(සිතුම් චතුරංග)
හිටපු එල්.ටි.ටි.ඊ නායකයකු වූ මියගිය තිලීපන් සිහිකරමින් යාපනය විශ්ව විද්යාලයේ සැමරුම් උත්සවයක් සංවිධානය කරන බවට පොලිසියට ලද තොරතුරක් අනුව යාපනය විශ්ව විද්යාලය ඉදිරිපිට අද (25) විශේෂ පොලිස් ආරක්ෂාවක් යෙදවීමත් සමඟ සිසුන් හා පොලිසිය අතර උණුසුම් තත්වයක් හට ගැණිනි.
විශ්ව විද්යාලයේ බහුතරයක් සිසුන් කළු පැහැති ඇඳුමකින් සැරසී විශ්ව විද්යාලයට පැමිණ සිටි අතර හිටපු එල්.ටි.ටි.ඊ නායකයකු වූ ත්යාගදීපන් තිලීපන්ගේ 33 වැනි ගුණ සැමරුම් උත්සවය දින දෙකක් පැවැත්වීමට සූදානම් කර ඇතැයි ලද තොරතුර අනුව පොලිස් ආරක්ෂාව යෙදවීමට කටයුතු කර තිබේ.
ආරක්ෂාව යොදවා සිටි පොලිස් නිලධාරීන් සිසුන් වෙත පවසා සිටියේ තිලීපන් සැමරුම් සිදුකිරීම අත්හිටුවමින් යාපනය මහේස්ත්රාත් අධිකරණය තහනම් නියෝගයක් ලබාදී ඇති බැවින් අධිකරණ නියෝගයන්ට අවනතව අධ්යයනය කටයුතු සිදුකරන ලෙසයි.
පොලිසියේ ප්රකාශයට සිසුන් විරෝධය පලකළ අතර එහිදී ඔවුන් පවසා සිටියේ විශ්ව විද්යාලයට තමන් කැමති ආකාරයේ ඇඳුමකින් සැරසී පැමිණිමට සිසුන්ට අයිතිය ඇති බවත් විශ්ව විද්යාලය තුළ සිසුන්ගේ ක්රියාවන් සඳහා වලට බලපෑම් නොකරන ලෙසත් පවසා තිබේ. එම ප්රකාශයත් සමඟ සිසුන් පොලිසිය වෙත විරෝධතාවය පළ කිරීමටත් සමඟ උණුසුම් තත්වයක් ඇති වූ බව පොලිසිය පවසයි.
අධිකරණ නියෝග පිළිබඳ සිසුන් දැනුවත් කිරීමෙන් පසුව විශ්ව විද්යාලය ඉදිරිපිට සිටි පොලිසිය ඉවත් කිරීමට කටයුතු කළ බවද යාපනය පොලිසිය වැඩිදුරටත් පැවසීය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
යාපනය සරසවි සිසුන් හා පොලිසිය අතර ගැටුමක්
Hafeel Friday, 25 September 2020 03:20 PM
බෙදුම්වාදී විෂබීජය මේ ගොල්ලන්ගෙන් නැතිකරන්න බැහැ වගේ...
jayasekaraSaturday, 26 September 2020 03:45 AM
මේ අයව එවන්න ඕනෑ දකුණේ විශ්ව විද්යාලවලට..
විජේ Saturday, 26 September 2020 04:59 AM
පාතාලය, හිරගෙවල් සුද්ද කරනා සේම උතුරේ සහ දකුණේ සියලුම විශ්වවිද්යාලයන්ද සුද්ද කළයුතුව ඇත. වර්තමානයේ විශ්වවිද්යාලවලින් පිටවන සමහරක්, සමහර හරක්ටත් අන්තයි...
RaveendraSaturday, 26 September 2020 09:05 AM
සහතික ඇත්ත. එවන්නන්ට සාමකාමී සමාජයක් තුළ ජීවත්වීමේ අයිතිය කිසිඳු අයුරකින් ලබා නොදිය යුතුමයි.
සෙනෙවිරත්න Sunday, 27 September 2020 02:34 AM
මහත්මයා ඉන් අදහස් කලේ ඝාතනය කිරීමද? හිර ගෙදර කලේ ඒක නිසා, මහත්මයාගේ ළමයෙක්, නෑයෙක් මෙතන හිටියොත් එම අය නිවැරදිද? වැරදිද නොසොයා ඝාතනය වුණොත් ඒක පිළිගන්නවාද? එහෙම කරලා රටක් හැටියට ඉන්න පුළුවන් වේවිද? මහත්මයා 69 ලක්ෂයෙන් කෙනෙක් නම් ආවේගයට කියැවුණා වෙන්න ඇති. මේකෙන් පිටයන්නේ හරක් නම් උ.පෙළ හරක්ටත් ලියලා පාස්වෙන්න පුළුවන්...