එසැණ පුවත්

පල්ලියමුල්ල ඝාතනයේ යතුරුපැදිය සැපයූ අය රට පැනලා

පානදුර පල්ලියමුල්ල ප්‍රදේශයේ දී පුද්ගලයෙකුට වෙඩි තබා ඝාතනය කිරීමට යතුරු පැදිය සැපයූ බවට සැකකරන පානදුර මහබෙල්ලන ප්‍රදේශයේ යතුරු පැදි අලෙවිසලක හිමිකරු ඝාතන සිද්ධියට දින 6 කට පෙර බිරිඳ සහ දරුවන් සමඟ හොර රහසේ විදේශගත වී ඇතැයි උසස් පොලිස් නිලධාරියෙක් පැවැසීය.

11 February 2021

පී.සී.ආර්. පරීක්‍ෂණයෙන් ක්‍රිකට් සංචිතයේ 35 ම සමත්

ශ්‍රී ලංකා ක්‍රිකට් සංචිතයේ සිටින ක්‍රීඩකයන් 35 දෙනාටත්, පුහුණු කාර්ය මණ්ඩලයේ සහ පුහුණු පන්දු යවන්නන්ටත් කරන ලද පී.සී.ආර්. පරීක්‍ෂණ වලදී ඔවුන් කිසිවකුට කොරෝනා අසාදනය වී නැති බව තහවුරු වී තිබේ. ශ්‍රී ලංකා ක්‍රිකට් ආයතනය නිවේදනයක් නිකුත් කරමින් මේ බව තහවුරු කරයි.

11 February 2021

පඬු කරඳ ගසේ ඉරණම කැබිනට් මණ්ඩලය අතේ

මධ්‍යම අධිවේගී මාර්ගය ඉදිකෙරෙන පෙදෙසේ ගම්පහ දාරළුව ආසන්න පෙදෙසක දී හමුවූ කෲඩියා සිලනිකා (පඬු කරඳ) ශාඛය පිළිබඳව කල්තියා අනාවරණය වී තිබුණත් අධිවේගි මාර්ගය ඉදිකිරීමේ දී කළ පරිසර අධ්‍යයනයේ දී මෙම ශාඛය පිළිබඳව අවධානයක් යොමු නොකිරීමෙන් පෙනී යන්නේ එම වාර්තාව නිසිලෙස සිදුකර නොමැතිවීම යැයි පරිසර අමාත්‍ය මහින්ද අමරවීර මහතා ප්‍රකාශ කළේය.

11 February 2021

අපරාධ - සිවිල් - වාණිජ නීති ප්‍රතිසංස්කරණයේ

ශ්‍රී ලංකාවේ දැනට පවතින අපරාධ නීතිය, සිවිල් නීතිය, සහ වාණිජ නීතිය ප්‍රතිසංස්කරණයට අදාළ පූර්ණකාලීන අනු කමිටු 3 ක් මේ වන විට ක්‍රියාත්මක වන බවත්, තවත් විශේෂඥ කමිටුවක් මගින් නව ව්‍යවස්ථාව කෙටුම්පත්කරන බවත් අධිකරණ අමාත්‍ය අලි සබ්රි මහතා අද (11) පාර්ලිමේන්තුවේදී පැවති අධිකරණ අමාත්‍යාංශයීය උපදේශක කාරක සභාවේදී පැවසීය.

11 February 2021

කෲඩියා සිලනිකා ගන්නේ දරට

ගම්පහ හෙනරත්ගොඩ ඇතුළු දිවයිනේ ස්ථාන කිහිපයකම කෲඩියා සිලනිකා ශාඛය සංරක්ෂණය කර ඇතැයි ජාතික උද්භිද උද්‍යාන දෙපාර්තමේන්තුව පවසයි. එම ශාඛය රනිල කුලයේ ශාඛයක් වන අතර නයිට්‍රජන් එකතු කිරීමේ ඇති හැකියාව හැරුණු විට විශේෂත්වයක් නැතැයි ද ගම්වල එය භාවිතා කර ඇත්තේ දරට පමණක් යැයි ද එහි අධ්‍යක්ෂ ජනරාල් එස් ඩී ක්‍රිෂ්ණරාජා මහත්මිය පැවැසුවාය.

