(බිඟුන් මේනක ගමගේ)
ශ්රී ලංකා ආයෝජන මණ්ඩලයේ සීතාවක අපනයන කලාපයේ ප්රධාන පිවිසුමේ ආරක්ෂක ප්රධානියා මැර ප්රහාරයකට ලක්ව කොළඹ ජාතික රෝහලට ඇතුලත් කර ඇති අතර ඔහුට ශල්යකර්ම දෙකක් සිදුකළ යුතු යැයි වෛද්යවරු අද(17) නිර්දේශ කර තිබේ.
අපනයන කලාපයේ ප්රධාන පිවිසුමේ රාජකාරියෙහි නියුතුව සිටියදී පුද්ගලයකු විසින් කඩුවකින් පහර දෙනු ලැබීමෙන් පසුගිය 13 වැනිදා මෙසේ තුවාල ලැබ ඇත්තේ එහි ආරක්ෂක ප්රධානී ජේ.එම් ජයවර්ධන මහතාය.
කඩු පහර හේතුවෙන් ජයවර්ධන මහතාගේ වම් අතට තදබල ලෙස හානි සිදු වී ඇති අතර මේ වනවිටත් එක් ශල්යකර්මයක් කර ඇතැයි රෝහල් ආරංචි මාර්ග සඳහන් කරයි.
ආයෝජන කලාපයේ වාහන අංගනයට නිසි අවසරයකින් තොරව ඇතුලුවීමක් සම්බන්ධයෙන් අදාළ ආරක්ෂක නිලධාරියා කළ ප්රශ්න කිරීමකින් දින දෙකකට පසු සැකකරු විසින් මෙසේ පහර දෙනු ලැබ ඇතැයි සිදුවීම සම්බන්ධයෙන් අවිස්සාවේල්ල පොලිසියට කළ පැමිණිල්ලේ සඳහන් වේ.
අදාළ සැකකරු ආයෝජන කලාපයේ ප්රවාහන පහසුකම් සැපයූවෙකු හැටියට මීට පෙර ක්රියා කර ඇතැයි එහි නිලධාරියෙක් ලංකාදීපයට පැවැසීය.
ප්රහාරයට ලක් වූ ජයවර්ධන මහතා වසර 32 ක් තිස්සේ ශ්රී ලංකා ආයෝජන මණ්ඩලයේ සේවය නිරත දක්ෂ නිලධාරියකු යැයි ද බාහිර පුද්ගලයන් හා වාහන ආයෝජන කළාපයට පිවිසීමේදී මුදල් ගෙවා ලබාගත යුතු ප්රවේශපත්ර නිසි ලෙස නිකුත් කිරීම හේතුවෙන් අයථා ක්රියාකාරකම්වලට සම්බන්ධ පිරිස්වල නොමනාපයට ලක්ව ඇතැයි ද එම නිලධාරියා වැඩිදුරටත් සඳහන් කළේය.
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 නිල් ග්රහලෝක ත්යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග්රහණය කිරීමට ශ්රී ලංකා ඉන්ෂුවරන්ස් පාපන්දු කණ්ඩායම සමත් විය. ශ්රී ලංකා ඉන්ෂුවරන
ආයෝජන මණ්ඩලයේ සීතාවක අපනයන කලාපයේ ආරක්ෂකට මැර ප්රහාරයක්
ravin Monday, 17 February 2020 02:13 PM
ඉතින් ඇයි ඔය කියන මැරයාට වෙඩි තිබ්බේ නැත්තේ....?ආරක්ෂක අංශ වලට තුවක්කු නිකුත් කරලා තියෙන්නේ නිකම් නොවෙයි.මැරයාව මැරුණත් ප්රශ්නයක් නැහැ...මොකද ඒ වගේ උන් මේ රටට ඔනෑ නැතිනසා.
sarath Monday, 17 February 2020 03:53 PM
ප්රහාරකයා අත්අඩංගුවට ගෙන නීතිය දැඩි ලෙස ක්රියාත්මක කල යුතුයි