(යොහාන් භාසුර)
තිස්වසරක් මෙරට ලෙයින් නෑවූ කුරිරු එල්ටීටීඊ ත්රස්තවාදය පරාජය කරමින් ශ්රී ලංකාව මාතාවට නිදහස ගෙන ඒම සඳහා දිවිපිදූ රණවරුවන් සැමරීමේ ‘15 වැනි ජාතික රණවිරු සැමරුම් උත්සවය’ බත්තරමුල්ල ජාතික රණවිරු ස්මාරකය අසළදී අද (19) පස්වරුවේ පැවැත්විණි.
එල්ටීටීඊ ත්රස්තවාදයෙන් ශ්රී ලංකාව නිදහස් කරගත් දින වන 2009 වසරේ මැයි මස 19 වැනිදා අනුස්මරණය කරමින් ‘විජයග්රහණයේ සැමරුම’ ලෙස මෙම වාර්ෂික උත්සවය අග්රාමාත්ය දිනේෂ් ගුණවර්ධන මහතාගේ ප්රධානත්වයෙන් පැවැත්විණි.
ආබාධිත රණවිරුවන්, විශ්රාමික රණවිරුවන් සහ දිවිපිදූ රණවරුවන්ගේ ඥාතීන් ඇතුළු ත්රිවිධ හමුදාව සහ පොලිසිය නියෝජනය කරන පිරිස පෙළපාලියකින් සැමරුම් උත්සව භූමිය වෙත පැමිණියහ.
විරෝධාර රණවරුවන් සිහිකරමින් විනාඩියක නිශ්ශබ්දතාවක් පැවැත්වීමෙන් පසුව බෙරවාදන ශිල්පීන් සියයට අධික පිරිසකගේ සහභාගිත්වයෙන් රණවිරුවන් සමරමින් ‘රණබෙර වාදනයක්’ පැවැත්වීය.
අග්රාමත්ය දිනේෂ් ගුණවර්ධන මහතා රණවරු ස්මාරකයට පුෂ්ප උපහාර දැක්වූ අතර යුද ජයග්රහණයේ සේනාධිනායකයා වන හිටපු ජනාධිපති මහින්ද රාජපක්ෂ සහ කථානායක මහින්ද යාපා අබේවර්ධන මහතා ඇතුළු විශේෂ ආරාධිතයෝ ස්මාරකයට පුෂ්ප උපහාර දැක්වූහ.
එල්ටීටීඊ ත්රස්තවාදය පරාජය කිරීම සඳහා ත්රිවිධ හමුදාවේ ප්රධානීන් ලෙස අති විශිෂ්ට සේවයක් කළ හිටපු යුද හමුදාපති ෆීල්ඩ් මාෂල් සරත් ෆොන්සේකා, හිටපු නාවික හමුදාපති අද්මිරාල් ඔෆ් ද ෆ්ලීට් වසන්ත කරන්නාගොඩ සහ මාර්ෂල් ඔෆ් ද එයාර් ෆෝස් රොෂාන් ගුණතිලක යන මහත්වරු මෙන්ම වර්තමාන ත්රිවිධ හමුදාපතිවරු ඇතුළු ආරක්ෂක අංශ ප්රධානීහූ ද රණවිරු ස්මාරකයට පුෂ්ප උපහාර දැක්වූහ.
යුද්ධයේදී දිවිපිදූ රණවරුවන්ගේ මව්වරු, පියවරු, බිරින්දෑවරු සහ දරුවන් ඇතුළු ඥාතීන් රණවිරු ස්මාරකයට පුෂ්ප උපහාර දැක්වූ අවස්ථාව වඩාත් සංවේදී අවස්ථාවක් විය.
එහිදී ඇතැම් රණවරුවන්ගේ මව්වරු සිය දරුවාගේ නම රණවිරු ස්මාරකයේ සටහන් කර තිබූ ස්ථානය වර්ෂාව මධ්යයේ සෙවූ ආකාරය බොහෝ දෙනාගේ අවදානයට ලක්වූහ.
එල්ටීටීඊ ත්රස්තවාදය පරාජය කිරීමේ දැවැන්ත මෙහෙයුමේ කොටස්කරුවන් වන දැනට සේවයේ නියුතු සහ විශ්රාමික ත්රිවිධ හමුදාවේ සහ පොලිසියේ ප්රධානීන් රැසක් ද එම අවස්ථාවට සහභාගි වී සිටියහ.
ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් සහ ජනාධිපති කාර්ය මණ්ඩල ප්රධානී සාගල රත්නායක යන මහත්වරු ඇතුළු මැති ඇමතිවරු සහ පාර්ලිමේන්තු මන්ත්රීවරු ද විශාල සංඛ්යාවක් මෙම අවස්ථාවට සහභාගි වූහ.
(ඡායාරූප: ළහිරු හර්ෂණ)
පොලිස්පතිවරයා පත් කළ ආකාරය සම්බන්ධයෙන් විපක්ෂ නායක සජිත් ප්රේමදාස මහතා ආණ්ඩුක්රම ව්යවස්ථා සභා රැස්වීමේදී අද (26) සිය විරෝධය පළ කර ඇතැයි වාර්තාවේ.
මෙරට ආර්ථිකය නිවැරදි මගකට යොමු කෙරෙන ආර්ථික පරිවර්තන පනත් කෙටුම්පත සම්මත කර ගැනිමට සහාය වූ පාර්ලිමේන්තුවේ සියලු දේශපාලන පක්ෂ වෙත සිය ස්තුතිය පළ කරන බ
දෙමළ ජාතික සන්ධානය ජනාධිපතිවරණයට අපේක්ෂකයකු ඉදිරිපත් නොකරන බව එහි පාර්ලිමේන්තු මන්ත්රී නීතිඥ එම් .ඒ සුමන්තිරන් මහතා පැවසීය.
ශ්රේෂ්ඨාධිකරණය මගින් ලබා දෙන නියෝග ක්රියාත්මක කිරීමට රටේ ජනාධිපතිවරයා හා ව්යවස්ථායකය බැඳී සිටිනවා , පාර්ලිමේන්තු වරප්රසාදවලට මුවා වී එම අධිකරණ
කැබිතිගොල්ලෑව විහාර හල්මිල්ලෑව ගමේ ’’මහ කාඩිගල’’ වැව යටතේ ඇති කුඹුරු යායට පාරක් නොමැති නිසා ගොවීන් දැඩි දුෂ්කරතාවයන්ට මුහුණ දෙන බව මහා කාඩිගල කුඹුර
රටේ තරුණ පරපුර වෙනසක් ඉල්ලා ගාලුමුවදොර අරගලයක් කළ බවත් ඔවුන් ඉල්ලා සිටින වෙනස ලබාදීමට තමන් ඉදිරිපත්ව සිටින බවත් පාර්ලිමේන්තු මන්ත්රී සරත් ෆොන්සේකා
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
රණවිරු සැමරුම් උළෙලින්
Sanka Sunday, 19 May 2024 11:28 PM
ඉතාම අනුවේදනීය ඡායාරූපය තමයි කුඩය අල්ලා ගෙන තම දරුවාගේ නම හොයන තාත්තා. එය විතරක් පල කරානම් ඇති.
Indhika Monday, 20 May 2024 06:54 AM
ඡන්ද කැඩෙයි කියල මඟ හැරලා.
Upul Monday, 20 May 2024 01:27 PM
ජනාධිපතිතුමා මැදචච්චි ගිහිල්ලාද ?