එසැණ පුවත්

ගම්පහට-ජා ඇළට-කඳානට ඇඳිරි නීතිය

කොවිඩ් වයිරසය ව්‍යාප්ත වීම හේතුවෙන් ගම්පහ දිස්ත්‍රික්කයට අයත් පොලිස් කොට්ඨාස 14ක් ඇතුළු පොලිස් කොට්ඨාස 17කට ඇඳිරිනීතිය පැනවූ බව හමුදාපති ලුතිනන් ජනරාල් ශවේන්ද්‍ර සිල්වා මහතා පැවසීය.

07 October 2020

ඩුබායි සිට ආ අයකුටත් කොරෝනා

තංගල්ල රැකව ප්‍රදේශයේ සංචාරක හෝටලයක නිරෝධායනවෙමින් සිටි පුද්ගලයෙකුට කොරෝනා ආසාදනයවි ඇති බවට තහවුරුවිම නිසා ඔහු අද (06) සවස හම්බන්තොට රෝහල වෙත ගෙනගිය බව දකුණු පළාත් සෞඛ්‍ය සේවා අධ්‍යක්ෂ කාර්යාලය පවසයි.

06 October 2020

ඇඟලුම් කම්හලේ කොරෝනා පොකුර 832 ට නගී

මිනුවන්ගොඩ ඇඟලුම් කම්හලේ තවත් සේවකයින් 124 දෙනෙකුට කොරෝනා වයිරසය ආසාදනය වී ඇති බව ර‍ජයේ ප්‍රවෘති දෙපාර්තමේන්තුව නිවේදනය කරයි.

06 October 2020

’ජනාධිපතිධූරය දක්වා ආ සේද මාවතට ගල්ගසා විනාශ කරනවා’

මැතිවරණයේ දී ජනතාවගෙන් ඡන්දය ඉල්ලා සිටියේ 19 වන සංශෝධනයේ ඇති දුර්වලතා නිවැරදි කර ගැනීමට පමණක් බවත් ඉන් ඔබ්බට ගොස් අනාගතයේ නිවැරදි කරගන්නට බැරි විකෘති අංග විකල ව්‍යවස්ථාවක් සකසන්නට ජනතාව වරම් නොදුන් බව සිහි තබා ගත යුතු බවත් පාර්ලිමේන්තු මන්ත්‍රී විජයදාස රාජපක්ෂ මහතා ප්‍රකාශ කළේය.

06 October 2020

භෞතික විද්‍යා නොබෙල් ත්‍යාගය විද්‍යාඥයින් තිදෙනකුට

කළු කුහර පිළිබඳ සොයාගැනීම් සඳහා විද්‍යාඥයින් තිදෙනකුට 2020 වසරේ භෞතික විද්‍යා නොබෙල් ත්‍යාගය හිමිවී තිබේ. එය දිනාගැනීමට සමත් වී ඇත්තේ බ්‍රිතාන්‍යයේ රොජර් පෙන්රෝස්, ජර්මනියේ රයින්හාඩ් ජෙන්සෙල් සහ ඇමරිකාවේ ඇන්ඩ්‍රියා ගෙස් යන තිදෙනාය.

06 October 2020

භික්ෂූන් වහන්සේලා 16 නමක් ස්වයං නිරෝධායනයේ

අහංගම ප්‍රදේශයේ විහාරස්ථානයක භික්ෂූන්වහන්සේ නමක් මිනුවන්ගොඩ ඥාති නිවසකට ගොස් ආපසු විහාරස්ථානයට වැඩම කිරිම නිසා එම විහාරස්ථානයේ විහාරාධිපති හිමියන් ඇතුළු භික්ෂූන් වහන්සේලා 16 නමක් අද (6) සිට විහාරස්ථානයේම ස්වයං නිරෝධායනයට යොමු කළ බව හබරාදුව සෞඛ්‍ය වෛද්‍ය නිලධාරි පමෝද සිරිවර්ධන මහතා පැවසීය.

06 October 2020

කොස්ගම හමුදා කඳවුරෙන් ගෙනා උණ්ඩයක් කපද්දී පුපුරායයි

කොස්ගම සාලාව යුද හමුදා කදවුරේ පිපිරීමෙන් අනතුරුව සිදුකළ හිස් උණ්ඩ කොපු වෙන්දේසියෙන් කළුතර දකුණ වෙට්ටුමකඩ ව්‍යාපාරික ස්ථානයකට රැගෙන උණ්ඩ කොපු තොගයෙන් උණ්ඩයක් අද (6) පිපිරීමෙන් පුද්ගලයකු බරපතළ තුවාල ලබා රෝහල් ගතකර ඇතැයි කළුතර දකුණ පොලිසිය කියයි .

