එසැණ පුවත්

ප්‍රතිඵල නැවත සමීක්ෂණයට පෙර අලුතෙන් ලියූ පිළිතුරු පත්‍ර 2ක් එකතු කරලා

අධ්‍යයන පොදු සහතිකපත්‍ර උසස් පෙළ විභාගයේ (2018) උත්තර පත්‍ර අධීක්ෂණය කරනු ලබන අවස්ථාවේ පිළිතුරු පත්‍රයකට අලුතෙන් ලියූ පිළිතුරු පත්‍ර එකතු කර ඇතැයි කියන සිද්ධියක් සම්බන්ධයෙන් විභාග දෙපාර්තමේන්තුව මූලික විමර්ශන ආරම්භ කර ඇත.

22 July 2019

ඉදිරියට තැබූ අඩියට පිටුපසට නොගන්නා බව සජිත් කියයි

තමන් ඉදිරියට තැබූ අඩිය කිසිසේත්ම පිටුපසට නොගන්නා බවත් ඉදිරි මැතිවරණ සම්බන්ධයෙන් ඉදිරිපත් වන අපේක්ෂකයා කවුරුන්ද යන්න තේරීම තමන්ගේ කාර්යයක් නොවන බවත් එය කෘතාධිකාරී මණ්ඩල ඇතුළු පක්ෂය විසින් තීරණය කරනු ඇතැයි එක්සත් ජාතික පක්ෂයේ නියෝජ්‍ය නායක, නිවාස ඉදිකිරීම් හා සංස්කෘතික කටයුතු අමාත්‍ය සජිත් ප්‍රේමදාස මහතා අද (22) මහනුවර දී පැවසීය.

22 July 2019

වෙල්ගම පිළිගන්න එජාපය සූදානම්

කොන්ද පණ තියෙන පාර්ලිමේන්තුව නියෝජනය කරන ජ්‍යෙෂ්ඨ මන්ත‍්‍රිවරයෙක් ලෙස කුමාර වෙල්ගම මහතා එක්සත් ජාතික පක්ෂයට පිළිගැනීමට සූදානම් බව පාර්ලිමේන්තු මන්ත‍්‍රී හර්ෂණ රාජකරුණා මහතා පැවැසීය.

22 July 2019

බෙලිඅත්ත ප්‍රා. සභාපතිට ඇප

බෙලිඅත්ත ප්‍රාදේශීය සභාවේ එක්සත් ජාතික පක්ෂයේ හිටපු මන්ත්‍රීවරයකුට පහර දුන්නැයි යැයි කියන සිද්ධියක් සම්බන්ධයෙන් අත්අඩංගුවට ගත් බෙලිඅත්ත ප්‍රාදේශීය සභාවේ සභාපති සිරිල් මුණසිංහ මහතාට රුපියල් ලක්ෂ දෙක බැගින් වූ ශරීර ඇප දෙකක් මත මුදාහැරීමට තංගල්ල ප්‍රධාන මහේස්ත්‍රාත් එල්.ටී. වරුසවිතාන මහතා අද(22) නියෝග කළේය.

22 July 2019

‘වසර අග අනිවාර්යයෙන්ම ජනපතිවරණය පැවැත්විය යුතුයි’

මෛත‍්‍රිපාල සිරිසේන ජනාධිපතිවරයාගේ ධූරකාලය වසර පහකින් අවසන් වන බවට ශ්‍රේෂ්ඨාධිකරණය තීන්දුවක් දී තිබෙන බවද ඒ අනුව මේ වසර අවසානයේ අනිවාර්යයෙන්ම ජනාධිපතිවරණය පැවැත්විය යුතු බවද ජනතා විමුක්ති පෙරමුණේ ප‍්‍රචාරක ලේකම්, පාර්ලිමේන්තු මන්ත‍්‍රී විජිත හේරත් මහතා අද (22) පැවසීය.

