”මට දැන් හොඳයි” යනුවෙන් ලොව අමාරුම හා සංකීර්ණ මුහුණු බද්ධ සැත්කමට මුහුණදුන් මිනිසා කියයි. 1997 දී තම පිස්තෝලය පත්තුවීමෙන් විකෘති වී ගිය මුහුණ වෙනුවට නොරිස්ට (37) අලූත් මුහුණ බද්ධ කැරුණේ ඇමෙරිකාවේ මේරිලන්ත සරසවි රෝහලේදීය. වසර 15 ක් පුරා වෙස් මුහුණක් පැළඳ රාත‍්‍රියේ පමණක් ගමන් ගිය නොරිස් කියනුයේ දැන් කාගේවත් උසුළු විසුළු නැතිව පාරේ යා හැකි බවයි. පසුගිය මාර්තු මාසයේදී වෛද්‍යවරු ඔහුට හක්ක දත් හා දිවක් බද්ද කළහ. පැය 36 ක් පුරා පැවති සැත්කමට වෛද්‍යවරු සිය දෙනෙක් පමණ සහභාගි වූහ. වෛද්‍ය කණ්ඩායමේ ප‍්‍රධානියා වූයේ දොස්තර එඩ‍්‍රවාර්ඩෝ රොඞ්රිගස්ය. තමාට දැන් ගඳ සුවඳ දැනෙන බවත් දිව සෙලවීමට හැකි බවත් ඔහු කියයි. සැත්කමෙන් මාස 7 කට පසු ඔහු මාධ්‍ය හමුවට ආවේය. සැත්කම කළ දොස්තරවරුන් දෙවිවරුන් බව කී ඔහු ඔවුන් තමනට අලූත් ජීවයක් දුන් බවත් කියයි. මීට පෙර මෙවැනි සැත්කම් 22 ක් සිදුකැර ඇතත් ඒ සැත්කම් මෙතරම් සංකීර්ණ නොවුනි. සබැඳි  පුවත්.....