එසැණ පුවත්

වැස්සෙන් මඩකලපුව-කොළඹ දුම්රිය 3 ක් නවතී

අධික වර්ෂාව හේතුවෙන් මඩකලපුව දුම්රිය ස්ථාන සිට කොළඹ දක්වා ධාවනය වීමට නියමිතව තිබූ දුම්රිය සේවා 3ක් අවලංගු කර ඇති බව දුම්රිය බලධාරීහු පවසති.

22 December 2019

ටෙලර් යන්ත්‍රයකින් ලක්ෂ 16ක් සොරාගත් අයෙක් අත්අඩංගුවට

කිරුළපන, පොල්හේන්ගොඩ හන්දියේ පිහිටි පෞද්ගලික බැංකුවකට අයත් ටෙලර් යන්ත්‍රයක් කඩා එහි තිබූ රුපියල් 1,633,500 ක මුදලක් සොරාගත් පුද්ගලයෙකු අද(22) අත්අඩංගුවට ගත් බව කිරුළපන පොලිසිය කියයි.

22 December 2019

කුඩා ට්‍රක්-මදුරුවා යතුපැදි සඳහා තාවකාලික සහනයක්

බලපත්‍ර නොමැතිව පිටුපස ආවරණය කරන ලද කුඩා ට්‍රක් රථ හා ලියාපදිංචි නොකල එන්ජින් ධාරිතාවය 49 සී සී වර්ගයේ මදුරුවා යතුරු පැදි අත් අඩංගුවට ගෙන නඩු පැවරීම තාවකාලිකව නතර කරන ලෙසට දිවයිනේ සියලුම පොලිස් ස්ථාන වෙත දැනුම් දී ඇතැයි තොරතුරු හා සන්නිවේදන තාක්ෂණ රාජ්‍ය අමාත්‍ය ලක්ෂ්මන් යාපා අබේවර්ධන මහතා අද (22) පැවසීය.

22 December 2019

කාලගුණයෙන් රතු නිවේදන

දිවයිනේ පළාත් ගණනාවකට බලපා ඇති වැසි තත්ත්වය අද (22) සහ හෙට (23) දිනවලදී තවදුරටත් වැඩිවිය හැකි බවට කාලගුණ විද්‍යා දෙපාර්තමේන්තුව රතු නිවේදනයක් නිකුත් කර තිබේ.

22 December 2019

ගං වතුරෙන්- නාය යෑමෙන් දිවයින පුරා පවුල් 9,962 ක් අවතැන්

දිවයිනේ දිස්ත‍්‍රික්ක 13 කට බල පා ඇති තද වැසි, ගං වතුර, නායයෑම් අවදානම් ඇතුළු ආපදා තත්ත්වයන් හේතුවෙන් පවුල් 9,962 කට අයත් 34,842 දෙනෙක් පීඩාවට පත්ව සිටින බව ආපදා කළමනාකරණ මධ්‍යස්ථානය පවසයි.

22 December 2019

වැස්සෙන් මාතලේ පවුල් 484 ක් අවතැන්

දින කිහිපයක් තිස්සේ මාතලේ දිස්ත්‍රික්කයට ඇදහැලුණු අධික වර්ෂාව හේතුවෙන් අද (22) උදැසන වන විට දිස්ත්‍රික්කයේ සියලුම ප්‍රාදේශිය ලේකම් කොට්ඨාශවල පවුල් 484ක පුද්ගලයින් 1592 දෙනෙකු පිඩාවට පත්ව ඇති බව මාතලේ දිස්ත්‍රික් ආපදා කළමණාකරණ මධ්‍යස්ථානයේ සහකාර අධ්‍යක්ෂ චමින්ද අමරවිර මහතා පැවසිය.