11 February 2021

මාර්ග ආරක්ෂාව පිළිබඳ කොමිෂන් සභාවක් පත්කිරීමට නිර්දේශ

ප්‍රවාහන අමාත්‍යාංශය යටතේ ඇති මාර්ග ආරක්ෂාව පිළිබඳ ජාතික සභාව එහි ධාරිතාව වැඩිකර වඩාත් ශක්තිමත් කරනු පිණිස කොමිෂන් සභාවක් බවට පත් කිරීම සඳහා වහාම පියවර ගන්නා ලෙස රජයේ ගිණුම් පිළිබඳ කාරක සභාව හෙවත් කෝපා කමිටුව ප්‍රවාහන අමාත්‍යාංශයේ ලේකම්වරයාට නිර්දේශ කළේය.

11 February 2021

ට්‍රම්ප්ට ආයේ ට්විටර් ගිණුමක් දෙන්නේ නෑ

ඇමරිකාවේ හිටපු ජනාධිපති ඩොනල්ඩ් ට්‍රම්ප් මහතාගේ ට්විටර් ගිණුම නැවත සක්‍රිය නොකරන බව ට්විටර් හි ප්‍රධාන මූල්‍ය නිලධාරී නෙඩ් සේගල් මහතා පවසයි.

11 February 2021

කටානේ නිවසක ගිනි අවි-පිස්තෝල -උණ්ඩ රැසක්

කටාන මිරිස්වත්ත දෙමන්හංදිය ප්‍රදේශයේ කෝටිපති ව්‍යාපාරිකයකුගේ නිවසේ තිබී ගිනි අවි, පිස්තෝල සහ උණ්ඩ රැසක් අද (11) විශේෂ කාර්ය බලකාය සොයාගෙන තිබේ.

11 February 2021

කොඩිඩ් සිරුරු භූමදානය ගැන අගමැතිගේ ප්‍රකාශය ගැසට් කරන්නැයි ඉල්ලයි

කොවීඩ් මරණ භූමදානය කිරීම සඳහා අගමැතිතුමාගේ ප්‍රකාශය ලබන 22 දිනට කලින් ගැසට් එකක් ගසා නීත්‍යනුකුල කරන ලෙසට ආණ්ඩුවෙන් ඉල්ලා සිටින බව සමගි ජන බලවේගය මාධ්‍ය ප්‍රකාශක පාර්ලිමේන්තු මන්ත්‍රී එස්. එම්.මරික්කාර් මහතා කොළඹදී පැවසීය.

11 February 2021

කොවිඩ් ආසාදිත සිරුරු භූමදානයට කරූත් කැමතියි

කොවිඩ් හේතුවෙන් සිදුවන මරණ භූමදානය කිරීම සඳහා අවසර දෙන බව අග්‍රාමාත්‍ය මහින්ද රාජපක්‍ෂ මහතා විසින් සිදු කරන ලද ප්‍රකාශය පිළිබදව ප්‍රසාදය පළ කරන බව සාධාරණ සමාජයක් සඳහා වන ජාතික ව්‍යාපාරයේ සභාපති කරු ජයසූරිය මහතා පැවසීය.

