එසැණ පුවත්

බිමත් යතුරුපැදිකරු පොලිසියට වෙට්ටු දාද්දී වැටී මරුට:කලබල වු පිරිස පොලිසියට පහර දෙති

වවුනියාව , කූමන්කුලම ප්‍රදේශයේ දී බීමතින් යතුරු පැදියකින් ගමන්කළ පුද්ගලයකු නැවැත්වීමට උත්සහ කිරීමේදී අදාල පුද්ගලයා යතුරු පැදියෙන් ඇඳවැටී මියයාමත් සමඟ ප්‍රකෝපවූ ප්‍රදේශවාසීන් පිරිසක් පොලිසිය වෙත පහරදීම හේතුවෙන් පොලිස් නිලධාරීන් පස්දෙනකු තුවාල ලබා රෝහල්ගතකොට ඇතැයි වවුනියාව පොලිසිය කියයි.

12 July 2025

ආයතන හයක දූෂණ වාර්තා සීඅයිඩියට

පොදු ව්‍යාපාර පිළිබඳ පාර්ලිමේන්තු කාරක සභාව ( කෝප් කමිටුව) රාජ්‍ය ආයතන හයක දූෂණ වංචා සහ අක්‍රමිකතා සම්බන්ධ සියලු තොරතුරු වාර්තා නීතිමය ක්‍රියා මාර්ග ගැනීම සඳහා අපරාධ පරීක්ෂණ දෙපාර්තමේන්තුවට ළඟදීම භාර දීමට තීරණය කර ඇත.

12 July 2025

සජබෙ මුල් පුටු පෙරළෙයි?

මැතිවරණ හයක් එක දිගට පරාජයට පත්ව ඇති හෙයින් ආසන සංවිධායකවරුන් මාරු කිරීමට පෙර පක්ෂය ආරම්භයේ සිට කටයුතු කළ නිලධාරීන් සහ නායකයන් වහාම වෙනස් කරන්නැයි ආසන සංවිධායකවරුන් පිරිසක් සහ පක්ෂයේ ජ්‍යෙෂ්ඨතම මන්ත්‍රීවරුන් දස දෙනෙකු සමගි ජන බලවේගයේ නායක සජිත් ප්‍රේමදාස මහතා පසුගියදා පෞද්ගලිකවම හමුවී දැඩිව ඉල්ලීමක් කර ඇත.

12 July 2025

හිටපු සෙබළෙක් ගිනි අවියක් සමග මාට්ටු

විදේශීය රටක නිෂ්පාදිත මයික්‍රෝ වර්ගයේ ගිනි අවියක් සන්තකයේ තබාගෙන සිටි හිටපු හමුදා සෙබළකු පිළියන්දල විහාරස්ථානයක සැඟව සිටියදී අත්අඩංගුවට ගත් බව අපරාධ පරීක්ෂණ දෙපාර්තමේන්තුව කියයි.

12 July 2025

ගුවන් අනතුරේ රහස් එළියට

ගුජරාටයේ සිට එංගලන්තයේ ලන්ඩන් නුවර බලා පියාසර කරද්දී, කඩා වැටුණු එයාර් ඉන්දියා ගුවන් යානා අනතුර සම්බන්ධයෙන් ඉදිරිපත් කරන ලද මූලික වාර්තාවට අනුව, යානයේ නියමුවන් දෙදෙනාගේ ක්‍රියා කලාපය කෙරෙහි මේවනවිට වැඩි අවධානයක් යොමු වී ඇත.

12 July 2025

ආසියාවේ ලොකුම වැට් වංචාකරුට එරෙහි දඬුවම ශ්‍රේෂ්ඨාධිකරණයත් අනුමත කරයි

දකුණු ආසියාවේ විශාලතම බදු වංචාව ලෙස සැලකෙන රුපියල් කෝටි 390ක ”වැට් බදු” වංචාව කළ ව්‍යපාරිකයකුට බරපතල වැඩ සහිත වසර 20ක සිර දඬුවම් හා දඩ නියම කරමින් කොළඹ මහාධිකරණය දුන් තීන්දුව අනුමත කරමින් අභියාචනාධිකරණය දුන් තීන්දුව ශ්‍රේෂ්ඨාධිකරණය ද අද අනුමත කළේය.

