එසැණ පුවත්

නව අගමැති ලේකම් එස් අමරසේකර

සමන් ඒකනායක මහතා ඉවත් කිරීමෙන් පුරප්පාඩු වූ අග්‍රාමාත්‍ය ලෙකම් ධුරයට එස් අමරසේකර මහතා පත් කළ බව ජනාධිපති මාධ්‍ය අංශය කියයි.

27 October 2018

වැඩබලන ප්‍රවෘත්ති අධ්‍යක්ෂ ජනරාල් නාලක කළුවැව

රජයේ වැඩබලන ප්‍රවෘත්ති අධ්‍යක්ෂ ජනරාල්වරයා ලෙස වැඩබලන ජනාධිපති අතිරේක ලේකම් නාලක කළුවැව මහතා පත් කර තිබේ.

27 October 2018

ඇමරිකාවේ අවධානය ශ්‍රී ලංකාව වෙතට

ආණ්ඩුක්‍රම ව්‍යවස්ථාවට අනුකූලව කටයුතු කරන්නැයි ශ්‍රී ලංකාවේ සියලුම පාර්ශවවලින් ඉල්ලා සිටින බව ඇමෙරිකා එක්සත් ජනපදය සඳහන් කරයි.

27 October 2018

එජාපයේ 20ක් මහින්දගේ සහයට - ආනන්ද අලුත්ගමගේ

පාර්ලිමේන්තුව රැස්කල පසු එක්සත් ජාතික පක්ෂ මන්ත්‍රීවරුන් 20කට වැඩි ප්‍රමාණයක් මහින්ද රාජපක්ෂ මහතාට සහයෝගය පල කරන බව එක්සත් ජාතික පක්ෂ මන්ත්‍රී ආනන්ද අලුත්ගමගේ මහතා පැවසීය.

27 October 2018

වතු කම්කරු දිනක වැටුප 1000 කරන්ක අගමැති එකඟ වුණා - තොන්ඩමන්

වතු කම්කරුවන්ගේ දිනක වැටුප රුපියල් 1000ක් දක්වා වැඩි කිරීමට එකඟ වූ නිසා අගමැති මහින්ද රාජපක්ෂ මහතාට සහයෝගය ලබා දීමට තීරණය කළ බව ආර් තොන්ඩමන් මහතා පැවසීය.

27 October 2018

එජාප ආණ්ඩුව අවලංගුයි - දිනේෂ් ගුණවර්ධන

පාර්ලිමේන්තුවේ බහුතර බලය ඇත්තේ මහින්ද රාජපක්ෂ මහතාට බවත්, එජාප නායකයා තවදුරටත් අගමැති නොවන බවත් පාර්ලිමේන්තු මන්ත්‍රී දිනේෂ් ගුණවර්ධන මහතා පැවසීය.

27 October 2018

නව ඇමති මණ්ඩලය හෙට දිවුරුම් දෙයි

නව ආණ්ඩුවේ අමාත්‍ය මණ්ඩලය හෙට (28 වැනිදා) පෙරවරුවේ ජනාධිපති කාර්යාලයේදී ජනාධිපති මෛත්‍රීපාල සිරිසේන මහතා ඉදිරියේ දිවුරුම් දීමට නියමිතය.

27 October 2018

අග්‍රාමාත්‍ය ලේකම් ඉවත්කරයි

අග්‍රාමාත්‍ය ලේකම් සමන් ඒකනායක මහතා ජනාධිපති මෛත්‍රීපාල සිරිසේන මහතා විසින් මීට සුළු මොහොතකට පෙර ඉවත් කරනු ලැබීය. ඊට අදාළ අති විශේෂ ගැසට් නිවේදනය මේ වන විට නිකුත් කර තිබේ.

27 October 2018

ජනපතිට එරෙහිව දෝෂාභියෝගයක් ගෙනෙන යෝජනාවක්

ජනාධිපති මෛත්‍රීපාල සිරිසේන මහතාට එරෙහිව දෝෂාභියෝගයක් ගෙන ඒමට පාර්ලිමේන්තු මන්ත්‍රීවරුන් පිරිසක් සූදානම් වන බව දේශපාලන ආරංචි මාර්ග කියයි.