11 February 2021

මත්ද්‍රව්‍ය චෝදනාලද්දන් එල්ලා මැරීමට එරෙහි පෙත්සම සලකා බැලීම සැප්තැම්බර්යේදී

මත්ද්‍රව්‍ය චෝදනා සම්බන්ධයෙන් වරදකරුවන් බවට තීරණය කර අධිකරණය විසින් මරණ දඬුවම් නියම කරනු ලැබ සිටින සිරකරුවන් එල්ලා මැරීමට හිටපු ජනාධිපති මෛත්‍රීපාල සිරිසේන මහතා ගත් තීරණයට එරෙහිව මරණ දඩුවම් නියමව සිටි රැඳවියන් පිරිසක් හා සිවිල් ක්‍රියාකාරීන් පිරිසක් ගොනු කර තිබූ මූලික අයිතිවාසිකම් පෙත්සම ලබන සැප්තැම්බර් මස 06 වැනිදා සලකා බැලීමට පංච පුද්ගල ශ්‍රේෂ්ඨාධිකරණ විනිසුරු මඩුල්ල අද(11) තීන්දු කළේය.

11 February 2021

ඔබේසේකරපුර හුදෙකලා කරන්නැයි සෞඛ්‍ය වෛද්‍ය නිලධාරියා ඉල්ලයි

ඔබේසේකරපුර දින 14 කට හෝ හුදෙකලා ප්‍රදේශයක් බවට පත් නොකළහොත් ශ්‍රී ජයවර්ධනපුර කෝට්ටේ නගර සභා පරිශ්‍රයේ ද කොවිඩ් පැතිරීමේ අවදානම වැඩිවිය හැකි බව කෝට්ටේ නගර සභා මහජන සෞඛ්‍ය වෛද්‍ය නිලධාරී වෛද්‍ය මනෝජ් රොද්‍රිගෝ මහතා අද (11) පැවසීය.

11 February 2021

පැසිපන්දු ක්‍රීඩකයන්ට කෑමට දුන් ලක්ෂ 53 ක් ගසාකාලා

පැසිපන්දු ක්‍රීඩා සංචිතයේ ක්‍රීඩක ක්‍රීඩිකාවන්ට ලබාදීමට නියමිත පෝෂණ දීමනා සහ ක්‍රීඩාපිටි වෙන් කිරීම්වලට අදාළ රජයේ මුදල් රුපියල් ලක්ෂ 53කට අධික සංඛ්‍යාවක් කූඨ ලේඛන ලෙස සකස් කර අවභාවිත කිරීමේ සිද්ධියක් සම්බන්ධයෙන් පරීක්ෂණයක් ආරම්භ කර ඇතැයි කොළඹ වංචා විමර්ශන ඒකකය කොළඹ ප්‍රධාන මහේස්ත්‍රාත් මොහොමඩ් මිහාල් මහතා ඉදිරියේ කරුණු වාර්තා කර ඇත.

11 February 2021

රන්ජන්ගේ මන්ත්‍රී ධූරය ගැන මහලේකම්ට කළ නියෝගය මාර්තුවට දිර්ඝ කරයි

රංජන් රාමනායක මහතාගේ පාර්ලිමේන්තු මන්ත්‍රී ධූරය සම්බන්ධයෙන් කිසිදු පියවරක් නොගන්නැයි පාර්ලිමේන්තු මහලේකම්ට කළ නියෝග ලබන මාර්තු16 දක්වා දීර්ඝ කිරීමට අභියාචනාධිකරණය අද (11) තීන්දු කළේය.

11 February 2021

ලාදුරු රිළවෙක් ඇතිමලෙන් හමුවේ

ලාදුරු රෝගය වැළඳුන වනගත රිළවකු සියඹලාණ්ඩුව – ඇතිමලේ ප්‍රදේශයේදී ඉකුත් 8 වැනිද‌ා සොයාගත් බව සෞඛ්‍ය අංශ පවසයි.

11 February 2021

නිදහස් උත්සවයට ගිය සිවිල් ආරක්ෂක බළකායේ 50කට කොවිඩ්

මෙවර නිදහස් උත්සවය සදහා සහභාගී වූ සිවිල් ආරක්ෂක දෙපාර්තමේන්තුවේ භට කණ්ඩායමෙන් 50 ආසන්න පිරිසක් කොවිඩ් ආසාදිතයන් බවට හදුනාගෙන ඇති බව සිවිල් ආරක්ෂක දෙපාර්තමේන්තුව පවසයි.

