2023 මාර්තු මස 23 වන බ්රහස්පතින්දා
කොත්මලේ වාන් දොරටු තුනක් විවෘතයි : මහජනතාවට අවධානයෙන් සිටින්නැයි උපදෙස්
(රංජිත් රාජපක්ෂ සහ ශාන්ත චන්ද්‍රසිරි )
මධ්‍යම කදුකරයේ බටහිර බැවුම් ප්‍රදේශවලට තවදුරටත් ඇදහැලෙන අධික වර්ෂාව හේතුවෙන් ඉහළ කොත්මලේ ජලාශයේ වාන් දොරටු තුනක් අද (15) අලුයම සිට ස්වයංක්‍රියව විවෘත වි ඇත.
එම වාන් දොරටු විවෘත විමත් සමඟ කොත්මලාඔයේ ජල මට්ටම ඉහළ යාම නිසා සෙන්ක්ලෙයාර් දිය ඇල්ලේද ජල ධාරිතාව ඉහළ ගොස් ඇත.
ඉහල කොත්මලේ ජලාශයේ ජල පෝෂක ප්‍රදේශවලට තවදුරටත් වැසි ලැබුණ හොත් එම ජලාශයේ සෙසු දොරටුද ස්වයංක්‍රියව විවෘත වන නිසා ඉහළ කොත්මල ජලාශ වේල්ලට පහළින් ගග දෙපස පදිංචිකරුවන් සැලකිලිමත් ලෙස සිටින ලෙස විදුලි බලාගාර ඉංජිනේරුවන් ඉල්ලා සිටියි.
ලක්ෂපාන ජලාශයේද වාන් දොරටු තුනක් අද අලුයම සිට විවෘත කිරිම නිසා කැලණි ගගේ ජල මට්ටම ඉහළ ගොස් ඇත.
පවතින අධික වර්ෂාවත් සමගම හැටන් නුවරඑලිය ප්‍රධාන මාර්ගයේ තලවකැලේ දුම්රිය හරහ් මාර්ගයට යාබදව ප්‍රධාන මාර්ගයට පස් කන්දක් කඩා වැටිමෙන් එම මාර්ගයේ රථ වාහන ධාවනය එක් මං තිරුවකට සිමා කර ඇත.
හැටන් කොළඹ ප්‍රධාන මාර්ගයේ ෂැනන් වත්ත ප්‍රෙද්ශයේ ප්‍රධාන මාර්ගයට ගසක් කඩා වැටිමෙන් එම මාර්ගයේද ගමනා ගමන කටයුතුද එක් මං තිරුකට සිමා කර තිබේ.
හැටන් වැලිඔය අග්‍රඔය ප්‍රදේශයේ පහත් බිම් රැසක් පවතින වර්ෂාවත් සමඟ යට වි ඇති අතර ල කාසල්රී සහ මවුස්සාකැලේ ජලාශවල ජල මට්ටමද පිටාර මට්ටම පැමිණ ඇති බව විදුලි බල මණ්ඩල කියයි.
