එසැණ පුවත්

ආණ්ඩුව ආරක්ෂා කර ගැනීමට පසුපෙළ මන්ත්‍රී සංවිධානයක්

ආණ්ඩුව ආරක්ෂා කර ගැනීමට සහ ජනතාවගේ සංවේදී ප්‍රශ්න සම්බන්ධයෙන් ආණ්ඩුවේ අවධානය යොමුකරවීම සඳහා පොදුජන පෙරමුණේ පසුපෙළ මන්ත්‍රීවරුන්ගෙන් පිරිසක් සංවිධානයක් පිහිටුවීමට කටයුතු කරගෙන යන බව වාර්තාවේ.

10 February 2021

හිටපු ජනපතිගෙන් වදාකඩට ගෞරව

ලංකාදීප පුවත්පතේ හිටපු ජ්‍යෙෂ්ඨ මාධ්‍යවේදියකු වූ අභාවප්‍රාප්ත වදාකඩ නවරත්න මහතාට අවසන් ගෞරව දැක්වීම සඳහා හිටපු ජනාධිපති මෛත්‍රීපාල සිරිසේන මහතා අද පස්වරුවේ මීරිගම විජය රජදහනේ පිහිටි ඒ මහතාගේ නිවසට පැමිණියේය. මෛත්‍රීපාල සිරිසේන මහතා දේහයට අවසන් ගෞරව දැක්වූ ආකාරය ඡායාරූපයේ දැක්වේ.

10 February 2021

පෞද්ගලික සෞඛ්‍ය සේවකයෝත් ප්‍රමුඛත්වය ඉල්ලති

‘කොවිඩ්-19’ එන්නත්කරණ වැඩසටහන යටතේ පෞද්ගලික අංශයේ සිටින සෞඛ්‍ය සේවකයන්ට ද ප්‍රමුඛත්වය දෙන්නැයි පෞද්ගලික රෝහල් සහ සාත්තු නිවාස සංගමය රජයෙන් ඉල්ලීමක් කරයි.

10 February 2021

යුරෝපයේ වයස්ගතම තැනැත්තිය කොරෝනාවෙන් දිවි ගලවා ගනියි

යුරෝපයේ වයස්ගතම පුද්ලගයා ලෙස හැඳින්වෙන ප්‍රංශ ජාතික කන්‍යා සොයුරියක් ඇගේ 117 වන උපන්දිනයට දින කිහිපයකට පෙර කොරෝනා රෝගයෙන් දිවි ගලවාගෙන ඇතැයි වාර්තා වේ.

10 February 2021

ලක්ෂ 80ක මත්ද්‍රව්‍ය පාර්සලයක් රේගු ගුදමකදී අල්ලයි

හොර පාරෙන් අමෙරිකාවේ සිට ගුවනින් ගෙනා ග්‍රෑම් 1150ක් වන, මුදලින් ලක්ෂ 80ක් පමණ වටිනාකමක් ඇති කුෂ් මත්ද්‍රව්‍ය බහාලූ ගුවන් භාණ්ඩ පාර්සලයක් සීදූව ප්‍රදේශයේ පිහිටි රේගු භාණ්ඩ මුදාහරින රේගු ගුදමේදී අද(10) එහි නිලධාරීන් සිය බාරයට ගෙන තිබේ.

10 February 2021

කෲඩියා සිලනිකා ශාකය ගැන මධ්‍යම පරිසර අධිකාරිය සතු සියලු බලතල ගත්තා

ඉදිකෙරෙමින් පවතින මධ්‍යම අධිවේගී මාර්ගයේ කඩවත සිට මීරිගම දක්වා වූ කොටස තුළ පිහිටි කෲඩියා සිලනිකා ශාඛය සම්බන්ධයෙන් මධ්‍යම පරිසර අධිකාරිය සතු බලතල අනුව ගත හැකි සියලු පියවර ගෙන ඇතැයි එම අධිකාරිය කියයි.

10 February 2021

දේශපාලන චෝදනා මත සිරගත කළ කිසිවකු බන්ධනාගාරවල නෑ

ශ්‍රී ලංකා දණ්ඩ නිති නීති සංග්‍රහ යටතේ හෝ මෙරට පවත්නා වෙනත් කිසියම් නීතියක් යටතේ දඬුවම් ලැබූ සිරකරුවන් හෝ සැකකරුවන් අතරින් දේශපාලන චෝදනා මත සිරගත කර ඇති හෝ රඳවා ඇති කිසිවකු මේ වන විට බන්ධනාගාර තුළ නොමැති බව අග්‍රාමාත්‍ය මහින්ද රාජපක්ෂ මහතා අද(10)පාර්ලිමේන්තුවේ දී ප්‍රකාශ කර සිටියේය.

