(ඉන්දිකා රාමනායක)

අයිස් සහ හෙරොයින් මත්ද්‍රව්‍ය සමඟ අත්අඩංගුවට ගත් සැකකරුවකු මහාධිකරණයට ඉදිරිපත් නොකරන ලෙසට ඉල්ලා අවිස්සාවේල්ල අවිස්සාවෙල්ල පොලිසියේ අපරාධ විමර්ශන අංශයේ ස්ථානාධිපතිවරයාට රුපියල් 50,000ක ලබා දීමට උත්සාහ කළ පුද්ගලයකු අවිස්සාවේල්ල පොලිසියේදී අද (3) අල්ලස් හෝ දූෂණ විමර්ශන චෝදනා කොමිසම සභාව මගින් අත්අඩංගුවට ගෙන ඇත.

අවිස්සාවේල්ල තල්දූව හන්දියේ දී අයිස් මත්ද්‍රව්‍ය ග්‍රෑම් දහයක්, හෙරොයින් මිලිග්‍රෑම් 2100 සමග සැකකරුවකු අත්අඩංගුවට ගෙන ඇත.

ඔහු අත්අඩංගුවට ගෙන පොලිසියේ රඳවා සිටියදී ඔහුගේ මිතුරකු වූ අපරාධ විමර්ශන අංශයේ ස්ථානාධිපති ප්‍රධාන පොලිස් පරීක්ෂක පී ජී එස් ආර් සංජීව මහතා හමුවට පැමිණ අත්අඩංගුවට ගෙන ඇති සැකකරු මහාධිකරණයට ඉදිරිපත් නොකරන ලෙසත් ඒ වෙනුවෙන් රුපියල් 50,000 ක ලක් ලබාදෙන බවට දැනුම් දී ඇත.

එම ඉල්ලීමට කැමැත්ත පළ කර ඇති පොලිස් නිලධාරියා පසු දිනට පැමිණෙන ලෙසට සැකකරුට දැනුම් දී ඇත.

ප්‍රධාන පොලිස් පරීක්ෂකවරයා ඒ අවස්ථාවේ ම එම සිද්ධිය කොට්ඨාස බාර ජ්‍යෙෂ්ඨ පොලිස් අධිකාරීවරයා දැනුවත් කර ඇති අතර ඔහු මාර්ගයෙන් අල්ලස් හෝ දූෂණ විමර්ශන කොමිසම දැනුවත් කර ඇත.

අල්ලස් නිලධාරීන්  පොලීසියේ අපරාධ විමර්ශන අංශය වෙත පැමිණ ඇති අතර, පැමිණ ප්‍රධාන පොලිස් පරීක්ෂක සංජීව මහතා හමුවට පැමිණි පුද්ගලයා රුපියල් 50,000 අල්ලස් මුදලින් රුපියල් 25.000 ක මුදලක් ලබාදී ඉතිරි මුදල ඇප ලැබීමෙන් පසු ලබා දෙන බවට දැනුම් දී ඇත. ඒ අවස්ථාවේ අල්ලස් කොමිසමේ නිලධාරීන් සැකකරු අත්අඩංගුවට ගත්තේය.