( පුෂ්පකුමාර ජයරත්න )

වාරියපොළ ශ්‍රී විසුද්ධාරාම විහාරස්ථානයේ විහාරාධිකාරි හිමිනමක් ඇතුළු තිදෙනෙකු සැකපිට අත්අඩංගුවට ගැනීමට පරීක්ෂණ පවත්වන බව වාරියපොළ පොලිස් කොට්ඨාසය බාර සහකාර පොලිස් අධිකාරි මංගල වික්‍රමනායක මහතා පැවසීය.

වාරියපොළ පොලීස් ස්ථානය තුළදී පොලිස් පරීක්ෂකවරයකුට බැණ තර්ජනය කර පහර දීමේ සිද්ධියක් සම්බන්ධයෙන් අත්අඩංගුවට ගැනිමට පරික්ෂණ පවත්වයි.

අත්අඩංගුවට ගැනීමට අවශ්‍ය එම විහාරාධිකාරි හිමිනම අැතුළු තිදෙනා මේවනවිට ප්‍රදේශයෙන් අතුරුදන්ව ඇති බවද සහකාර පොලිස් අධිකාරිවරයා සඳහන් කළේය . 

නීතිවිරෝධි මත්පැන් ජාවාරමක් සම්බන්ධයෙන් වාරියපොළ පොලීසිය විසින් සැකපිට අත්අඩංගුවට ගත් පුද්ගලයෙකු සම්බන්ධයෙන් විමසීමට පැමිණි හිමිනම  පොලිස් ස්ථානය තුළදී පොලිස් පරීක්ෂකවරයාට අසභ්‍ය වචනයෙන් බැණ වැදී තර්ජනය කර ඇතැයිද ඉන් පසුව හිමිනම පැමිණි පිරිසක් පොලිස් පරීක්ෂකවරයාට පහරදී ඇතැයිද පැමිණිල්ලේ සඳහන්  වේ .

නීති විරෝධි මත්පැන් ජාවාරම සම්බන්ධයෙන් මේවනවිට සැකපිට අත්අඩංගුවට ගෙන සිටින පුද්ගලයාගේ සොයුරෙකු සහ ඔහුගේ මිතුරන් දෙදෙනෙකු එක්ව පොලිස් පරීක්ෂකවරයාට පහරදී ඇතැයි පැවසෙන අතර පහර කෑමට ලක්වූ එම නිලධාරියා මේවනවිට නිකවැරටිය මූලික රෝහලේ ප්‍රතිකාර ලබමින් සිටියි .