(නිමන්ති රණසිංහ)
 
ස්විට්සර්ලන්ත තානාපති කාර්යාලයේ නිලධාරිනියක පැහැරගෙන  ගියා යැයි කියන සිද්ධියකට අදාළව අපරාධ පරීක්ෂණ දෙපාර්තමේන්තුව අද(03) අධිකරණයට කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය හමුවට කරුණු ඉදිරිපත් කළේය.
 
එම තැනැත්තිය සම්බන්ධයෙන් තානාපති කාර්යාලය දෙවන නිලධාරියකු මගින් ලද ලිඛිත පැමිණිල්ලකට අනුව මෙම විමර්ශන ආරම්භ කර ඇති බව අපරාධ පරීක්ෂණ දෙපාර්තමේන්තුව අධිකරණයට දැනුම් දුන්නේය.
 
මෙම තැනැත්තියගෙන් ප්‍රකාශයක් ලබාගැනීමට අවශ්‍යව ඇති බැවින් යම් හෙයකින් ඇය විදේශගත වුවහොත්, විදේශ ගමන් තහනම් කරන ලෙසට ඉල්ලමින් එම දෙපාර්තමේන්තුව අධිකරණයට කරුණු වාර්තා කරනු ලැබීය.
 
ඒ අනුව කරුණු තහවුරු කරගැනීම සඳහා නඩුව පස්වරු 2.30 වන තෙක් කල් තබනු ලැබීය.