22 December 2019

දුන්හිඳ මාර්ගය යළි විවෘත කරයි

මාර්ගයේ අනාරක්ෂිත බව නිසා දින දෙකක් වසා දමා තිබූ දුන්හිඳ දියඇල්ලට ප්‍රවේශ වන මාර්ගය අද (22) යළිත් විවෘත කළ බව ආපදා කළමණාකරන බදුල්ල දිස්ත්‍රික් සහකාර අධ්‍යක්ෂ ඊ.එල්.එම් උදයකුමාර මහතා පැවසීය.

22 December 2019

දඹුල්ලේ අර්තාපල්-ලොකු ලූනු ජාවාරමට දැඩි නීතී

කිසිදු ලියාපදිංචියකින් තොරව දඹුල්ල ආර්ථික මධ්‍යස්ථානය දෙපස ගබඩා පවත්වාගෙන යන මුවාවෙන් පකිස්තාන ජාතිකයන් සමග එක්ව සිදු කරගෙන ගෙන යන අර්තාපල් සහ ලොකු ලූනු අලෙවි කිරීමේ මාෆියාවට දැඩි නීති ක්‍රියාත්මක කරන බව දඹුල්ල නගරාධිපති ජාලිය ඕපාත මහතා පැවසීය.

22 December 2019

පස්සර ලුණුගල ප්‍රධාන මාර්ගයේ නාය යාමක් සක්‍රීය වෙයි

පස්සර-ලුණුගල මාර්ගයේ මිල්ලඔය පාලම අසළ නාය යාමක් සක්‍රිය වී ඇතැයි ආපදා කළමණාකරන බදුල්ල දිස්ත්‍රික් සහකාර අධ්‍යක්ෂ ඊ.එල්.එම් උදයකුමාර මහතා පැවසීය .

22 December 2019

වන්දනාවේ ගිය තරුණයෙක්ට දිවියෙක් පහර දෙයි

කතරගම වන්දනාවේ යමින් සිටි පිරිසකගෙන් තරුණයකුට යාල අභයභූමිය ආශ්‍රිත ගල්ගේ හන්දිය ප්‍රදේශයේ දී දිවියකු පහරදීමෙන් තුවාල ලබා කතරගම රෝහලට ඇතුළත් කළ බව පොලීසිය පවසයි.

22 December 2019

ඉන්දියාවේ පුරවැසි පනතට එරෙහි විරෝධතාවලින් 19ක් මරුට

පසුගිය දෙසැම්බර් 11වනදා පාර්ලිමේන්තුව පුරවැසි නීතිය සම්මත කළ දින සිට මේ දක්වා ඇතිවූ ගැටුම් වලින් පුද්ගලයන් 19දෙනකු මියගොස් ඇති බව ඉන්දිය බලධාරීහු පවසති.

22 December 2019

ජලයෙන් යටවූ මාර්ගයේ බසය ධාවනය කළ රියදුරු- කොන්දොස්තර රිමාන්ඩ්

පොළොන්නරුව මඩකළපුව ප‍්‍රධාන මාර්ගයේ මනම්පිටිය සහ ගල්ලෑල්ල අතර ප‍්‍රදේශය ගංවතුරෙන් යටවී තිබියදී මගීන් රැගත් පෞද්ගලික බස් රථයක් ධාවනය කළ පෞද්ගලික බස් රථයේ රියැදුරු සහ කොන්දොස්තරවරයා දෙසැම්බර් 27 දක්වා බන්ධනාගාර ගතකරන ලෙස පොළොන්නරුව වැඩබලන මහේස්ත්‍රාත් සන්ධ්‍යා කරුණාසේකර මහත්මිය ඊයේ(21) නියෝග කළාය.

22 December 2019

පාඨලී බලන්න සජිත් යයි

හම්බන්තොට දිස්ත්‍රික් පාර්ලිමේන්තු මන්ත්‍රී සජිත් ප්‍රේමදාස මහතා දැනට බන්ධනාගාරගතව සිටින පාඨලී චම්පික රණවක මහතා හමුවීමට අද (21) වැඩිකඩ බන්ධනාගාරය වෙත පැමිණියේය.

