(අංජුල මහික වීරරත්න)

ආණ්ඩුව පාස්කු ෆයිල් යට ගැසූ නිලධාරීන් ආරක්ෂා කරන අතර බුද්ධි අංශ නිලධාරින් සිරගත කරන බව පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවැසීය.

"අද මේ ආණ්ඩුව බලයට ඇවිල්ලා පාස්කු ප්‍රහාරයේ ෆයිල් යට ගහපු ,ෆයිල් හංගපු බුද්ධි අංශ වාර්තා හංගං හිටපු නිලධාරීන් ආරක්ෂා කරනවා. යුද්ධය අවසන් කරපු බුද්ධි අංශ නායකයින් මේ ආණ්ඩුව විසින් හිරගත කරලා. රණවිරුවන්ට බුද්ධි අංශයන්ට නායකත්වය දීපු නිලධාරීන්ව හිරගත කරනවා.

මේ ආණ්ඩුවට තියෙන ජනතා විරෝධී න්‍යාය පත්‍රය නිසා ගොවියාට ධීවරයාට කම්කරුවට විරුද්ධව ගන්න තීන්දු තීරණ නිසා අද ගම්වල ජනතාව නැවත වතාවක් ශ්‍රී ලංකාපොදු ජන පෙරමුණ වටා ඒකරාශී වෙනවා. අපි වැඩ කරපු දේශපාලන බලවේගයක්. අපි බොරු කියල ඡන්ද ගත්තේ නෑ යනුවෙන් ද මන්ත්‍රීවරයා කීය.

කැකිරාවේ ජන හමුවක් අමතමින් මන්ත්‍රීවරයා මේ බව පැවැසීය.