06 October 2020

මෝටර් රථ ප්‍රවාහන දෙපාර්තමේන්තුවේ මහජන සේවා නවතී

මෝටර් රථ ප්‍රවාහන දෙපාර්තමේන්තුව මගින් සැපයෙන මහජන සේවාවන් තාවකාලිකව අත්හිටුවීමට තීරණය කළ බව මෝටර් රථ ප්‍රවාහන කොමසාරිස් ජනරාල් සුමිත් සී.කේ.අලහකෝන් මහතා පවසයි.

06 October 2020

ඇඟලුම් කම්හලේ 707 කට කොරෝනා

මිනුවන්ගොඩ ඇඟලුම් කම්හලේ තවත් සේවකයින් 139 දෙනෙකුට කොරෝනා වයිරසය ආසාදනය වී ඇති බව යුද හමුදාපති ලුතිනන් ජනරාල් ශවේන්ද්‍ර සිල්වා මහතා පවසයි.

06 October 2020

රෝගියගේ බිරිඳ සේවය කළ හොරණ රෝහලේ 5 වාට්ටුව වසා දමයි

මිනුවන්ගොඩ බ්‍රැන්ඩික්ස් ආයතනයේ සේවයේ නියුතු හොරණ කඳන්හේන ප්‍රදේශයේ පදිංචි පුද්ගලයකු කොරෝනා ආසාදිතයකු බවට අද (08) දහවල් නාගොඩ මහ රෝහලේ සිදුකරන ලද පී.සී.ආර්. පරීක්‍ෂණයෙන් තහවුරු වී ඇති බව නාගොඩ මහ රෝහලේ අධ්‍යක්‍ෂ වෛද්‍ය තමර කඑබෝවිල මහතා පැවසීය.

06 October 2020

ගාල්ලට යැවූ 55 කින් 15 කට කොරෝනා

දිවුලපිටිය ප්‍රදේශයේ කොරෝනා ආසාදිත කාන්තාවගේ සමිපතමයින් නිරෝධායනයට යොමුකර සිටින හබරාදුව නිල පියස නිරෝධායන මධ්‍යස්ථානයේ රඳවා සිටින තවත් 15කට කොරෝනා ආසාදනයවි ඇති බවට අද (06) තහවුරුවි ඇතැයි ගාල්ල දිස්ත්‍රික් සෞඛ්‍ය සේවා අධ්‍යක්ෂ කාර්යාලය පවසයි.

06 October 2020

ඇගලුම් සේවිකාවගේ ආශ්‍රිතයින් 9 කට කොරෝනා

කොරෝනා වයිරසය ආසාදනය වි ඇති දිවුලපිටිය ප්‍රදේශයේ පදිංචි ඇගලුම් සේවිකාවගේ ආශ්‍රිතයින් 23 දෙනෙකුගේ පි.සි.ආර්. පරික්ෂණ ගාල්ල කරාපිටිය ශික්ෂණ රෝහලේ දි සිදුකළ බවත් අද (06) පස්වරුවේ ලැබුණු පරික්ෂණ වාර්තා වලට අනුව ඉන් 09 දෙනෙකුට කොරෝනා වයිරසය ආසාදනය වි ඇති බවට තහවුරුවි ඇති බව ගාල්ල දිස්ත්‍රික් ප්‍රාදේශිය වසංගත රෝග විද්‍යාඥ වෛද්‍ය වෙනුර කේ සිංගාරච්චි මහතා පවසයි.

06 October 2020

කුරුණෑගල සියලුම උපකාරක පන්ති තාවකාලිකව නවත්වයි

රට තුළ නැවත උද්ගතව පවතින කොරෝනා අවදානම සැළකිල්ලට ගෙන වයඹ පළාත තුළ ක්‍රියාත්මක සියලුම උපකාරක පන්ති හෙට (6) දිනයේ සිට නැවත දැනුම් දෙන තුරු සම්පූර්ණයෙන්ම නවතා දමන ලෙස වයඹ පළාත් ආණ්ඩුකාර රාජා කොල්ලුරේ මහතා නියම කළේය.

06 October 2020

දියණියගේ පන්තියේ ළමුන් 48 ට කොරෝනා නෑ

කොරෝනා ආසාදිත කාන්තාවගේ දියණිය ඉගෙනුම ලබන පාසලේ පන්ති කාමරයේ සිසු සිසුවියන් 42 දෙනා ඇතුළු ඇය ඇසුරු කළ සිසුසිසුවියන් 48දෙනෙකුගෙන් කිසිවෙකුට හෝ වයිසරය ආසාදනය වී නැති බව සෞඛ්‍ය බලධාරීන් විසින් පාසලේ විදුහල්පතිවරයාට දැනුම් දී තිබේ.

