එසැණ පුවත්

මහවැලි ගඟ වටේ හොරට හැදු හෝටල් 200ක්

පාතහේවාහැට සුරක්ෂා කඳවුරේ පිරිසක් වෙනත් කඳවුරකට මාරු කරයි

පාතහේවාහැට පස්ගම රජමහා විහාරයට අයත් දහම් පාසල් ගොඩනැගිල්ල පිහිටි භූමිය නායයාමේ තර්ජනයට ලක්වීම හේතුවෙන් එහි ස්ථාපිත කර තිබූ සුරක්ෂා කඳවුරේ පිරිසක් ඉවත්කර මාරස්සන ආදර්ශ ප්‍රාථමික විද්‍යාලය වෙත මාරුකර යැවීමට අද(11දා) පාතහේවාහැට ප්‍රාදේශීය ලේකම් කාර්යාලය මගින් පියවර ගෙන ඇත.

ලංකාවේ සිට ටැන්සානියාවට මත්ද්‍රව්‍ය තොගයක්

පොහොර ලෙස නම්කර ලංකාවේ සිට අඩි 40 කන්ටේනරයක් තුළ ටැංසානියාවට යවා තිබූ මත්ද්‍රව්‍ය කිලෝග්‍රෑම් එක්කෝටි අසු හතරලක්ෂ අටසිය පනස් හයක් සමඟ ශ්‍රි ලාංකික සැකකරුවන් දෙදෙනකු ද ටැංසානියාවේ මත්ද්‍රව්‍ය පාලන සහ නීති බලාත්මක කිරීමේ අධිකාරිය විසින් අත්අඩංගුවට ගෙන තිබේ.

’’සහන ලබා දෙන ක්‍රියාවලිය නිර්දේශපාලනීකරණය විය යුතුයි’’

දිට්වා සුළි කුණාටුව හේතුවෙන් දිවයිනට බලපා ඇති ආපදා තත්ත්වයෙන් විපතට පත් වූවන්ට සහන ලබා දෙන ක්‍රියාවලිය නිර්දේශපාලනීකරණය විය යුතු බව විපක්ෂ නායක සජිත් ප්‍රේමදාස මහතා පැවසීය.

නුවරඑළියෙන් එළවළු කිලෝ ලක්ෂයක් කොළඹට

නුවරඑලිය ආර්ථික මධ්‍යස්ථානයට ලැබුණු ඉල්ලුමකට අනුව කොළඹට එළවළු කිලෝ ලක්ෂයක් එවූ බව නුවරඑලිය ආර්ථාක මධ්‍යස්ථාන කලමනාකාරවරයා පැවසීය.

විපතට පත් රජයේ සේවකයන්ගේ බැංකු ණයට සහනයක් දෙන්න

කාලගුණ ආපදාවෙන් විපතට පත්වූ රාජ්‍ය සේවකයන් ලබාගෙන ඇති ණය මුදල් කපා හැරීමට හෝ පොලිය අඩු කිරීමට හෝ වෙනත් සුදුසු සහනයක් උපරිම මට්ටමින් දෙන ලෙස ශ්‍රී ලංකා නිදහස් රජයේ වෘත්තීය සමිති සම්මේලනය ජනාධිපති අනුර කුමාර දිසානායක මහතාට ලිපියක් යවමින් ඉල්ලීමක් කර ඇත.

උල්හිටියේ වාන් දොරටු තුනක් අරියි

පවතින ධාරානිපාත වර්ෂාව සමඟ ගිරාඳුරුකෝට්ටේ උල්හිටිය ජලාශයේ වාන් දොරටු තුනක් මීටර් 0.2 ක් බැගින් විවෘත කළ බව ජලාශභාර ඉංජිනේරුවෝ පැවසූහ.

සහන දෙන්න කොළඹ සිටින රාජ්‍ය තාන්ත්‍රිකයොත් සල්ලි දෙති

දිට්වා සුළි කුණාටුවෙන් විපතට පත් ජනතාවට සහන සැලසීමේ රජයේ ‘Rebuilding Sri Lanka’ අරමුදල සඳහා කොළඹ සිටින රාජ්‍යතාන්ත්‍රිකයෝ එක්ව පෞද්ගලික මුදලින් රුපියල් මිලියන 3.6ක මූල්‍ය පරිත්‍යාගයක් සිදුකර තිබේ.

කොමාන්ඩෝ බලඇණියක් මීමුරේට උඩින් යයි

මීමුරේ ගම්මානයේ කොටුවී සිටින ජනතාවගේ දුක සැප විමසීම සඳහා අට දෙනකුගෙන් සමන්විත කොමන්ඩෝ බලඇණියක් විශේෂ හෙලිකොප්ටර් යානයකින් එම ගම්මානයට අද දහවල් ගොඩ බැස්සේය

ඇමරිකාව ඕන සහයක් දෙන්න සූදානම්

ශ්‍රී ලංකාව ගොඩනැගීමේ ගමනට ඕනෑම සහයෝගයක් ලබාදීමට ඇමරිකාව සූදානම් බව එක්සත් ජනපදයේ දේශපාලන කටයුතු පිළිබඳ උප රාජ්‍ය ලේකම් ඇලිසන් හූකර්(Allison Hooker) මහත්මිය පැවසුවා ය.