11 February 2021

සරසවිවලට තව වැඩිපුර සිසුන් 540 ක්

උසස් පෙළ පැරැණි සහ නව නිර්දේශ හේතුවෙන් පැන නැගී ඇති ගැටලුවට විසඳුමක් ලෙස විශ්වවිද්‍යාලවලට ඇතුළත් කර ගැනෙන සිසුන් ගණන540 කින් වැඩි කිරීමට පියවර ගෙන ඇතැයි අධ්‍යාපන ඇමැති මහාචාර්ය ජී.ඇල්. පීරිස් මහතා පාර්ලිමේන්තුවේදී ඊයේ (10) පැවැසීය.

11 February 2021

උසාවි තීන්දුව එනතුරු රන්ජන්ට මැතිසබය බෑ

උසාවි තීන්දුව ලැබෙනතුරු රන්ජන් රාමනායක මන්ත්‍රීවරයා මේ සභාවට ගෙන ඒමට අවසර දිය නොහැකි යැයි කතානායක මහින්ද යාපා අබේවර්ධන මහතා පාර්ලිමේන්තුවේදී ඊයේ (10) පැවැසීය.

11 February 2021

අසල්වැසි රටවල් අමනාපකර ගන්න එපා

ආණ්ඩුවට පරාළ ඇණයක් බවට පත්වෙමින් තිබූ කොළඹ වරායේ නැගෙනහිර ජැටියේ අර්බුදය ආණ්ඩුව මගින් ගනු ලැබූ ඒකපාර්ශ්වික තීන්දුවක් මගින් නිරාකරණය කෙරිණි. එය අවසානයමදැයි දැන්ම කිව නොහැක්කේ නැගෙනහිර ජැටියේ අර්බුදය ජාතික ගැටලු‍වක් පමණක් නොව ජාත්‍යන්තරය දක්වා විහිදී පැතිරී ගිය අර්බුදයක් බවට පත්වීම හේතුවෙනි. එසේ ත්‍රෛපාර්ශ්වික ගිවිසුමකින් තනි මතයට ශ්‍රී ලංකාව ඉවත්වීම ඉන්දියාව සහ ජපානය ජාත්‍යන්තරව දැඩි අපහසුතාවකට ඇද දැම්මේය.

11 February 2021

කොරෝනා ආසාදිතයෙක් හමුවීමෙන් මැතිවරණ කොමිසම වහයි

කොරෝනා ආසාදිතයෙක් පිළිබඳව අනාවරණය වීමෙන් මැතිවරණ කොමිසම අද (11) හා හෙට (12) වසා දමා ඇත.

11 February 2021

ජනපති පාර්ලිමේන්තු සැසිවාරයේ අසුන් ගනී

ජනාධිපති ‍ගෝඨාභය රාජපක්ෂ මහතා මීට සුළු මොහොතකට පෙර අද(10) පැවැත්වෙන පාර්ලිමේන්තු සැසිවාරයට සහභාගී වෙමින් සභා ගැබේ අසුන් ගත්තේය.

11 February 2021

ගම්පහ සියලු කඩසාප්පු වල සේවකයන්ගෙන් පීසීආර් ගනී

ගම්පහ නගරයේ වෙළඳසැල් ආශ්‍රිතව කෝවිඩ් 19 ආසාදිතයන් 58 දෙනකු හමුවීමත් සමඟම අද (11) උදෑසන සිට ගම්පහ නගරයේ සියලුම කඩ සාප්පුවල සේවයේ නියුතු සියලුම සේවකයන් පී.සී.ආර් පරීක්ෂණ සඳහා යොමු කෙරිණි.