22 July 2019

ආවා කල්ලියේ 27 ක් අත්අඩංගුවට

යාපනය දිස්ත්‍රීක්කයේ ආවා කල්ලිය විසින් සිදු කරන ලද ප්‍රචණ්ඩ ක්‍රියාවන්ට සම්බන්ධ ප්‍රබලයින් දෙදෙනෙකු ඇතුළු 27 දෙනෙකු අත්අඩංගුවට ගෙන අධිකරණයට ඉදිරිපත් කර ඇති බවට යාපනය පොලීසිය පවසයි.

22 July 2019

වෛද්‍ය සාෆිගේ මූලික අයිතිවාසිකම් පෙත්සම සළකා බැලීම කල්යයි

කිසිදු හේතුවක් නොදක්වා පොලීසිය මඟින් අත්අඩංගුවට ගෙන නීතිවිරෝධී ලෙස රඳවා තබා ගැනීමෙන් තම මූලික අයිතිවාසිකම් කඩවී ඇතැයි කියමින්, තමන් වහාම මුදා හරින ලෙස ඉල්ලා කුරුණෑගල ශික්ෂණ රෝහලේ සේවයේ නියුතුව සිටි වෛද්‍ය සේගු ෂියාබ්දීන් මොහොමඞ් සාෆි මහතා ගොනු කළ මූලික අයිතිවාසිකම් පෙත්සම සලකා බැලීම ලබන අගෝස්තු 6 වැනිදා තෙක් කල් තැබීමට ශ්‍රේෂ්ඨාධිකරණය අද තීන්දු කළේය.

22 July 2019

බෙලිඅත්ත ප්‍රා. සභාපති අත්අඩංගුවට

බෙලිඅත්ත ප්‍රාදේශීය සභාවේ සභාපති සිරිල් මුණසිංහ මහතා (ශ්‍රී ලංකා පොදු ජන පෙරමුණ) බෙලිඅත්ත පොලිසිය වෙත බාරවීමෙන් පසු අද(22) අත්අඩංගුවට ගත් බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පැවසීය.

22 July 2019

පූජිත් - හේමසිරිගේ නඩුවේ වැඩිදුර විභාගය ඔක්තෝබරයට කල් යයි

පාස්කු ඉරිදා ප්‍රහාරය සම්බන්ධ සිද්ධියේ සැකකරුවන් වූ හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත් ජයසුන්දර යන මහත්වරුන් සම්බන්ධ වැඩිදුර නඩු විභාගය ලබන ඔක්තෝබර් 3 දා තෙක් කල් තැබීමට කොළඹ ප්‍රධාන මහේස්ත්‍රාත් ලංකා ජයරත්න මෙනවිය අද (22) නියම කළාය.

22 July 2019

‘පාස්කු ප්‍රහාරයට සම්බන්ධ ත්‍රස්තවාදීන්ට මරණ දඬුවම දීමට විරුද්ධ නැහැ’

පාස්කු ප්‍රහාරයට තෙමසක් පිරෙන මොහොතේ ඊට සෘජුවම සම්බන්ධ ත්‍රස්තවාදීන්ට මරණ දඬුවම ක්‍රියාත්මක කිරීම පිළිබඳ තමාගේ කිසිදු විරුද්ධත්වයක් නොමැති බව විදේශ කටයුතු රාජ්‍ය අමාත්‍ය වසන්ත සේනානායක මහතා පැවසීය.

22 July 2019

වියදම් කපන්න භාණ්ඩාගාරයෙන් නියෝගයක්

රජයේ වියදම් සීමාකරණය මුදල් අමාත්‍යාංශය සියලු රාජ්‍ය ආයතන ප්‍රධානීන්ට විශේෂ චක්‍රලේඛයක් මගින් දැනුම් දී ඇත. ජල විදුලි දුරකතන ගාස්තු ආදිය හැකි තරම් සීමා කරන ලෙසත් අනෙකුත් වියදම් නියමිත උපදෙස් පරිදි සිදුකරන ලෙසත් මුදල් අමාත්‍යාංශයේ සහ මහා භාණ්ඩාගාරයේ ලේකම් ආචාර්ය ආර්.එච්.එස්. සමරතුංග මහතා නිකුත් කර ඇති එම චක්‍රලේඛයේ සඳහන් වේ.