11 July 2025

සංවර්ධන වැඩට වෙන්කළ මුදල්වල ප්‍රතිඵල මේ වසරේම පෙන්වන්න

මෑත කාලයේ ආණ්ඩුවක් ප්‍රාග්ධන වියදම් ලෙස වෙන් කළ විශාලම මුදල වන රුපියල් බිලියන 1400කට ආසන්න මුදලක් මෙවර අයවැයෙන් සංවර්ධන කටයුතු සඳහා වෙන් කර තිබෙන බව ජනාධිපති අනුර කුමාර දිසානායක මහතා අවධාරණය කළේය.

11 July 2025

බිල්ගේට්ස් පදනම අගමැතිනිය හමුවෙයි

ඇමරිකානු ගේට්ස් පදනමේ ( Bill & Melinda Gates foundation) ගෝලීය සංවර්ධන සභාපති ඇතුළු සාමාජිකයන් පිරිසක් සහ අග්‍රාමාත්‍ය ආචාර්ය හරිනි අමරසූරිය මෙනෙවිය අතර විශේෂ හමුවක් පාර්ලිමේන්තුවේදී අද (11) පැවැතිවිණි.

11 July 2025

කොටුවේ විදුලි පහන් කනුවකට නැග්ග අයෙකු බේරාගනියි

කොළඹ කොටුව ටෙලිකොම් මූලස්ථානය ඉදිරිපිට පිහිටි අඩි 40 ක් පමණ උසැති විදුලි පහන් කනුවට නැගි පුද්ගලයෙකු ගිනි නිවීමේ රථයක් ආධාරයෙන් විමට බැස්සවීමට කොටුව පොලිසිය මගින් අද (11) පියවර ගැනිනි

11 July 2025

කොස්ගොඩ වෙඩි තැබීමක්

ගාලු පරේ කොස්ගොඩ හතරමංහන්දිය ප්‍රදේශයේදී නාදුනන තුවක්කුකරුවන් දෙදෙනෙක් අද (11) රාත්‍රියේ සිදු කළ වෙඩි තැබීමකින් ත්‍රීරෝද රථ රියදුරකු බරපතල තුවාල ලබා බලපිටිය රෝහලට ඇතුළත් කළ බව කොස්ගොඩ පොලීසිය කියයි.

11 July 2025

අවිස්සාවේල්ල සමූපෙ තැන්පතු කෝටි 92කට සුද්දෙ දීලා

සමූපකාර නමට මුවාවී කළු සල්ලි සුදු කරන ජාවාරම් ක්‍රියාත්මක බව වෙළෙඳ වාණිජ ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ මහතා පාර්ලිමේන්තුවේදී අද (11) පැවසීය.

11 July 2025

යුක්‍රේනයේ බුද්ධි සේවා ප්‍රධානියෙකු ඝාතනය කෙරේ

යුක්‍රේනයේ ප්‍රධාන පෙළේ බුද්ධි සේවා අංශ ප්‍රධානියෙකු කීව් අගනුවරදී හඳුනා නොගත් වෙඩික්කරුවෙකු විසින් ඊයේ (10) වෙඩි තබා ඝාතනය කර ඇතැයි විදෙස් මාධ්‍ය වාර්තා කළේය.

11 July 2025

අලි සංගණනයක් කරන්න

රටේ අලි සම්පත කළමනාකරණය කර ගැනීම සඳහා වහාම අලින්ගේ සංගණනයක් සිදු කරන්නැයි කළුතර දිස්ත්‍රික් මන්ත්‍රී අජිත්.පී. පෙරේරා මහතා:-(ස.ජ.බ) පාර්ලිමේන්තුවේදී පැවසීය.

