‘ලංකාවේ නව යුගයට උදව් කරන්න සූදානම්‘

(අංජුල මහික වීරරත්න)

සංවර්ධනයේ නවයුගයක් සඳහා ශ්‍රී ලංකාව හා එක්ව කටයුතු කිරීමට සූදානම් බව චීන ජනාධිපති ෂී ජින් පිං (Xi Jinping) මහතා ජනාධිපති අනුර කුමාර දිසානායක මහතා හමුවේ අද (15) පැවසීය.

එසේම සමීප මිත්‍ර රාජ්‍යයන් ලෙස චීනය සහ ශ්‍රී ලංකාව අතර පවතින දීර්ඝකාලීන සබඳතාව ද සිහිපත් කළ ජනාධිපති ෂී ජින් පිං මහතා ඉදිරියටද ශ්‍රී ලංකාව සමග නිරන්තර සහයෝගයෙන් කටයුතු කිරීමට සූදානම් බව පැවසීය.

චීනයේ සිව් දින රාජ්‍ය සංචාරයක නිරත ජනාධිපති අනුර කුමාර දිසානායක මහතා සහ චීන ජනාධිපති ෂී ජින් පිං (Xi Jinping) මහතා අතර නිල හමුව අද (15) පස්වරුවේ චීන මහජන ශාලාවේදී පැවැත්විණි.

චීන මහජන ශාලාව වෙත පැමිණි ජනාධිපති අනුර කුමාර දිසානායක මහතා චීන ජනාධිපති ෂී ජින් පිං මහතා විසින් ඉතා උණුසුම් ලෙස පිළිගනු ලැබූ අතර ආචාර වෙඩිමුර සහිතව ඉතා අභිමානවත් අයුරින් එම පිළිගැනීමේ උත්සවය සංවිධානය කර තිබිණි.

අනතුරුව රාජ්‍ය නායක දෙපළ අතර සුහද කථා බහකින් පසු දෙරට අතර ද්විපාර්ශ්වික සාකච්ඡා ආරම්භ කෙරිණි.

රාජ්‍ය නායක දෙපළ අතර නිල හමුවෙන් පසු දෙරට අතර ආර්ථික, සමාජයීය හා කර්මාන්ත යන ක්ෂේත්‍රවලට අදාළ අවබෝධතා ගිවිසුම් කිහිපයකට අත්සන් තැබීම ද සිදු කෙරිණි.

විදේශ කටයුතු, විදේශ රැකියා හා සංචාරක අමාත්‍ය විජිත හේරත්, ප්‍රවාහන හා මහාමාර්ග සහ වරාය හා සිවිල් ගුවන්සේවා අමාත්‍ය බිමල් රත්නායක, රජයේ ප්‍රවෘත්ති අධ්‍යක්ෂ ජනරාල් එච්. එස්. කේ. ජේ බණ්ඩාර මහත්වරුද මෙම අවස්ථාවට එක්ව සිටියහ.

අදහස් (7)

‘ලංකාවේ නව යුගයට උදව් කරන්න සූදානම්‘

nimal Wednesday, 15 January 2025 09:19 PM

පසුගිය රාජ්‍යයන් ( ආණ්ඩු ) විදෙස් රටවල් සමග ආයෝජන සදහා ගිවිසුම් අත්සන් කිරීමට සුදානම් වූ අවස්ථාවේ , JVP පක්ෂය දැඩි විරෝදත්වයන් දැක්වූ සියලු ආයෝජන, ව්‍යාපෘති අද ඔවුන්ගේම ජනපතිවරයකු යටතේ ඔවුන්ගේම 2/3 ආණ්ඩුවක අනුමැතිය යටතේ අත්සන් කිරීම සිදුවුවන්නේ කිසිදු පාර්ශ්වයකගේ විරෝදතාවයන් නොමැතිවය.

: 0 4

Samith Thursday, 16 January 2025 12:14 AM

උදව් කරන්නම් . ඒත් තායිවානය අල්ලගන්න උඹලා ඇත උස්සන්න ඕනේ .ඒක නේද කොන්දේසිය

: 0 4

BandaraThursday, 16 January 2025 03:41 PM

තායිවානය චීනයේ කොටසක් බවට රටවල් 180ක් බොහෝ කාලයක සිට පිළිගනී. ශ්‍රී ලංකා රජයද එය පිළිගනී. චීනය එය පිළිනොගන්නා කිසිඳු රටක් සමග රාජ්‍ය තාන්ත්‍රික සබඳතා නොපවත්වයි...!

: 1 1

Sarath Thursday, 16 January 2025 09:55 AM

‘දික්තලා හා කාලගෝල ’ ------ අහෝ ශ්‍රී ලංකා.... බලමු වෙනස.... අපි මාලිමාවට........ කොටෙක් ගිය උඩ."

: 0 4

karolis Thursday, 16 January 2025 02:41 PM

නව යුගය කිව්වේ මහා චේතිය යුගයටද?

: 0 0

Gamini Thursday, 16 January 2025 03:29 PM

චීනටත් වඩා කොට කෙනෙක් දැක්කාමයි.

: 0 2

Himali Thursday, 16 January 2025 03:34 PM

ජෙබයියන්ගේ සිංහයා. ගැම්මට පයට කිලෝමීටර බරගාණක්...

: 0 2