22 July 2019

කිසිම විදියකින් පළාත් සභා මැතිවරණය පැවැත්විය නොහැකියි

පැරණි මනාප ක්‍රමයට හෝ අලුත් කොට්ඨාස ක්‍රමයට හෝ කුමන අයුරකින්වත් පළාත් සභා මැතිවරණය පැවැත්විය නොහැකි බව පක්ෂයේ නීති විශාරදයන්ගේ මතය යැයි එක්සත් ජාතික පක්ෂ මහලේකම් අධ්‍යාපන ඇමැති අකිල විරාජ් කාරියවසම් මහතා ලංකාදීපයට කීය.

22 July 2019

ප්‍රවීණ ගුවන් විදුලි නිවේදිකා කුසුම් පිරීස් සමුගනී

ප්‍රවීණ ගුවන්විදුලි නිවේදිකාවක, ගීත රචිකාවියක මෙන් ම ප්‍රවීණ ගුවන් විදුලි නාට්‍ය ශිල්පිණියක වූ කුසුම් පීරිස් මහත්මිය අභාවප්‍රාප්ත වූවාය.

22 July 2019

මඩකලපුව සරසවියේ වාර්තාව අධ්‍යයනයට කල් ඉල්ලීමට කැබිනට් විරෝධය

හිටපු ආණ්ඩුකාර එම්.එල් හිස්බුල්ලා මහතාගේ මඩකලපුව විශ්වවිද්‍යාලය සම්බන්ධයෙන් පාර්ලිමේන්තුවේ අධ්‍යාපන ආංගික කාරක සභාව විසින් දෙන ලද වාර්තාව අධ්‍යනය කිරීමට දී ඇති සති දෙකක කාලය ප්‍රමාණවත් නොවන බැවින් එය අධ්‍යන කිරීමට මාස දෙකක කාලයක් විශ්වවිද්‍යාල ප්‍රතිපාදන කොමිෂන් සභාවට ලබා දෙන ලෙස ඉල්ලමින් උසස් අධ්‍යාපපන අමාත්‍යංශය ඉදිරිපත් කළ යෝජනාවකට ඉකුත් සිකුරාදා (19) කැබිනට් රැස්වීමේදී ඇමැතිවරුන් පිරිසක් විරෝධය දක්වා ඇතැයි වාර්තා වේ.

21 July 2019

‘තැපැල් සේවක ගැටලුවට කැබිනට්ටුවේදීත් විසඳුමක් නොලැබෙයි’

තැපැල් සේවක ගැටලු විසඳීමට අදාළ කැබිනට් සංදේශය ඉකුත් සිකුරාදා (19) පැවැති කැබිනට් රැස්වීමට ඉදිරිපත් කර තිබුණද ඊට නිශ්චිත විසඳුමක් ලැබී නැතැයි රජයේ ආරංචි මාර්ග පවසයි.

21 July 2019

‘අයිසිස් ලංකාවෙන් මුලිනුපුටා දමනවා‘

විධිමත් ක්‍රමවේදයක් සකස් කර අයිසිස් ත්‍රස්තවාදය නැවත ඇති නොවන ලෙස ශ්‍රී ලංකාවෙන් මුලිනුපුටා දමන බව අග්‍රාමාත්‍ය රනිල් වික්‍රමසිංහ මහතා මාතරදී අද (21) පැවැසීය.