10 February 2021

විමල්ට අත තියන්න එන්න එපා යැයි මුරුත්තෙට්ටුවේ ආනන්ද හිමියෝ කියති

මහින්ද සුළඟත්, පැවිදි හඬත් නැත්නම් පොහොට්ටුවක් නැති බව කවුරුත් දැන සිටිය යුතු බවත් රට ගොඩගන්නට දායකත්වය දුන් අය අමතක කිරීම අනුවණ කමක් බවත් පැවිදි හඬ සංවිධානයේ සභාපති මුරුත්තෙට්ටුවේ ආනන්ද හිමියෝ පැවැසූහ.

10 February 2021

සියයට 91ක් කොරෝනාවෙන් සුවය ලබති

කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි 591දෙනෙකු පසුගිය පැය 24 තුළ සුවය ලබා රෝහල්වලින් පිටව ගොස් ඇතැයි වසංගත රෝග විද්‍යා අංශය පවසයි.

10 February 2021

හෙරොයින් ජාවාරම් කළ අයකුට ජිවිතාන්තය තෙක් සිරදඬුවම්

හෙරොයින් ජාවාරමේ යෙදී සිටියදී කොළඹ අපරාධ කොට්ඨාසයේ නිලධාරීන් කණ්ඩායමක් විසින් මීට වසර 6 කට පෙර කොළඹ දී අත්අඩංගුවට ගත් දෙදරු පියෙකුට කෙළඹ මහාධිකරණ විනිසුරු ශෂී මහෙන්ද්‍රන් මහතා ජීවීතාන්තය දක්වා වු බරපතල වැඩ සහිත සිරදඬුවමක් අද (10) නියම කළේය.

10 February 2021

අනුර සේනානායකගේ නඩුව මැයි 31 දා

රගර් ක්‍රීඩක වසීම් තාජුඩීන් ඝාතනය කීරීමේ සිද්ධියේ තොරතුරු වසන් කළ බවට චෝදනා ලැබ සිටින කොළඹ පළාත බාරව සිටි හිටපු ජ්‍යෙෂ්ඨ නියෝජ්‍ය පොලිස්පති අනුර සේනානායක මහතාට එරෙහි නඩුව ලබන මැයි මස 31 වැනිදා කැඳවන ලෙස කොළඹ මහාධිකරණ විනිසුරු මංජුල තිලකරත්න මහතා අද (10) නියම කළේය.‍

10 February 2021

විදේශීය ගව විශේෂ ආනයනයට මම ලෑස්ති නෑ

විදේශීය ගව විශේෂ ආනයනයට තමන් සූදානම් නැති බවත්, මේ වන විට ගවයින් 10,000ක් ආනයනයට සූදානම්ව සිටින්නේ පෞද්ගලික ව්‍යාපාරිකයන් පමණක් බවත් කෘෂිකර්ම අමාත්‍ය මහින්දානන්ද අලුත්ගමගේ මහතා අද (10 වැනිදා) පාර්ලිමේන්තුවේදී පැවසීය. රජය විසින් සිදු කරන්නේ එම ව්‍යාපාරිකයන්ට ඉඩම් ලබා දීමක් පමණක් බවද කෘෂිකර්ම ඇමතිවරයා සඳහන් කළේය.

10 February 2021

දුම්රිය ස්ථානාධිපතිවරු මැදියම් රෑ සිට රාජකාරි අතහරින්න යති

දුම්රිය ස්ථානාධිපතිවරුන් අද(10) මධ්‍යම රාත්‍රියේ සිට අධීක්ෂණ සහ ආවරණ රාජකාරීවලින් ඉවත්ව සිටීමේ වෘත්තීය සමිති ක්‍රියාමාර්ගයක් ආරම්භ කරන බව දුම්රිය ස්ථානාධිපති සංගමය පවසයි.

