ශ්‍රී ලංකාවේ ප්‍රථම හදවත් බද්ධය මහනුවර මහ රෝහලේ දී කර ඇතැයි සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පවසයි.

හදවත 12% ක් පමණ අකර්මණ්‍ය වී තිබූ අනුරාධපුරයේ කාන්තාවකට(34) මෙම හදවත් බද්ධය කළ බව මහනුවර මහ රෝහලේ අධ්‍යක්ෂ වෛද්‍ය සමන් රත්නායක මහතා පවසයි.

මොළය මිය ගිය තරුණයකුගේ(24) හදවතක් ඇයට බද්ධ කළ බව ද රත්නායක මහතා පවසයි.

එම තරුණයාගේ වකුගඩු දෙක තවත් වකුගඩු රෝගීන් දෙදෙනකුට බද්ධ කර ඇති අතර හදවත් බද්ධයකට භාජනය වූ කාන්තාව සහ වකුගඩු බද්ධයට භාජනය වූ රෝගීන් දෙදෙනා මහනුවර මහ රෝහලේ දැඩි සත්කාර ඒකකයේ මේ වනවිට ප්‍රතිකාර ලබති.

ඔවුන්ගේ තත්ත්වය සුවදායක බව ද ඒ රත්නායක මහතා කියයි.