21 July 2019

‘අහිංසක ජීවිත විනාශ වුණේ හිතුවක්කාර ප්‍රතිපත්තියක් නැති නායකයෝ නිසයි‘

‘ව්‍යවස්ථායකය හා විධායක අතර පැවති අරගලය නිසා ආරක්ෂක මණ්ඩලය කැඳවූයේ නැහැ. අනතුරු ඇගවීම් තුට්ටුවකට ගණන් ගත්තේ නැහැ. අහිංසක ජීවිත තුන් සීයක් විනාශ වුනේ හිතුවක්කාර දඩබ්බර ප‍්‍රතිපත්තියක් නැති නායකයෝ නිසයි.මේ සියලූ දෙනාට ගෙදර යන්න කියලා රට කරන්න පුළුවන් කෙනෙකුට බාර දෙන්න ඕනෑ‘ යැයි අගරදගුරු අති උතුම් මැල්කම් කාදිනල් රංජිත් හිමිපාණෝ පැවසූහ.

21 July 2019

අලුත උපන් දරුවන්ට මාපිය ජාතිකත්වය දැක්වීමේ වෙනසක්

අලුත උපන් දරුවන් සඳහා ලබාදෙන ජාතික උප්පැන්න සහතිකයේ 2019 වසරේ සිට දෙමාපියන්ගේ ජාතිකත්වය පිළිබඳව දැක්වීමේදී ශ්‍රී ලාංකික යනුවෙන් සඳහන් කිරීමට පියවර ගන්නා බව රෙජිස්ට්‍රාර් ජනරාල් එන්.සී.විතානගේ මහතා පවසයි.

21 July 2019

පොම්පවල දෝෂයකින් නෞකාවේ තෙල් ඉවත් කිරීම නවතී

රූමස්සල කන්දේ ගල් පරයක හැපී අනතුරට ලක්වූ නෞකාවේ තෙල් ඉවත් කිරිමේ කටයුතු පොම්පවල සිදුවූ දෝෂයක් හේතුවෙන් අද (21) තාවකාලිකව නතර කිරීමට සිදුවු බව නැව් සමාගමේ නියෝජිතයෙක් පැවසීය.

21 July 2019

‘පොදු අපේක්ෂකයාට පෙර රටට ගැළපෙන වැඩපිළිවෙළක් ඉදිරිපත් කළ යුතුයි’

පොදු අපේක්‍ෂකයකු ඉදිරිපත් කිරීමට පෙර රටේ ගැටළු විසඳිය හැකි පුළුල් දේශපාලන සන්ධානයක්, එහි දේශපාලන, ආර්ථික, සමාජ වැඩපිළිවෙළ, සහ එය ක‍්‍රියාවට නංවන නායකත්ව මඩුල්ල රටට ප‍්‍රකාශ කළ යුතු යැයි මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.

21 July 2019

‘දෙමළ ජාතිකයින් පිළිගත් එකම නායකයා ප්‍රභාකරන් පමණයි‘

දෙමළ ජනතාවගේ අයිතිවාසිකම් දිනා නොදුන් සිංහල දේශපාලන නායකයින්ට දෙමළ ජනතාවගේ ජාතික නායකයින් බවට පත්විය නොහැකි බවත්, දෙමළ ජනතාව පිළිගත් එකම ජාතික නායකයා එල්.ටී.ටී.ඊ නායක වේළුපිල්ලේ ප්‍රභාකරන් බවත් හිටපු උතුරු පළාත් කෘෂිකර්ම අමාත්‍ය පී.අයින්කරනේසන් මහතා පවසයි.

21 July 2019

ගම්පහ කැමැත්ත ගෝඨාට

ඉදිරි ජනාධිපතිවරණයේ දී ශ්‍රී ලංකා පොදුජන පෙරමුණේ අපේක්ෂකයා වශයෙන් හිටපු ආරක්ෂක ලේකම් ගෝඨාභය රාජපක්ෂ මහතා ඉදිරිපත් කළ යුතු බවට වන යෝජනාවක් එම පක්ෂයේ ගම්පහ දිස්ත්‍රික් කමිටුවේ දී සම්මත කෙරිණි.