27 October 2018

ජනපති සන්ධානයේ මන්ත්‍රී කණ්ඩායම කැඳවයි

ජනාධිපති මෛත්‍රීපාල සිරිසේන මහතා විසින් එක්සත් ජනතා නිදහස් සන්ධාන පාර්ලිමෙන්තු මන්ත්‍රී කණ්ඩායම අද (27) රාත්‍රී 7.00 ට ජනාධිපති ලේකම් කාර්යාලයට කැඳවනු ලැබ ඇත.

27 October 2018

මෙය දේශපාලන කුමන්ත්‍රණයක් - චම්පික

මහින්ද රාජපක්ෂ මහතා අගමැති ලෙස ප්‍රකාශ කිරීම දේශපාලන කුමන්ත්‍රණයක් බව ජාතික හෙළ උරුමයේ ලේකම් පාඨලී චම්පික රණවක මහකා කියයි.

27 October 2018

අර්බුද එපා - පාර්ලිමේන්තුව කැඳවන්න

රටේ අර්බුදයක් ඇති කිරීම අවශ්‍ය නැති බවත්, වහාම පාර්ලිමේන්තුව කැඳවිය යුතු බවත් රනිල් වික්‍රමසිංහ මහතා කියයි. පාර්ලිමේන්තුවේ දී බහුතරය ඇත්තේ කාටදැයි බලා ගත හැකි බව ද එමහතා පවසයි.

27 October 2018

පාර්ලිමේන්තු සැසිය දින 21 කින් කල්තබයි

පාර්ලිමේන්තු සැසිවාරය ජනාධිපති මෛත්‍රීපාල සිරිසේන මහතා විසින් දින 21 ක කාලයක් සඳහා කල් තැබීමට තීරණය කර තිබේ. පාර්ලිමේන්තුව ලබන මස (නොවැම්බර්) 16 වැනිදා නැවත රැස්වීමට නියමිතය.

27 October 2018

සති 50 ක් බලයේ ඉන්න සත පනහට ඇද වැටිලා - හරීන්

සති පනහක් බලයේ සිටීම වෙනුයෙන් ජනාධිපතිවරයා සත පනහට වැටී ඇතැයි එක්සත් ජාතික පක්ෂ මාධ්‍ය ප්‍රකාශක හරීන් ප්‍රනාන්දු මහතා කියයි.

27 October 2018

පොලිසියේ නිවාඩු අවලංගු කරයි

දැනට රටේ උද්ගතව ඇති වාතාවරණය සැලකිල්ලට ගෙන වාහම ක්‍රියාත්මක වන පරිදි සියලුම තරාතිරම්වල පොලිස් නිලධාරීන්ගේ නිවාඩු අවලංගු කර ඇතැයි පොලිස් මූලස්ථානය කියයි.

27 October 2018

පාර්ලිමේන්තු සැසිවාරය මසකින් කල් දමන්න යයි

පාර්ලිමේන්තු සැසිවාරය මාසයකින් පමණ කල්දැමෙනු ඇතැයි රජයේ ආරංචි මාර්ග සඳහන් කරයි.

27 October 2018

අමාත්‍යාංශ ලේකම්වරු අලුතින් පත් කිරීමට යයි

අමාත්‍යාංශ ලේකම්වරුන් අද (27) දිනයේ අලුතින් පත් කිරීමට බොහෝ දුරට ඉඩ ඇතැයි රජයේ ආරංචි මාර්ග සඳහන් කරයි.

27 October 2018

ඉරිදා පාර්ලිමේන්තුව කැඳවන්නැයි ඉල්ලීමක්

පවතින දේශපාලන වාතාවරණය හමුවේ ඉරිදා පාර්ලිමේන්තුව රැස් කරන ලෙස එක්සත් ජාතික පක්ෂය කතානායක කරු ජයසූරිය මහතාගෙන් ඉල්ලීමක් කර ඇත.

26 October 2018

බහුතර බලය ගැන රනිල් ජනපතිට ලියයි

තමන්ට පාර්ලිමේන්තුවේ බහුතර බලය හිමි බැවින් දිගටම අග්‍රාමාත්‍ය ධුරයේ කටයුතු කරන බව රනිල් වික්‍රමසිංහ මහතා මීට ටික වේලාවකට පෙර ජනාධිපති මෛත්‍රීපාල සිරිසේන මහතාට ලිඛිතව දැනුම් දුන්නේය.