10 February 2021

නීතිපති උපදෙස් එනතුරු පේදුරුතුඩුව මහේස්ත්‍රාත් බලාසිටී

දෙමළ ජාතික සන්ධානය ප‍්‍රමුඛ උතුරු නැගෙනිහිර පළාත්වල සිවිල් සංවිධාන විසින් සංවිධානය කරන ලද විරෝධතා පා ගමනට සහභාගී වූ පුද්ගලයන් නිරෝධායන නීති කඩ කළ බව පවසමින්, යාපනයේ පොලිස් ස්ථාන තුනක් විසින් නැවත ගොනුකළ කරුණු දැක්වීම සම්බන්ධයෙන් නීතිපතිගේ උපදෙස් මත පියවර ගන්නා බව පේදුරුතුඩුව මහේස්ත්‍රාත් ගයත්‍රී සයිලනී මහත්මිය පැවසුවාය.

10 February 2021

බදුල්ල තව මාස තුනකින් ආයෙත් මටම එනවා

බදුල්ල මහ නගර සභවේ බලය මාස තුනකට විශේෂ කොමසාරිස්වරයකුට පැවරීම මන්ත්‍රිවරුන්ට ඉතාම හොද පාඩමක් බවත් නැවතත් නගරාධිපති තනතුර මාස තුනකින් තමාටම හිමිවෙනවා යැයි හිටපු නගරාධිපති ප්‍රියන්ත අමරසිරි මහතා පැවසීය.

10 February 2021

විහාරාධිපති හිමියන්ගේ බැංකු කාඩ්පතින් මුදල් සොරාගත් පොඩිනම අසුවෙයි

දන්කොටුව ඇටියාවල ශ්‍රී ජයුන්දරාම විහාරාධිපති ගිරාදුරුකෝට්ටේ ධම්සිරි ස්වාමින් වහන්සේ සතු බැංකු කාඩ්පත සොරාගෙන විටින් විට එම බැංකු ගිණුවෙන් මුදල් සොරා ගත් ස්වාමින් වහන්සේ නමක හා ගිහියෙකු අද(10) අත්අඩංගුවට ගත් බව දන්කොටුව පොලිසිය කියයි.

10 February 2021

ස්වාධීන අධිකරණය රැකගැනීමට අපි කැපවෙනවා

දේශපාලන පලිගැනීම් පිළිබඳ ජනාධිපති කොමිෂන් සභා වාර්තාවෙන් විකෘති පළිගැනීමේ චේතනාවක් සමාජයට පෙන්නුම් කරන බව සාධාරණ සමාජයක් සඳහා වන ජාතික ව්‍යාපාරයේ සභාපති කරු ජයසූරිය මහතා කොළඹදී පැවසීය.

10 February 2021

බස්නාහිර පාසල් ආරම්භය මාර්තු 15 ට කල් යයි

බස්නාහිර පළාතේ සියලුම පාසල් මෙම මස 15 වෙනි දින ආරම්භ කිරීමට සැලසුම් කර තිබූ නමුත් අ.පො.ස. (සාමාන්‍ය පෙළ ) විභාගයෙන් පසුව මාර්තු මස 15 වෙනි දින ආරම්භ කිරීමට පියවර ගත් බව ගම්පහ කලාප අධ්‍යාපන අධ්‍යක්ෂ එස් .කේ .මල්ලවආරච්චි පැවසීය.

10 February 2021

කාත්තන්කුඩියේ සියලු පාසල් යළි විවෘත කරයි

හුදකලාව හේතුවෙන් පසුගිය දින 45කට වැඩි කාලයක් වසාදමන ලද කාත්තන්කුඩි අධ්‍යාපන කොට්ඨාසයේ පාසල් අද(10) නව වාරය සඳහා විවෘත කර උගෙන්වීම් කටයුතු ආරම්භ කෙරිණි.

10 February 2021

පඬු කරඳ ගස පැවිදි කරයි

මධ්‍යම අධිවේගී මාර්ගය ඉදිකිරීමේ දී ඉවත් කිරීමේ තර්ජනයකට ලක්ව ඇති ශ්‍රී ලංකාවට ආවේණික ආරක්ෂිත ශාකයක් වන කෲඩියා සෙලනිකා හෙවත් පඬුකරද ගස ආරක්ෂා කිරීමේ අරමුණින් මහා සංඝරත්නය අද(10) එහි ගොස් සෙත් පිරිත් දේශනා කර චීවරයක් පළඳා පැවිදි කර සාංඝික දේපළක් බවට පත්කළහ.

10 February 2021

කොවිඩ් සිරුරු භූමදානයට ඉඩදෙන බව අගමැති කියයි

කොවිඩ් 19 ආසාදනය වීමෙන් මියයන පුද්ගලයන්ගේ සිරුරු භූමදානයට ඉඩදෙන බව අගමැති මහින්ද රාජපක්ෂ මහතා අද(10) පාර්ලිමේන්තුවේදී පැවසීය.