11 February 2021

පාසල් වාරය ආරම්භයෙන් පසු ගාල්ලේ පාසල් 48ක ළමුන් 95කට කොරෝනා

පළමු පාසල් වාරය ආරම්භයේ සිට ඊයේ දක්වා ගතවු කාලය තුලදි ගාල්ල දිස්ත්‍රික්කයේ පාසල් 48ක පාසල් දරු දැරියන් 95 දෙනෙකුට හා ගුරුවරු තිදෙනෙකුට කොරෝනා වය්රසය ආසාදනය වී ඇති බැව් ගාල්ල දිස්ත්‍රික් ප්‍රාදේශීය වසංගත රෝග විද්‍යාඥ වෛද්‍ය වෙනුර කේ.සිංගාරච්චි මහතා පවසයි.

11 February 2021

රංගජීවට වෙඩි තියන්න ඔත්තු බැලූ නවාස් අත්අඩංගුවට

පොලිස් මත්ද්‍රව්‍ය කාර්යාංශයේ පොලිස් පරීක්ෂක නියෝමාල් රංගජීව මහතා ඇතුළු කණ්ඩායමක් පිළියන්දල ප්‍රදේශයේ මත්ද්‍රව්‍ය වැටලීමක් සිදු කරන අවස්ථාවේදී මත්ද්‍රව්‍ය ජාවාරම්කරුවන්ට සංවිධානාත්මක ලෙස වෙඩි තැබීම සඳහා ඔත්තු සැපයූ සැකකරු වන මොහොමඩ් මායිල් මොහොමඩ් නවාස් නැමැත්තා ඉන්දියාවේදී අත්අඩංගුවට ගෙන ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.

11 February 2021

කුරුන්තූරු මලෙයි කැනීම් වලින් හමුවී ඇත්තේ ශිවලිංගයක්

මුලතිව් කුරුන්තූරු මලෙයි පුරාවිද්‍යා කැනීම් වලින් හමුවී ඇත්තේ අෂ්ට තාරා ශිවලිංගයක් බව ඉතිහාසඥ ආචාර්ය එන්.කේ.එස්. තිරුච්චෙල්වම් මහතා පවසයි.

10 February 2021

පලාගල පාසලක 11 වසර තාවකාලිකව වසා දමයි

පලාගල සෞඛ්‍ය වෛද්‍ය නිලධාරී බල ප්‍රදේශයේ විදුහලක 11 වසර පංතිය තාවකාලිකව වසා දැමුණු බව පලාගල සෞඛ්‍ය වෛද්‍ය නිලධාරී කාර්යාලය කියයි.

10 February 2021

ආණ්ඩුවේ පක්ෂ නායකයන්ගේ හදිසි රැස්වීමක්

ආණ්ඩුවේ පක්ෂ නායකයන්ගේ හදිසි රැස්වීමක් අගමැති මහින්ද රාජපක්ෂ මහතාගේ ප්‍රධානත්වයෙන් පාර්ලිමේන්තුවේ අගමැති කාර්යාලයේදී පවත්වා ඇත.

10 February 2021

'කොවිඩ් එන්නත සැමට සමාන්තරව දෙනවා'

කොවිඩ් එන්නත ලබා දීමේ දී වැඩිහිටියන්ට, රෝගී පුද්ගලයන්ට, වඩා තරුණ හෝ ආර්ථික වශයෙන් වැදගත් පුද්ගලයන්ට ප්‍රමුඛත්වය ලබා දීමට කිසිසේත් සිදු නොකරන බවත්, මෙතෙක් හදුනාගෙන ඇති සියලු කණ්ඩායම් වෙත සමාන්තරව එන්නත ලබා දෙන බවත් නියෝජ්‍ය සෞඛ්‍ය සේවා අධ්‍යක්ෂ ජනරාල් හේමන්ත හේරත් මහතා පැවසීය.

10 February 2021