(නිමන්ති රණසිංහ)
           
තංගල්ල වීරකැටිය මැදමුලන ඩී. ඒ. රාජපක්ෂ ස්මාරකය හා කෞතුකාගාරය ඉදිකිරීමේදී මුදල් අවභාවිත කළැයි කියන සිද්ධියට අදාළව හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු සැකකරුවන් හත් දෙනෙකුට අධිකරණය මගින් නිකුත් කළ නොතීසිය ඔවුන් වෙත බාර දුන් බව මූල්‍ය අපරාධ විමර්ශන කොට්ඨාසය සඳහන් කරයි.
 
ලබන සැප්තැම්බර් මස 07 වැනි දා අධිකරණයේ පෙනී සිටින ලෙසට දැනුම් දෙමින් කොළඹ අතිරේක මහේස්ත‍්‍රාත් කාංචනා නෙරංජලා ද සිල්වා මහත්මිය ඉකුත් ජුලි මස 20 වැනි දා සැකකරුවන් වෙත මෙම නොතීසි නිකුත් කරනු ලැබ තිබිණි.
 
ඒ අනුව හිටපු ආරක්ෂක ලේකම් නන්දසේන ගෝඨාභය රාජපක්ෂ, ශ්‍රී ලංකා ඉඩම් ගොඩකිරීමේ හා සංවර්ධනය කිරීමේ සංස්ථාවේ හිටපු සභාපති ලියන ආරච්චිගේ ප‍්‍රසාද් හර්ෂාන් ද සිල්වා, එහි සාමාන්‍යාධිකාරීගම ඇති රාළලාගේ භද්‍රා උදුලාවතී කමලාදාස, සුසම්මික කේමින්ද ආටිගල, සමන් කුමාර අබ‍්‍රහම් ගලප්පත්ති, මාරුක්කු දේවගේ මහින්ද සාලිය යන අය වෙත මෙම නොතීසි භාරදුන් බව මූල්‍ය අපරාධ විමර්ශන කොට්ඨාසය සඳහන් කරයි.