10 February 2021

නව පත්වීම් වල⁣ට පාර්ලිමේන්තු කාරක සභාවේ අනුමැතිය

රජයේ අමාත්‍යාංශ 04ක ලේකම්වරුන්ගේ, නයිජීරියානු ෆෙඩරල් ජනරජයේ සහ සිෂෙල්ස් රාජ්‍යයේ නව ශ්‍රී ලංකා තානාපතිවරුන්ගේ පත්වීම් පාර්ලිමේන්තුවේ උසස් නිලතල පිළිබඳ කාරක සභාව විසින් අනුමත කරනු ලැබූ බව පාර්ලිමේන්තුවේ මහ ලේකම් ධම්මික දසනායක මහතා පවසයි.

10 February 2021

අද කොරෝනා මරණ 5 යි : ආසාදිතයන් 975 යි

කොවිඩ්-19 වයිරසය ආසාදනය වීම හේතුවෙන් තවත් පුද්ගලයන් 5 දෙනෙකු අද (9 වැනිදා) දිනයේ මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල්වරයා තහවුරු කරයි.

09 February 2021

වනජීවියේ ලේකම්ගෙන් දේවානිට දොස්

වඳවීමේ තර්ජනයට ලක්ව ඇති කෲඩියා සිලනිකා ශාඛය පිළිබඳව කටයුතු කිරීමේ දී ගම්පහ දිසා වන අඩවි නිලධාරිනී දේවානි ජයතිලක තම සීමාව ඉක්මවා කටයතු කරන බව පෙනී යන්නේ යැයි වනජීවී හා වනසම්පත් අමාත්‍යංශ ලේකම් බන්දුල හරිස්චන්ද්‍ර මහතා පැවැසීය.

09 February 2021

කුච්චවේලියෙන් කෝටි 34 ක පොලු

ත්‍රිකුණාමල දිස්ත්‍රික්කයේ කුච්චවේලි ප්‍රාදේශීය ලේකම් කොට්ඨාසයේ ව්‍යාපාරිකයන්ට සහ විවිධ පුද්ගලයන්ට කටයුතු සඳහා දීර්ඝකාලීන බදු සහන මත ලබා දී ඉඩම්වලින් රජයට අය විය යුතු තිස් හතර කෝටි හැට ලක්ෂයක මුදල් ප්‍රමාණයක් ගෙවීම පැහැර හැර ඇතැයි ඉඩම් අමාත්‍ය එස්.එම්. චන්ද්‍රසේන මහතා අද (9) පැවැසීය.

09 February 2021

පාස්කු ප්‍රහාරය සම්බන්ධ රහස් පොලි‍සියේ විමර්ශන ප්‍රමාණවත් නැතිලු

අන්තවාදී මුස්ලිම් කල්ලියක් විසින් කතෝලික දේවස්ථාන සහ සුපිරි හෝටල් ඉලක්ක කරගනිමින් පාස්තු ඉරුදින එල්ල කළ ප්‍රහාරය සම්බන්ධයෙන් රහස් පොලිසිය සිදුකළ විමර්ශන ප්‍රමාණවත් නොවන බව අවධාරණය කර නීතිපතිවරයා එම සිද්ධිය සම්බන්ධයෙන් විධිමත් විමර්ශනයක් සිදුකොට තමාට වාර්තාවක් ඉදිරිපත් කරන ලෙස පොලිස්පතිවරයාට අද (9) උපදෙස් ලබා දුන්නේය.

09 February 2021

රැම්සා තෙත් බිම් ගැන ජනතාව දැනුවත් කිරිමේ වැඩසටහනක්

ජාතික සහ ඓතිහාසික වැදගත්කමක් ඇති රැම්සා තෙත් බිම් පිළිබඳ ජනතාව දැනුවත් කිරීමේ වැඩසටහනක් තලංගම වැව පරිශ්‍රයේදී ලබන 13 වැනිදා උදෑසන 10 සිට 12 දක්වා පැවැත්වේ.

09 February 2021

ජනපති විමර්ශන කොමිසන් වාර්තාවට සජබ නඩු මඟට

දේශපාලන පළිගැනීම් පිළිබඳ ජනාධිපති විමර්ශන කොමිෂන් සභා වාර්තාවට එරෙහිව නීතිමය ක්‍රියාමාර්ග ගැනීමට සමගි ජනබලවේගය අද (9) තීරණය කරනු ලැබීය.

09 February 2021