06 October 2020

කුරුණෑගල රෝහලේ ප්‍රතිකාර ලබමින් සිටි තරුණයෙකුට කොරෝනා

කුරුණෑගල ශික්ෂණ රෝහලේ ප්‍රතිකාර ලබමින් සිටි, මිනුවන්ගොඩ ඇඟලුම් කම්හලේ සේවය කරන 20 හැවිරිදි තරුණයෙකු ද කොරෝනා ආසාදිතයෙකු බවට අද (6) පී.සී.ආර්. පරීක්ෂණයෙන් තහවුරු වූ බව කුරුණෑගල ශික්ෂණ රෝහලේ නියෝජ්‍ය අධ්‍යක්ෂ වෛද්‍ය චන්දන කැඳන්ගමුව මහතා ප්‍රකාශ කළේය.

06 October 2020

ඇඳිරිය ගම්පහ - දිවුලපිටිය - මිනුවන්ගොඩ - වේයන්ගොඩ පමණයි

ගම්පහ පරිපාලන දිස්ත්‍රික්කයේ ගම්පහ, දිවුලපිටිය, මිනුවන්ගොඩ සහ වේයන්ගොඩ යන පොලිස් බල ප්‍රදේශයන්ට පමණක් නැවත දැනුම් දෙනතුරු පොලිස් ඇදිරිනීතිය පනවා ඇතැයි පොලිස් මූලස්ථානය නිවේදනයක් නිකුත් කරමින් සඳහන් කරයි. ඉහත සඳහන් පොලිස් බලප්‍රදේශයන්ට අමතරව ගම්පහ දිස්ත්‍රික්කයේ තවත් පොලිස් බල ප්‍රදේශ 11 කට ඇ ඳිරිනීතිය පැනවීමට අද දහවල් තීරණය කර තිබුණ නමුත් පස්වරුවේදී එම තීරණය නැවතත් වෙනස් කරන ලදි.

06 October 2020

උත්සව - සම්මන්ත්‍රණ - සංගීත සංදර්ශන - පෙරහර තහනම්

සෞඛ්‍ය අමාත්‍යංශය විසින් අද (6) පස්වරුවේ නිකුත් කරන ලද නිවේදනයක් අනුව දිවයිනේ සියලුම ස්ථානවල උත්සව, සම්මන්ත්‍රණ, සංගීත සංදර්ශන, පෙරහර, සාද සහ අත්‍යවශ්‍ය නොවන රැස්වීම් නැවත දැනුම් දෙන තුරු තහනම් කර තිබේ.

06 October 2020

අග්‍රාමාත්‍ය නිවේදනයට විපක්‍ෂනායකයාගෙන් ප්‍රතිචාර

රාජ්‍ය විගණනය දුර්වල කිරිමෙන් පාර්ලිමේන්තු මූල්‍ය පාලනය අඩපණ කිරීම සඳහා වන ආණ්ඩුවේ කුමන්ත්‍රණය පරාජය කිරීමට සියලු බලවේග වලට ආරාධනා කරන බව විපක්ෂ නායක සජිත් ප්‍රේමදාස මහතා සඳහන් කරයි.

06 October 2020

ගම්පහ තවත් පොලිස්බල ප්‍රදේශ 12 කට ඇදිරිනීතිය

ගම්පහ පොලිස් බල ප්‍රදේශයේ ගම්පහ, කිරිඳිවැල, දොම්පේ , පූගොඩ, ගනේමුල්ල, වීරගුල , වැලිවේරිය, මල්වතුහිරිපිටිය, නිට්ටඹුව, මීරිගම, පල්ලෙවෙල , යක්කල යන ප්‍රදේශයන්ට නැවත දැනුම් දෙනතුරු නිරෝධායන ඇදිරිනීතිය පනවා ඇතැයි පොලිස් මූලස්ථානය නිවේදනයක් නිකුත් කරමින් පවසයි.

06 October 2020

පාර්ලිමේන්තුව දිගටම රැස්වෙයි

රට තුළ උද්ගත වී ඇති කෝවිඩ් -19 අභියෝගය සමීපව නිරීක්ෂණය කරමින් පාර්ලිමේන්තු රැස්වීම් ඉදිරියට පවත්වාගෙන යාමට පාර්ලිමේන්තු කටයුතු පිළිබඳ කාරක සභාව අද (06) තීරණය කළේය.

