(චාපා මධුභාෂිණි)

හබරණ කිතුල්උතුවේ කුඹුරක පැල් රකිමින් සිටියදි විදුලි සැරවැදීමෙන් මියගිය මව සහ පුතා වෙඩි තබා තියුණු ආයුදයකින් පහරදි ඝාතනය කර ඇති බවට මූලික පරීක්ෂණවලින් හෙළි වූ බව හබරණ පොලිසිය කියයි.

මවට වෙඩි තබා 13 හැවිරිදි  දරුවාට තියුණු ආයුදයකින් පහරදුන් බවට සැකකර තරුණයකු ද අත්අඩංගුවට ගත් බව පොලිසිය කියයි. ඒ් සමග මෙරට නිෂ්පාදිත ගිනි අවියක්ද පොලිස් බාරයට ගෙන ඇත.

ඉකුත් 20 වැනි දා අලුයම මෙම මව සහ පුතා පැල් රකිමින් සිටියදි අලුයම දැඩි ලෙස පිළිස්සී මියගොස් සිටියදී සොයාගත් අතර ඒය විදුලි කාන්දුවක් හේතුවෙන් සිදු වූ මරණයක් බවට සැක කළේය.

වෙඩි තැබීමකින් හා තියුණු ආයුධයකින් පහරදි මෙම මරණ සිදුව ඇති බවට පශ්චාත් මරණ පරීක්ෂණයේදී අනාවරණය වීමත් සමග මෙම තරුණයා අත්අඩංගුවට ගෙන ඇත.