ගල්කිස්ස මහේස්ත්‍රාත් අධිකරණයට ගිනි අවි දෙකක් රැගෙන ආ බව කියන මායියා නම් ප්‍රධාන සැකකරු අද අත්අඩංගුවට ගත් බව උසස් පොලිස් නිලධාරියෙක් ලංකාදීපයට පැවසීය.

අධිකරණයේ විභාග වන නඩුවකට ගෙන ආ හැරල්ඩ් රෝහණ හෙවත් ගොනාකෝවිලේ රොහා මරා දැමීමට මායියා එම ගිනි අවි දෙක රැගෙන ආ බව මූලික පරීක්ෂණවලින් හෙළිවීයැයි පොලිසිය පවසයි.

මේ අතර ඔහුට සහාය දැක්වීයැයි කියන තවත් සැකකරුවකු නීතීඥවරයකු මාර්ගයෙන් අද ගල්කිස්ස පොලිස් ස්ථානයට භාර විය. දොන් සාලු රොෂාන් ඉන්දික ද සිල්වා හෙවත් රෝසා එලෙස බාරවීමෙන් පසු අධිකරණයට ඉදිරිපත් කළ අතර ඔහු ලබන 13 වැනිදා තෙක් රිමාන්ඩ් කරන ලෙස ගල්කිස්ස මහේස්ත්‍රාත් අධිකරණය නියෝග කළේය.

අධිකරණයේ වැඩිපුර පිරිසක් ගැවසීම මයියාගේ ඉල්ක්කයට පහසුවක් නිසා ඊට සහාය පිනිස තරුණයන් 20 දෙනකු අධිකරණ භූමියට ගෙනවයිත් ඇත්තේ රෝසා බව ද, ක්‍රිකට් තරඟයකට බව කියමින් කැඳවාගෙන ආ ඔවුන්ට රුපියල් 2000 බැගින් ලබා දී ඇතැයි ද පොලිසිය කියයි.

මයියා සෙනසුරාදා (04) අධිකරණයට ඉදිරිපත් කිරීමට නියමිතය.