(ඔගස්ටින් ප්‍රනාන්දු)
 
              
කොළඹ පුත්තලම මාර්ගයේ බංගදෙණිය හංදියේදී අද (31) බස් රථ දෙකක් ගැටී සිදුවූ අනතුරින් පුද්ගලයන් 12දෙනෙකු තුවාල ලබා හලාවත දිස්ත්‍රික් මහ රෝහලට ඇතුළත් කර ඇති බව හලාවත පොලිසිය කියයි.
 
 අනතුරට ලක්වී ඇත්තේ වවුනියාවේ සිට කොළඹ බලා ධාවනය වෙමින් තිබූ ලංගම බසයක් සහ මන්නාරමේ සිට කොඹ බලා ධාවනය වූ පෞද්ගලික බස් රථයකි.
 
 වවුනියාවේ සිට පැමිනි බස් රථය බංගදෙනිය හංදියේදී නතර කළ අවස්ථාවේ දි පිටුපසින් අධික වේගයෙන් පැමිණි මන්නාරම පෞද්ගලික බස් රථය ලංගම බසයේ පසු පස ගැටී අනතුර සිදුව තිබේ.
 
තුවාලකරුවන් අතරින් දෙදෙනෙකුගේ තත්ත්වය බරපතල බව පොලිසිය කියයි. බස් රථ දෙකෙහි රියදුරන් පොලිසිය අත්අඩංගුවට ගෙන ඇත. 
 
හලාවත පොලිසියේ රථවාහන අංශය වැඩිදුර පරීක්ෂණ පවත්වයි.