06 October 2020

ලලිත් - අනූෂ අභියාචන පෙත්සම් වල ලිඛිත දේශන 23 වැනිදාට පෙර ඉල්ලයි

ලලිත් වීරතුංග සහ අනුෂ පැල්පිට මහත්වරුන් විසින් ඉදිරිපත් කළ අභියාචන පෙත්සම් විභාගයේ අභියාචන පෙත්සම් සම්බන්ධයෙන් දෙපාර්ශවයේම ලිඛිත දේශන ලබන 23 වැනිදා හෝ ඊට පෙර ගොනු කරන්නැයි අභියාචනාධිකරණය විසින් නියම කරන ලදි.

06 October 2020

‘ඇඳිරිය ඇති තැන්වල කම්හල් සේවකයන් ගම්බිම් යන්න එපා’

ගම්පහ,මිනුවන්ගොඩ,වේයන්ගොඩ හා දිවුලපිටිය යන පොලිස්බල ප්‍රදේශවලට ක්‍රියාත්මක කර ඇති නිරෝධායන ඇඳිරිනීතිය හේතුවෙන් එම ප්‍රදේශවල කර්මාන්තශාලාවල සේවය කරන සේවක සේවිකාවන් නේවාසිකාගාර වලින් පිටව යෑමෙන් වළකින ලෙස නියෝජ්‍ය පොලිස්පති අජිත් රෝහණ මහතා පවසයි.

06 October 2020

නිවෙස් වලින් පිටතට නොයන්නැයි බැන්ඩ්‍රික්ස් සේවකයින්ගෙන් ඉල්ලයි

මිනුවන්ගොඩ බැන්ඩ්‍රික්ස් ආයතනයේ සේවය කරන ලැබූ සියලුම සේවක සේවිකාවන් හා ඔවුන්ගේ පවුලේ සියලුම දෙනා ශ්‍රී ලංකාවේ කුමන ප්‍රදේශයක ජිවත් වුවද සිය නිවෙස්වලින් පිටතට නොයන ලෙස රජය දැනුම් දෙයි.

06 October 2020

ගම්පහටත් ඇඳිරිය දික්වෙයි

ගම්පහ පොලිස් බල ප්‍රදේශයට අද(06) පස්වරු 6.00 සිට නැවත දැනුම්දෙනතුරු පොලිස් ඇදිරි නීතිය පනවා ඇති බව නියෝජ්‍ය පොලිස්පති අජිත් රෝහණ මහතා පැවසීය.

06 October 2020

එස්. වියාලේන්ද්‍රන් රාජ්‍ය ඇමති ධූරයකට

පසුගාමී ග්‍රාමීය ප්‍රදේශ සංවර්ධන සහ ගෘහාශ්‍රිත සත්ව පාලන හා සුළු ආර්ථික භෝග වගා ප්‍රවර්ධන රාජ්‍ය අමාත්‍යවරයා ලෙස සතාසිවම් වියාලේන්ද්‍රන් මහතා ජනාධිපති ගෝඨාභය රාජපක්ෂ මහතා ඉදිරියේ දිවුරුම් දුන්නේය.

06 October 2020

ඉන්දියාවේ ලක්ෂ 66කට කොරෝනා

ගත වූ පැය 24 දී කොරෝනා වයිරසය ආසාදිතයන් 61, 267 දෙනකු වාර්තා වීමත් සමඟ ඉන්දියාවෙන් වාර්තා වන සමස්ත කොරෝනා වයිරස ආසාදිතයන්ගේ ගණන ලක්ෂ 66ක් දක්වා ඉහළ ගොස් ඇත.

06 October 2020

පාර්ලිමේන්තු එනවා නම් සෞඛ්‍යාරක්ෂිත ක්‍රම අනුගමනය කරන්න

දිවයිනේ මේ වන විට නැවත උද්ගතව පවතින කොවිඩ්-19 වසංගතය හමුවේ සියලු පාර්ලිමේන්තු මන්ත්‍රීවරයන් සෞඛ්‍ය ආරක්ෂක විධිවිධාන වලට අනුකූලව කටයුතු කළ යුතු බව කථානායක මහින්ද යාපා අබේවර්ධන මහතා සඳහන් කළේය.

06 October 2020

කෝටි දෙක හමාරක හාල් පැන්නුවේ කොහොමද?

රුපියල් කෝටි දෙක හමාරකට අධික වටිනාකමකින් යුත් කිලෝ 50 සහල් මිටි 8,327 ක් අතුරුදන් කළැයි අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබූ සතොස ඔරුගොඩවත්ත ගබඩාවේ ගබඩා පාලකවරුන් දෙදෙනකු රක්ෂිත බන්ධනාගාර ගත කරන ලෙස කොළඹ අතිරේක මහේස්ත්‍රාත් රජින්ද‌ා ජයසූරිය මහත්මිය නියෝග කළ බව සඳහන් පුවතක් අප පුවත්පත ඉකුත්ද‌ා වාර්තා කළේය.

06 October 2020