කොළඹ නගර සභා කර්මාන්තශාලා සේවකයන් හොර අතිකාල අරගෙන

කොළඹ මහ නගර සභාවේ නාගරික කර්මාන්තශාලාවේ නිලධාරීන් සහ සේවකයන් පසුගිය වසරේ නීති විරෝධීව රුපියල් ලක්‍ෂ 8කට ආසන්න මුදලක් (රුපියල් 779,704) අතිකාල දීමනා ලෙස ලබාගෙන ඇති බව ජාතික විගණන කාර්යාලය විගණන වාර්තාවකින් පවසයි.

මානව හිමිකම් කොමිසමේ නිලධාරිනියත් හිමි කම් ඉල්ලයි

ශ්‍රී ලංකා මානව හිමිකම් කොමිසම් සභාවේ අත්තනෝමතික ක්‍රියාවන් විමර්ශනයට ජනාධිපති විමර්ශන කමිටුවක් පත්කරන ලෙසට බල කරමින් එම කොමිසමේ නිලධාරිනියක අඛණ්ඩ උපවාසයක් ආරම්භ කර ඇතැයි බම්බලපිටිය පොලිසිය කියයි.

මඩොල්සිම මැටිගහතැන්න මාර්ගය යළිත් වසයි

පස්කදු කඩාවැටී නායයාමට ලක්ව තිබූ පස්සර මඩොල්සිම මැටිගහතැන්න මාර්ගය විවෘත කර පැය කීපයකට පසුව 25 කනුව කුරුවිගොල්ල ප්‍රදේශයේ දී අද (11)රාත්‍රි සිදුවු නායයාමක් හේතුවෙන් එම මාර්ගයේ රථවාහන ධාවනය ඇණහිට ඇතැයි මඩොල්සිම පොලිසිය පවසයි.

මහවැලියට ආසියානු සංවර්ධන බැංකුවෙන් ණයක්

මහවැලි සංවර්ධන වැඩසටහනට සහාය වීම සඳහා ආසියානු සංවර්ධන බැංකුව ඇමෙරිකානු ඩොලර් මිලියන 200 ක ණය මුදලක් අනුමත කර ඇත.

පළාත් ඡන්ද ක්‍රමය තීරණයට විශේෂ කාරක සභාවක්

පළාත් සභා ඡන්දය කුමන මැතිවරණ ක්‍රමයක් යටතේ පැවැත්විය යුතුද යන්න සොයා බලා වාර්තා කිරීමට සහ ඒ පිළිබඳව සිය යෝජනා සහ නිර්දේශ ඉදිරිපත් කිරීමට පාර්ලිමේන්තු විශේෂ කාරක සභාවක් පත් කිරීම සම්බන්ධයෙන් වූ යෝජනාවක් පාර්ලිමේන්තුවේදී ඉදිරියේදී සම්මත කිරීමට නියමිතය.

ගම්පොළ පවුල් 800 තවමත් කොටුවෙලා

දිට්වා සුළි කුණාටුවත් සමඟ ඇති වූ අධික වැසි හේතුවෙන් සිදුවූ නායයෑම් සහ පස්කඳු කඩාවැටී මාර්ග අවහිරවීමෙන් නාවලපිටිය ආසනයේ පටිතලාව ග්‍රාම සේවා වසමෙහි පවුල් අටසීයකට අයත් පුද්ගලයන් දෙදහස් පන්සීයක් අද(11)වන විටත් එම ප්‍රදේශයේ කොටුවි ඇතැයි ආරංචි මාර්ග පවසයි.

ජනාධිපති අරමුදලෙන් විජේවර්ධන බාලිකා නිවාසයට එළියක්

ජනාධිපති අරමුදලේ මැදිහත්වීමෙන් පානදුර විජේවර්ධන බාලිකා නිවාසය සම්පූර්ණයෙන්ම අලුත්වැඩියා කර නැවත බාර දීමට කටයුතු කෙරිණි.

මහනුවර පාරේ ප්‍රතිසංස්කරණ කටයුතු බලන්න බිමල් යයි

මහනුවර මරණ 240 දක්වා ඉහළට

දිට්වා සුළි කුණාටුව හේතුවෙන් දිවයින පුරා ඇති වූ අධික වැසි සහිත කාලගුණ තත්වය නිසා වැඩිම හානිය සිදුව ඇති මහනුවර දිස්ත්‍රික්කයෙන් අද (11) වන විට ආපදා මරණ 240 ක් දක්වා ඉහළ ගොස් ඇති බවත්, අතුරුදහන් වීම් 75 ක් ලෙස වාර්තා වී ඇති බවත් ආපදා කළමණාකරණ මධ්‍යස්ථානයේ මහනුවර දිස්ත්‍රික් නියෝජ්‍ය අධ්‍යක්ෂ ඉන්දික රණවීර මහතා පවසයි.

