඉහළ පෙළේ නියෝජිතයෝ එක්ව සිටිති.
 
සමුළුව  පැවැත්වෙන ශාලාව වෙත පැමිණි ජනාධිපති  මෛත්‍රීපාල සිරිසේන   මහතා පිළිගනු ලැබුවේ සිංගප්පුරු නියෝජ්‍ය අගමැති  ටීයෝ චී හීන් හේන් ,සහ  ටුවාලු රාජ්‍යයේ අගමැති  ඇනෙලෝ සොසෙන් සොපාගේ  යන මහත්වරුන් ඇතුළු පිරිසක් විසිනි.
 
අනතුරුව ජනාධිපතිතුමා සමුළුව අමතා සිය විශේෂ දේශනය ඉදිරිපත් කරනු ලැබීය. 
 
පරිසරය සුරැකීම වෙනුවෙන් විශේෂ කැපවීමකින් කටයුතු කරන සහ පරිසරය වෙනුවෙන් ප්‍රතිපත්තිමය තීන්දු තීරණ රැසකට එළැඹී නායකයෙකු ලෙස ශ්‍රී ලංකා ජනාධිපතිවරයාගේ  දේශනය මෙහිදී සියලූ පාර්ශ්වයන්ගේ විශේෂ අවධානයට ලක් විය.

 

(ඡායාරූප - ජනාධිපති මාධ්‍ය අංශය)

(36698)