21 December 2019

ගලේවෙල - කැකිරාව මාර්ගයත් යටවෙයි

මාතලේ දිස්ත්‍රික්කයට ඇද හැලුණු අධික වාර්ෂාවත් සමග අද (21) ගලේවෙල කැකිරාව මාර්ගය ප්‍රදේශ කිහිපයකින් යටවීයාම නිසා ගමනාගමනයට බාධා ඇතිවිය.

21 December 2019

පුත්තලම - අනුරාධපුර ගමනාගමනයට මී ඔය පාලම අසලින් බාධා

අධික ගංවතුර තත්වයත් සමග පුත්තලම - අනුරාධපුර මාර්ගයේ ගමනාගමන කටයුතු වලට අද (21) අළුයම සිට බාධා එල්ලවෙමින් ඇති බව පුත්තලම ආපදා කළමණාකරන ඒකකය පවසයි.

21 December 2019

තබ්බෝවේ දේව ප්‍රතිමාවක රන් මාලයක් සොරා ගනියි

තබ්බෝව ජලාශයට ආසන්නයේ පිහිටි ‍පැරණි අයියනායක දේවාලයේ ඇති අයියනායක දේව ප්‍රතිමාවට පළඳා තිබූ රන් මාලය අද (21) කිසිවකු විසින් සොරා ගෙන ගොස් ඇති බව ජනතාව පවසයි.

21 December 2019

වර්ෂාවෙන් මොණරාගල පවුල් 587ක් අවතැන්

පසුගිය දින‍ දෙක තිස්සේ නොකඩවා ඇදහැලුන ධාරානිපාත වර්ෂාව නිසා මොණරාගල දිස්ත්‍රික්කයේ සියලුම වැව්,අමුණු,ගංගා පිටාරගැලිම් හා නාය යෑම් නිසා අද (21) දහවල් වනවිට පවුල් 587ක 2335 දෙනෙකු අවතැන්ව සිටින බව දිස්ත්‍රික් ආපදා කළමණාකරණ මධ්‍යස්ථානයේ සහකාර අධ්‍යක්ෂක රවින්ද්‍ර කුමාර මහතා පැවසිය.

21 December 2019

නාඋල 63ක් අවතැන්

පසුගිය දින කිහිපයේ පැවති අධික වැසි තත්වය හේතුවෙන් නාඋල ප්‍රාදේශීය ලේකම් කොට්ඨාශයේ පවුල් 16 කට අයත් පුද්ගලයින් 63 දෙනෙකු අවනැත් වී ඇතැයි නාඋල ප්‍රාදේශිය ලේකම් කාර්යාලය කියයි.

21 December 2019

දින 7කට පසු ඌවට හිරු පායයි

දින 7කට පසුව අද (21) උදෑසන බදුල්ල, මහියංගන ,වියලුව ඇතුළු ඌව පළාතේ ප්‍රදේශ රැසකට හිරු එළිය පතිතවූ බව බව එම ප්‍රදේශයන්හි ජනතාව පවසති .

21 December 2019

ගං වතුරට කොටුවූ 4ක් මුදාගනියි

පොළොන්නරුව දිඹුලාගල මාලිගාතැන්න ප්‍රදේශයේ ගොවිපලක් සහ වී වගාව රැක ගැනිමට ගිය සිවිල් ආරක්ෂකයින් දෙදෙනෙකු සහ වී ගොවින් දෙදෙනෙකු ගං වතුරට කොටු වි සිටියදි අද (21) උදෑසන මුදා ගත් බව පොළොන්නරුව රිදි පොකුණ සිවිල් ආරක්ෂක මුලස්ථානයේ අණදෙන නිලධාරි මේජර් දිනේෂ් කුමාර මහතා පවසයි.

21 December 2019

වර්ෂාව හේතුවෙන් මාතලේ පවුල් 81ක් ආරක්ෂිත ස්ථානවලට

දින තුනක සිට ඇද හැලෙන වර්ෂාව හේතුවෙන් මාතලේ දිස්ත්‍රික්කයේ පවුල් 81ක ජනතාව මේ වනවිට ආරක්ෂිත ස්ථානවල රඳවා ඇතැයි මාතලේ දිස්ත්‍රික් ආපදා කළමනාකරණ ප්‍රධානී චමින්ද අමරවීර මහතා සඳහන් කළේය.

