(ජේ.කේ.එල්.චාමින්ද)

ළමා අපයෝජන  සම්බන්දයෙන්  1929 ළමා උපකාරක  දුරකථන  සේවාව වෙත  ඉකුත් වර්ෂයේ දි (2024) ඇමතුම් 29,667ක් ලැබි තිබු අතර ඉන් මහජන පැමිණිලි වශයෙන්  ඇමතුම් 7362ක් ලැබි ඇති බැව් කාන්තා හා ළමා කටයුතු අමාත්‍යංශය සම්බන්දයෙන් 2024 වර්ෂයට අදාළව නිකුත්කොට ඇති ප්‍රගති වාර්තාවේ සදහන් වේ.

මින් වැඩිම මහජන පැමිණිලි සංඛ්‍යාවක්  ලැබි ඇත්තේ  භාරය හා ආරක්ෂාවට අදාළ පැමිණිලි වන අතර එම සංඛ්‍යාව 2,756කි.  කෲරත්වයට අදාළ  පැමිණිලි 1,950ක් ලැබි තිබු අතර  අනිවාර්යය අධ්‍යාපනය කඩවිම හෝ  ඊට අදාළ පැමිණිලි  1,628ක් ලැබි තිබුණි.

 ළමා ශ්‍රමයට අදාළව ලැබි  තිබු පැමිණිලි සංඛ්‍යාව 165කි. ළමා උපකාරක  දුරකථන  සේවාව පවත්වාගෙන යාම සදහා  ඉකුත් වර්ෂයේ දි  රුපියල් මිලියන 0.649ක වියදමක් දරා තිබු බවද මෙම වාර්තාවේ සදහන් වේ.