ආපදාවෙන් බැටකෑ ආගමික තැන් ගොඩනගන්න රජයෙන් උදව්වක්

ආපදාවෙන් බලපෑමට ලක් වූ ආගමික ස්ථාන පිරිසිදු කර එම ආගමික ස්ථානවල කටයුතු යළි ආරම්භ කිරීම සඳහා සහාය වීමට කැබිනට් අනුමැතිය ලැබී ඇත.

ඇටකුලා කන්ද නාය අවදානමක

උදේනිගම කහටගස්පතන ඇටකුලා කන්ද ඉරිතලා පුපුරා ගොස් නායයාමේ අවදානමක ඇතයි බදුල්ල දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන මහතා අද(11) පැවසීය .

රාජ්‍ය සේවයට තවත් 2284ක්

රාජ්‍ය සේවයේ බඳවා ගැනීම් ක්‍රියාවලිය සමාලෝචනය කිරීම සහ කාර්ය මණ්ඩල කළමනාකරණය කිරීම පිණිස පත් කරන ලද කමිටුවේ නිර්දේශ ක්‍රියාත්මක කිරීමට කැබිනට් අනුමැතිය ලැබී ඇත.

‘විපක්ෂය අසරණ වෙලා‘

ජනතාවට වඩා විපක්ෂය අසරණ වී ඇති බව ප්‍රවාහන මහාමාර්ග සහ නාගරික සංවර්ධන අමාත්‍ය බිමල් රත්නායක මහතා පවසයි.

ආසියා පැසිපික් අරමුදලින් ඩොලර් මිලියන තුනක්

පශ්චාත් ආපදා සහන සහ පුනරුස්ථාපන කටයුතු සඳහා ආසියා පැසිෆිත් ආපදා ප්‍රතිචාර අරමුදලින් ප්‍රදානයක් ලබා ගැනීම සඳහා කැබිනට් අනුමැතිය ලැබී ඇත.

බිඳ වැටුණු ව්‍යවසාය ගොඩනගන්න අලුත් ණය යෝජනා ක්‍රමයක්

ආපදා තත්ත්වයෙන් පීඩාවට පත් ක්ෂුද්‍ර සුළු හා මධ්‍ය පරිමාණ ව්‍යවසාය නැවත නඟා සිටු වීම පිණිස සහාය වීමේ ණය යෝජනා ක්‍රම ක්‍රියාත්මක කිරීමට කැබිනට් අනුමැතිය ලැබී ඇත.

දළදා මාලිගාවෙන් රට නඟන අරමුදලට පරිත්‍යාගයක්

ව්‍යසනයෙන් පසු ජන ජීවිතය සහ රට යළි ගොඩනැගීමට ජනාධිපතිවරයා ප්‍රමුඛ රජය ගෙන යන වැඩපිළිවෙළ ප්‍රශංසනීය වන අතර ඊට සිය ආශිර්වාදය පළ කරන බවත් මල්වතු, අස්ගිරි නියෝජ්‍ය ලේඛකාධිකාරී හිමිවරු පැවසූහ.

ආපදාවෙන් කැඩුණු හිත් හදන වැඩක් බදුල්ලෙන් අරඹයි

’දිට්වා’ සුළි කුණාටුව හේතුවෙන් අවතැන් වී සුරක්ෂා මධ්‍යස්ථානවල රැඳී සිටින දරු දැරියන් සහ වැඩිහිටි ප්‍රජාවගේ මානසික සෞඛ්‍ය ඉහළ නැංවීමේ අරමුණින්, ’Clean Sri Lanka’ වැඩසටහන යටතේ සංවිධානය කරන ’Beyond Recovery’ දීපව්‍යාප්ත වැඩසටහනේ නියමු ව්‍යාපෘතිය බදුල්ල දිස්ත්‍රික්කයෙන් ආරම්භ විය.

නුවර වැවේ, වාන් ඇළ මාර්ගයේ මිරිදිය මසුන් දහස් ගණනින් මැරිලා

වාන් දමමින් තිබෙන අනුරාධපුර නුවර වැවේ වාන් ඇළ මාර්ගයේ මිරිදිය මසුන් දහස් සංඛ්‍යාත ප්‍රමාණයක් මියගොස් ඇළ මාර්ගයේ තැන තැන රැඳී , කුණුවී යාම හේතුවෙන් නගරය පුරා දැඩි දුර්ගන්ධයක් හමන බව නගරවාසීහු කියති.