21 July 2019

ජල බෝතල ව්‍යාපාරයකට සිංහරාජය අසළ අක්කර 8 ක් එළිකරයි

සිංහරාජ වැසි වනාන්තරයේ රක්වාන නැගෙනහිර කඳුවැටියේ මානික්කවත්ත, බෝටියතැන්න හඳපාන්ඇල්ල භුමියේ අක්කර අටක ප‍්‍රමාණයක් පෞද්ගලික ඉඩමක් බව පවසමින් ගිනි තබා, ගල් පෙරළා අනවසරයෙන් එළිපෙහෙළි කර ඇතැයිද, එහි පානීය ජල බෝතල් නිපදවීමේ කර්මාන්ත ශාලාවක් ඉදිකිරීමට නියමිත බවද පරිසරවේදීහු පෙන්වාදෙති.

21 July 2019

රටපුරා තැපැල් සේවකයෝ හෙට ලෙඩ වෙති

සිය ඉල්ලීම් වලට යහපත් ප්‍රතිචාරයක් නොලැබීම හේතුවෙන් රටපුරා සියලුම තැපැල් සේවකයින් හෙට (22) ලෙඩ නිවාඩු දමා සේවයට වාර්තා කිරීමෙන් වැළකී සිටින බව තැපැල් වෘත්තීය සමිති ඒකාබද්ධ පෙරමුණේ කැඳවුම්කරු චින්තක බණ්ඩාර මහතා පැවසීය.

21 July 2019

කුවේට් සිටි ගෘහ සේවිකාවෝ 30 ක් ලංකාවට එවති

කුවේට් පොලිස් රැඳවුම් මධ්‍යස්ථානයේ රදවා තබා ගෙන සිටි ශ්‍රී ලාංකික ගෘහ සේවිකාවන් 30 දෙනෙකු අද (21) අලුයම කටුනායක ගුවන් තොටුපළ වෙත එවා තිබිණි.

21 July 2019

මොරගහකන්ද රක්ෂිතයට ගිනිතැබීමෙන් පැළ 26,000 ක් විනාශයි

පවත්නා වියළි කාලගුණයත් සමඟ නාඋල ප්‍රාදේශිය ලේකම් කොට්ඨාශයේ මොරගකන්ද ආශ්‍රිත රක්ෂිත කැලෑ ගිනි තැබීම් ඉහළ ගොස් තිබේ.

21 July 2019

මුහුදු ඛාදනයත් සමඟ මුතුපංතිය ධීවර ගම්මානය අනතුරේ

පැවති තද සුළං තත්වයත් සමඟ ආරච්චිකට්ටුව මුතුපංතිය ධීවර ගම්මානයේ කිලෝ මීටර් තුනහමාරක මුහුදු තීරය ඛාදනයට ලක්වීමෙන් නිවෙස් සහ මාර්ග පද්ධතිය මුහුදට බිලිවීමේ බරපතල අර්බුද කීපයකට ගම්මු මුහුණ පා ඇත.

21 July 2019

ප්‍රහාරයෙන් පසු කටුවපිටිය දේවස්ථානයේ පළමු දේවමෙහෙය අද

පාස්කු ඉරිදා ත‍්‍රස්ත‍්‍ර ප‍්‍රහාරය හේතුවෙන් විනාශයට පත් මීගමුව කටුවපිටිය ශූද්ධවූ සෙබස්තියන් මුනිදුන්ගේ දේවස්ථානය ප‍්‍රතිසංස්කරණය කිරීමෙන් පසු නැවත කැප කිරීමේ දිව්‍ය යාගය හා ප‍්‍රහාරයෙන් මියගිය පිරිස් වෙනුවෙන් දිව්‍ය පූජාව අගරදගුරු අතිඋතුම් මැල්කම් කාදිනල් රංජිත් හිමිපාණන්ගේ ප‍්‍රධාතත්වයෙන් අද ( 21 ) පෙරවරුවේ සිදු කෙරිණි.

21 July 2019