11 July 2025

ලංකාවේ ලබන වසර ගැන ලෝක බැංකුව අනාවැකියක් කියයි

ලබන වසරේ ශ්‍රී ලංකාවට ලඟා කර ගන්නට හැක්කේ සියයට තුනක ආර්ථික වර්ධනයක් බව ලෝක බැංකුව ප්‍රකාශ කර ඇතැයි මඩකලපුව දිස්ත්‍රික් මන්ත්‍රී ෂානක්කියන් රාසමාණික්කම් මහතා:- (න.ප්‍ර.පෙ) පාර්ලිමේන්තුවේ දී පැවසීය.

11 July 2025

කිරි ලීටර් 100 ඉක්මවන ගොවිපොළ 1200ක් ඇරැඹෙයි

කිරි ලීටර් සිය ඉක්මවා ලබා ගන්නා ගොවිපොළ 1200 ක් අරඹන බව කෘෂිකර්ම සහ පශු සම්පත් නියෝජ්‍ය අමාත්‍ය නාමල් කරුණාරත්න මහතා පාර්ලිමේන්තුවේ දී පැවැසීය.

11 July 2025

අල්ලස් ගත් උප පොලිස් පරීක්ෂකවරයෙක් රිමාන්ඩ්

මත්ද්‍රව්‍ය වරදත් සම්බන්ධයෙන් නීතිය ක්‍රියාත්මක නොකර සිටීමට රුපියල් පනස් දහසක අල්ලසක් ලබා ගත්තේ යැයි අත් අඩංගුවට ගත් වත්තල පොලිසියේ උප පොලිස් පරීක්ෂක ලහිරු ප්‍රමෝද සැකකරු ලබන 15 දින දක්වා රක්ෂිත බන්ධනාගාර ගත කිරීමට කොළඹ අතිරේක මහේස්ත්‍රාත් හර්ෂන කැකුණවෙල මහතා අද (11)නියෝග කළේය.

11 July 2025

’’රටක් ගැන කියන පුරෝකතන එහෙමම වෙන්නේ නෑ’’

රටක් ගැන ආයතන සහ විවිධ කණ්ඩායම් විසින් ඉදිරිපත් කරන පුරෝකතන එහෙමම ක්‍රියාත්මක වන්නේ නැතැයි කම්කරු අමාත්‍ය අනිල් ජයන්ත ප්‍රනාන්දු මහතා පාර්ලිමේන්තුවේදී පැවසීය.

11 July 2025

නිලධාරීන් - දේශපාලකයන් එක්ව වැඩ කළ යුතුයි

රට ආර්ථික වශයෙන් ඉදිරියට ගෙන යමින් ජනතාවට උසස් ජිවන තත්ත්වයක් උදා කර දීමේදී දේශපාලන අධිකාරිය සහ රාජ්‍ය නිලධාරීන් ඒකාබද්ධ යාන්ත්‍රණයක කොටස්කරුවන් විය යුතු බව ජනාධිපති අනුර කුමාර දිසානායක මහතා අවධාරණය කළේය.

11 July 2025

අලුත් අධ්‍යාපන ක්‍රමය ගැන අගමැතිනියගෙන් පාඩමක්

2026 වසරේ සිට ක්‍රියාත්මක කිරීමට නියමිත, නව අධ්‍යාපන ප්‍රතිසංස්කරණ පිළිබඳව පාර්ලිමේන්තු මන්ත්‍රීවරුන් දැනුම්වත් කිරීමේ පළමු වැඩසටහන අග්‍රාමාත්‍ය ආචාර්ය හරිනි අමරසූරිය මෙනවියගේ ප්‍රධානත්වයෙන් පාර්ලිමේන්තුවේ දී අද (11) පැවැත්විණි.

11 July 2025

රසායනික ව්‍යාධි විශේෂඥයෝ දස වැනි සැසිය පවත්වති

රසායනික ව්‍යාධි විද්‍යාව පිළිබඳ විශේෂඥයින් ප්‍රමිතියෙන් ඉහළ රසායනාගාර සේවාවන් ලබා ගැනීමට අභියෝග රැසක් මධ්‍යයේ කටයුතු කරන බව සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතා පැවසීය.

