(නිමල කොඩිතුවක්කු)
 
පවතින විදුලි අර්බුදය සිංහල දෙමළ අලුත් අවුරුද්දට  පෙර අවසන් කරන බව විදුලිබල, බලශක්ති සහ ව්‍යාපාර සංවර්ධන අමාත්‍ය රවී කරුණානායක මහතා පැවැසීය.
 
විදුලිය අරපිරිමැස්මෙන් භාවිත කිරීමෙන් ඒ සඳහා සහාය දක්වන ලෙසට ජනතාවගෙන් ඉල්ලා සිටින බවද  අමාත්‍යවරයා සඳහන් කළේය.
 
රවී කරුණානායක මහතා මෙම අදහස් පළකලේ, මිලාගිරිය ශාන්ත පාවුලු බාලිකා විද්‍යාලයේ  නව පාසැල් ගොඩනැගිල්ල සිසු අයිතියට පත්කිරීමේ අවස්ථාවට අද (03) එක්වෙමිනි.
 
මෙරට විදුලි පද්ධතියට 2010 වසරේ සිට මෙගාවෝට් එකක්වත් ජනනය කිරීමේ ක‍්‍රියාදාමයට එක්වී නොමැති බව සඳහන් කළ අමාත්‍යවරයා නිසි වෙලාවට තීන්දු තීරණ ගනිමින් දීර්ඝකාලීන වැඩපිළිවෙළක් මගින් ඒ සඳහා අවශ්‍ය විසදුම් ලබා දෙන බවත් සඳහන් කළේය.