21 December 2019

බදුලුඔය පිටාර ගලයි

බදුල්ලේ බදුලුඔය පිටාර ගලා ගංවතුර තත්වයක් ඇතිවිමට ප්‍රධාන හේතුව බදුලුඔය අවහිර කර සිදුකර ඇති අනවසර ඉදිකිරීම් බව පරිසරවේදීහු පෙන්වාදෙති .

21 December 2019

කාසල්රි - මවුස්සාකැලේ පිටාර මට්ටමට ආසන්නයි

මධ්‍යම කඳුකරයේ බටහිර බෑවුම් ප්‍රදේශවලට පසුගිය දින කිහිපය තුළ ඇද හැලුණු අධික වර්ෂාවත් සමග කාසල්රි සහ මාවුස්සාකැලේ ජලාශවල ජල මට්ටම පිටාර මට්ටමට ආසන්න වී ඇතිබව එම ජලාශ භාර ඉංජිනේරුවන් පැවසීය.

21 December 2019

ගංවතුරට ගසාගෙන ගිය බස් රථයක මගීන් 54ක් මුදාගනියි

ගංවතුරට ගසාගෙන ගිය බස් රථයක කොටුවීසිටි කුඩාදරුවන්, ගැබිණි මවුවරුන්, කාන්තාවන් ඇතුළු මගීන් 54 දෙනෙකු පොලොන්නරුව ගල්ලෑල්ල ප්‍රදේශයේදී අද(21) අළුයම මුදාගත් බව පොලොන්නරුව පොලීසිය කියයි.

21 December 2019

රාජාංගණයේ කුඹුරු යටවෙයි

රාජාංගණය ජලාශයේ වාන්දොරටු විවෘත කිරීම ක්‍රමයෙන් වැඩිකිරීමත් සමග එම ජලාශයට පහළ කලාඔය දෙපස පිහිටි පහත් බිම්ද ජලයෙන් යටවෙමින් පවතී.

21 December 2019

පොතුවිල් - පානම මාර්ගයත් යටවෙයි

ගංගා කිහිපයක් පිටාර ගැලීම හේතුවෙන් පොතුවිල් - පානම මාර්ගය අඩි 4ක් ජලයෙන් යටවී තිබේ.

21 December 2019

පොළොන්නරුව - මඩකලපුව මාර්ගයේ ගමනාගමනය නතර වෙයි

පොළොන්නරුවට ඇද හැලෙන වර්ෂාව සහ පරාක්‍රම සමුද්‍රයේ වාන් දෙරටු විවෘත කිරිමත් සමග පොළොන්නරුව මඩකලපුව ප්‍රධාන මාර්ගයේ මනම්පිටිය ගල්ලෑල්ල ප්‍රදේශයෙන් ජලයෙන් යටවිමත් සමග අද (21) උදෑසන වන විට එම මාර්ගයේ රථවාහන ගමනාගමනය සම්පුර්ණයෙන් නතරකර ඇති බව පොළොන්නරුව ආපදා කලමණාකරන ඒකකය සදහන් කරයි.

21 December 2019

බදුල්ල ප්‍රාදේශීය ලේකම් කොට්ඨාශ 7කට නායයාමේ අවදානම්

බදුල්ල දිස්ත්‍රික්කයේ ප්‍රාදේශීය ලේකම් කොට්ඨාශ 7ක් සඳහා නායයාමේ අවදානම් රතු නිවේදන නිකුත් කර ඇති බැවින් නායයාමේ අවදානම් කලාප වල සිටින ජනතාව ආරක්ෂිත ස්ථාන කරා ඉවත්වීමට විමසිලිමත් ව සිටිය යුතු බව ආපදා කළමනාකරණ මධ්‍යස්ථානය නිවේදනය කරයි.

21 December 2019