11 July 2025

බිමල්-තුර්කි මිත්‍රත්ව සංගමයේ ලොකු පුටුවට

ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය සභානායක බිමල් රත්නායක මහතා දසවන පාර්ලිමේන්තුව සඳහා ශ්‍රී ලංකා - තුර්කි පාර්ලිමේන්තු මිත්‍රත්ව සංගමයේ සභාපතිවරයා ලෙස තේරී පත් විය.

11 July 2025

රාජිත අත්අඩංගුවට ගන්න නියෝග

කිරින්ද ධීවර වරායේ වැලි කැණීමේ ව්‍යාපෘතියක් කොරියානු සමාගමකට ලබාදී රජයට පාඩුවක් කළේ යැයි කියන සිද්ධිය සම්බන්ධයෙන් සැකකරුවකු ලෙස නම් කර ඇති හිටපු ධීවර ඇමතී රාජිත සේනාරත්න මහතා අත් අඩංගුවට ගෙන අධිකරණයට ඉදිරිපත් කරන ලෙස කොළඹ අතිරේක මහේස්ත්‍රාත් හර්ෂණ කැකුණවෙල මහතා අද (11) නියෝග කළේය.

11 July 2025

කොළොන්නාව හදන සැලසුම් කඩිනම් කරයි

මධ්‍යම රජයෙන් සහ අනෙකුත් ආයතන වලින් කොලොන්නාවේ ප්‍රාදේශීය සහ නගර සංවර්ධනය වෙනුවෙන් වෙන්කොට ඇති මුදල් වලින් කිරීමට යෝජිත,දැනට වැඩ අවසන් කොට ඇති සහ වැඩ අවසන් නොමැති ව්‍යාපෘතීන් පිළිබඳව සමාලෝචනයක් කොලොන්නාව ආසන සංවර්ධන කමිටුවේ දී අද(11)සිදු විය .

11 July 2025

මේ වසරේ වෙඩි තැබීම් 66 ක්

මෙම වසරේ ජනවාරි මස සිට අද (11) දින දක්වා දිවයින පුරා වෙඩිතැබීම් සිදුවීම් 66 ක් වාර්තා වී ඇතැයි පොලිස් මූලස්ථානය කියයි

11 July 2025

ට්‍රම්ප්ගේ සියයට 30ක තීරුබද්ද නිසා ඇඟළුම් කර්මාන්තය දෙදරයි?

එක්සත් ජනපද ජනාධිපති ඩොනල්ඩ් ට්‍රම්ප් ශ්‍රී ලංකාවෙන් ආනයනය කරන ඇඟලුම් සඳහා 30% ක තීරුබද්ධක් පැනවීමත් සමඟ ශ්‍රී ලංකාවේ අපනයන ක්ෂේත්‍රය දෙදරායෑමකට ලක් වී ඇත.

11 July 2025

සමූපකාර නමින් ඇරැඹූ හොර ආයතන වලට වැඩ වරදින හැඩ

අනීතික ලෙස සමූපකාර නමින් ස්ථාපිත කර ඇති මූල්‍ය ආයතන ගැන පියවර ගන්නා බව වෙළෙඳ,වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ මහතා පාර්ලිමේන්තුවේදී පැවසීය.

11 July 2025

පොළොන්නරුවේ ග්‍රාමීය බැංකු උදවිය රට සවාරියක් දාගෙන

මිලියන දහයක වාර්ෂික ආදායමක් ලබන පොළොන්නරුවේ ග්‍රාමීය බැංකු සංගමයේ නිලධාරීන් තිස් දෙනෙක් රුපියල් මිලියන හයක් වියදම් කොට රට සංචාරයක නිරත වීමට සූදානම් වන බව අනුරාධපුර දිස්ත්‍රික් මන්ත්‍රී රෝහණ බණ්ඩාර මහතා:- (ස.ජ.බ)පාර්ලිමේන්තුවේදී පැවසීය.

11 July 2025

’’ රට වෙනුවෙන් හොඳම ගිවිසුමට යන්න අපි සහාය දෙනවා’’

රට වෙනුවෙන් හොඳම ගිවිසුම ලබා ගන්නට විපක්ෂය සහයෝගය දෙන බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී පැවසීය.

11 July 2025