(විමුක්ති එස් රුද්රිගු)
දකුණු ගාසා තීරයේ රෆා නගරයට එල්ල කරන හමුදා ප්රහාර වහාම නතර කරන ලෙස ජාත්යන්තර අධිකරණය ඊශ්රායලයට නියෝග කළේය.
රෆා නගරයේ ඊජිප්තු දේශසීමා පිවිසුම් මාර්ගය විවෘත කර ජීවිතාරක්ෂක ආධාර ගාසා තීරයට ඇතුල්වීමට ඉඩ සලසා දෙන ලෙසද ජාත්යන්තර අධිකරණය නියෝග කළේය.
නමුත් ඊශ්රායලය මෙම නියෝගයට අවනත වනු ඇතැයි අපේක්ෂා නොකළත් මෙම නියෝගයෙන් ඊශ්රායලය ජාත්යන්තරයේ තවත් හුදෙකලා වනු ඇති බව විදෙස් මාධ්ය පෙන්වා දුන්නේය.
ඊශ්රායල් අග්රාමාත්ය බෙන්ජමින් නෙදන් යාහුගේ සමීපතමයන් ජාත්යන්තර අධිකරණය ලබාදුන් මෙම නියෝගය දැඩිව විවේචනයට ලක් කර ඇත.
නෙදන් යාහු රජයේ හිටපු මාධ්ය ප්රකාශකයකු වන එයිලෝන් ලෙවී ප්රකාශ කර සිටියේ නියෝගය ප්රකාශයට පත් කළ පහළොස් දෙනකුගෙන් යුත් විනිසුරු මඩුල්ලේ සභාපති විනිසුරු නවාෆ් සලාම් ලෙබනන ජාතිකයෙකු බවත් වැරදි නියෝගයක් ලබා දුන්නේ නම් ඔහුට ආරක්ෂිතව නැවත ලෙබනනය බලා යෑමට අවස්ථාවක් නොලැබීමට ඉඩ තිබූ බවත්ය.
පලස්තීන ජනතාව ආරක්ෂා කර ගැනීමට ඊශ්රායල හමුදා රෆා නගරයට පහර දීම නැවැත්වීමට වහාම ක්රියාමාර්ග ගන්නා ලෙස දකුණු අප්රිකානු නීතිඥයන් ජාත්යන්තර අධිකරණයෙන් කළ ඉල්ලීම සලකා බලමින් මෙම නියෝගය නිකුත් කෙරිණි.
මෙම වසර තුළ ජාත්යන්තර අධිකරණය ඊශ්රායල හමාස් යුද්ධය සම්බන්ධයෙන් නියෝගයක් නිකුත් කළ තෙවැනි අවස්ථාව මෙය වේ.
පහළොස් දෙනකුගෙන් යුත් විනිසුරු මඩුල්ලේ විනිසුරුවන් දහතුන් දෙනකුගේ එකඟත්වයෙන් ජාත්යන්තර අධිකරණය මෙම නියෝගය ප්රකාශයට පත් කළේය.
පොලිස්පතිවරයා පත් කළ ආකාරය සම්බන්ධයෙන් විපක්ෂ නායක සජිත් ප්රේමදාස මහතා ආණ්ඩුක්රම ව්යවස්ථා සභා රැස්වීමේදී අද (26) සිය විරෝධය පළ කර ඇතැයි වාර්තාවේ.
මෙරට ආර්ථිකය නිවැරදි මගකට යොමු කෙරෙන ආර්ථික පරිවර්තන පනත් කෙටුම්පත සම්මත කර ගැනිමට සහාය වූ පාර්ලිමේන්තුවේ සියලු දේශපාලන පක්ෂ වෙත සිය ස්තුතිය පළ කරන බ
දෙමළ ජාතික සන්ධානය ජනාධිපතිවරණයට අපේක්ෂකයකු ඉදිරිපත් නොකරන බව එහි පාර්ලිමේන්තු මන්ත්රී නීතිඥ එම් .ඒ සුමන්තිරන් මහතා පැවසීය.
