කහවත්ත ද්විත්ව ඝාතනයේ ප්‍රධාන සැකකරු වන එල්.එච්. දර්ශන  රාජුගේ බිරිය සිකුරාදා දක්වා රිමාන්ඩ් කරන ලෙස නියෝග කළ පැල්මඩුල්ල මහේස්ත්‍රාත් චාන්දනී ඩයස් මහත්මිය, දර්ශන හා ත්‍රිරෝද රියදුරු ජේ.ඩබ්ලිව්. සනත් නන්දන රැඳැවුම් නියෝග මත රඳවා තබා ගැනීමට  රහස් පොලිසිය කළ ඉල්ලීමට අවසර දුන්නාය.සැකකාරිය මහේස්ත්‍රාත් නිල කාමරයේදි ප්‍රකාශයක්  කළාය. සැකකරුවෝ වෙන වෙනම  අධිකණයට ගෙන එනු ලැබූහ. කහවත්ත කොටකෙතනේ පීලානගොඩ කන්දගේ නයනා නිලිමිණි (52) මව සහ කවින්ද්‍යා චතුරංගනී (19) දියණිය පසුගිය ජනවාරි 31 වැනිදා මරාදමනු ලැබූහ. ඇය රත්නපුර ෆර්ගසන් උසස් බාලිකා විද්‍යාලයයේ උසස් පෙළ ඉගෙනුම ලැබුවාය. ඇගේ සිරුර පෙබරවාරි දෙවැනි දා කහවත්ත ඕපාත වත්තේ කැලැවක තිබි හමුවිය.  මවගේ සිරුර එදිනම රාත්‍රී ඔවුන් පදිංචි නිවසින්  සොයාගැණිනි.