26 October 2018

එජාප මන්ත්‍රී ආනන්ද අලුත්ගමගේ සහය මහින්දට

මහින්ද රාජපක්ෂ මහතා ප්‍රමුඛ ආණ්ඩුවට සහයෝගය ලබා දෙන බව එක්සත් ජාතික පක්ෂ පාර්ලිමේන්තු මන්ත්‍රී ආනන්ද අලුත්ගමගේ මහතා පැවසීය.

26 October 2018

අගමැති ධුරයෙන් ඉවත් කළ බව ජනපති රනිල්ට ලිඛිතව දැනුම් දෙයි

තමා වෙත ලැබී ඇති බලතල අනුව ශ්‍රී ලංකා ප්‍රජාතාන්ත්‍රික සමාජවාදී ජනරාජයේ අග්‍රාමාත්‍ය ධුරයෙන් රනිල් වික්‍රමසිංහ මහතා ඉවත් කළ බව ජනාධිපති මෛත්‍රීපාල සිරිසේන මහතා රනිල් වික්‍රමසිංහ මහතාට ලිඛිතව දැනුම් දී ඇත.

26 October 2018

මහින්දට ගෝඨාභයගෙන් සුබපැතුම්

අගැමැති ලෙස දිවුරුම් දුන් මහින්ද රාජපක්ෂ මහතාට සතුටින් හා ආඩම්බරයෙන් සුබපැතුම් එක් කරන බව හිටපු ආරක්ෂක ලේකම් ගෝඨාභය රාජපක්ෂ මහතා ට්විටර් පණිවිඩයක් නිකුත් කරමින් කියයි

26 October 2018

ඒකාබද්ධ මන්ත්‍රීවරු රාත්‍රී 10ට නව අගමැති හමුවෙති

ඒකාබද්ධ විපක්ෂයේ මන්ත්‍රීවරුන් අද රාත්‍රී 10ට මහින්ද රාජපක්ෂ මහතාගේ නිල නිවසේදී විශේෂ සාකච්ඡාවක් පවත්වන බව ආරංචි මාර්ග කියයි.

26 October 2018

එජාප මන්ත්‍රීවරු අරලියගහ මැදුරේ සාකච්ඡාවක

ඉදිරි කටයුතු සම්බන්ධයෙන් එක්සත් ජාතික පක්ෂයේ මන්ත්‍රීවරුන් අරලියගහ මන්දිරයේදී රැස්වී සාකච්ඡාවක් පැවැත්වීමට නියමිතය.

26 October 2018

ප්‍රජාතන්ත්‍රවාදයේ කඩාවැටීමක් - සාගල රත්නායක

මහින්ද රාජපක්ෂ මහතා අගමැති ලෙස පත් කිරීම ප්‍රජාතන්ත්‍රවාදයේ කඩාවැටීමක් බව තරුණ කටයුතු, ව්‍යාපෘති කළමනාකරණ සහ දක්ෂිණ සංවර්ධන අමාත්‍ය සාගල රත්නායක මහතා කියයි.

26 October 2018

අගමැති මහින්දට මාලදිවයිනෙන් සුබපැතුම්

මෙරට නව අග්‍රාමාත්‍යවරයා ලෙස පත්වූ හිටපු ජනාධිපති මහින්ද රාජපක්ෂ මහතාට සුබ පැතුම් එක් කරමින් මාලදිවයිනේ හිටපු ජනාධිපති මවුමූන් අබ්දුල් ගයුම් මහතා ට්විටර් පණිවුඩයක් නිකුත් කර ඇත.

26 October 2018

මහින්ද පත් කිරීම නීති විරෝධියි - මංගල සමරවීර

මහින්ද රාජපක්ෂ මහතා අගමැති ලෙස පත් කළ ආකාරය ව්‍යවස්ථා විරෝධී බව මුදල් හා ජනමාධ්‍ය අමාත්‍ය මංගල සමරවීර මහතා කියයි.

26 October 2018

මහින්දගේ දිවුරුම් දීම අසා හම්බන්තොට රතිඤ්ඥා දල්වති

මහින්ද රාජපක්ෂ මහතා අගමැති ලෙස දිවුරුම් දුන් පුවත සැලවීමත් සමඟම හම්බන්තොට දිස්ත්‍රික්කයේ අද (26) රාත්‍රීයේ රතිඤ්ඥා හඩින් ගිගුම් දෙන්නට විය. හම්බන්තොට දිස්ත්‍රික්කයේ ජනතාව වීදී බැස රතිඤ්ඤා දල්වමින් ප්‍රීති ඝෝෂා නගන්නට වූහ.

26 October 2018