ශ්රේෂ්ඨාධිකරණය මගින් ලබා දෙන නියෝග ක්රියාත්මක කිරීමට රටේ ජනාධිපතිවරයා හා ව්යවස්ථායකය බැඳී සිටිනවා , පාර්ලිමේන්තු වරප්රසාදවලට මුවා වී එම අධිකරණ
කැබිතිගොල්ලෑව විහාර හල්මිල්ලෑව ගමේ ’’මහ කාඩිගල’’ වැව යටතේ ඇති කුඹුරු යායට පාරක් නොමැති නිසා ගොවීන් දැඩි දුෂ්කරතාවයන්ට මුහුණ දෙන බව මහා කාඩිගල කුඹුර
රටේ තරුණ පරපුර වෙනසක් ඉල්ලා ගාලුමුවදොර අරගලයක් කළ බවත් ඔවුන් ඉල්ලා සිටින වෙනස ලබාදීමට තමන් ඉදිරිපත්ව සිටින බවත් පාර්ලිමේන්තු මන්ත්රී සරත් ෆොන්සේකා
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
‘‘පහරදීම් නවතනු‘‘ ජාත්යන්තර අධිකරණයෙන් ඊශ්රායලයට නියෝගයක්
Xxxxxxxx Sunday, 26 May 2024 05:52 AM
කවුද යුද්ධය මුලින්ම පටන්ගත්තේ කියලා සොයාගෙන නැහැ වගේ .පටන්ගත්තු එවුන්ට මුලින්ම සමාව ගන්න කිව්වා නම් නේද හොද
Ariyathilaka Sunday, 26 May 2024 10:45 AM
අතිශයින් ජනප්රිය වූ මුවන් පැලැස්ස නම් ගුවන්විදුලි නාට්යයට අප සවන් දී ඇත. රස විඳ ඇත. එහි කෝරළේ මහතාගේ (ආරච්චිල) හා පිනාගේ චරිත ඉතා රසවත් ය. යායේ කවරෙකුගෙන් හෝ පැමිණිල්ලක් කොර්ළේ මහතාට ලද හොත් කෝරළේ මහතා එය විභාග කිරීමට බහින්නේ, යුත්තිය සාධාරණය ඉටු කිරීමට, ඉටු වීමට වඩා තමන්ගේ කෝරළේ ගම්මුලෑදෑනි පට්ටමේ ගර්වය තම යායේ එවුන්ට පෙන්වීමටත් තම ගම්මුලෑදෑනි ඇඳුම් ආයිත්තම්වල පුරාජේරුකම සහිත පුහු මාන්නය යායට ගමට පෙන්වීමත් ය. පිනා විසින් ද කියන ඕපදූප විශේෂයෙන් කෝරළේ මහතා අසා සිටී. පිනා විසින් කරන පැමිණිල්ලට ද විශේෂ සැළකිලිමත් බවක් ඔහු දක්වයි. මුවන්පැලැස්සෙහි මෙන් කොර්ළේ මහතා සහ පිනා යන චරිත නූතන වශයෙන් ජාත්යන්තර කරලියට පැමිණ ඇති සෙයකි. පිනාගේ පැමිණිල්ලට කෝරළේ උන්නැහේළා විසින් තම ගර්වයට තත්වයට අපිත් ඉන්නවා කියන්න මොකවත් කළ යුතු ය. ඒ වුණත් මුවැන් පැලැස්සේ කෝරළේ මහතාගේ සහ පිනාගේ චරිත තරම් රසවත් නැත.
nimal Monday, 27 May 2024 08:36 PM
පාණ ඇපකරුවන් නිදහස් කිරීමට සහ ඊශ්රායලයට මිසයිල පුහාර එල්ල කිරීම නැවැත්වීමට අධිකරණය හමාස් සංවිධානයට නියෝග නොකිරීම සහ අධිකරණය එක් පාර්ශවයකට යුද්ධය නවත්වන ලෙස නියෝග කිරීම සාධාරණ නොවේ.