(  බිමල් ශ්‍යාමන් ජයසිංහ )
 
අටුළුගම, මාරාව උප තැපැල් ස්ථානාධිපතිනිය හා ඇයගේ බාල පුතු කොවිඩ් 19 හෙවත් නව කොරෝනා   ආසාදිත රෝග ලක්ෂණ පහළ කිරීම හේතුවෙන් අද (31) කලුතර නාගොඩ රෝහලට ඇතුලත් කිරීමට පියවර ගත් බව බණ්ඩාරගම  සෙෳඛ‍ය වෛද්‍ය කාර්යාලය කියයි.

එම උප තැපැල් ස්ථානාධිපතිනියගේ ස්වාමි පුරුෂයා,දියණිය හා වැඩිමහල් පුතුද මේ වන විට නව කොරෝනා වෛරසය ද ආසාදනය වීමෙන් IDH රෝහලේ ප්‍රතිකාර ලබන බව සෞඛ‍ය වෛද්‍ය කාර්යාලය පවසයි.
 
එම වැඩිමහල් පුතු ඉකුත් 17 වැනි දින ඩුබායි රටට ගොස් දෙදිනක් ගත කර 19 වෙනි දින මෙරටට පැමිණීමෙන් අනතුරුව දින 6 කට පසු කොරෝනා රෝග ලක්ෂණ පහල කිරීම හේතුවෙන් රෝහල් ගත කෙරෙනි.එයින් සිව් දිනකට පසු පියා සහ සහෝදරියද රෝහල් ගත කෙරෙණි.
 

මේ වන විට කලුතර දිස්ත්‍රික්කයෙන්  කොවිඩ් 19 හෙවත් කොරෝනා වෛරසය ආසාදිත රෝගීන් 17 දෙනෙකු හමු වී ඇති අතර එයින් රෝගීන් 5 දෙනෙකුම බණ්ඩාරගම සෙෳඛ‍ය වෛද්‍ය නිලධාරී බල ප්‍රදේශයෙන් වාර්තා වී ඇත.