යාපනයේ පාරක් වසර 34කට පසු මහජනයාට විවෘත වෙයි

( රොමේෂ් මධූෂංක)

යුද්දය හේතුවෙන් අධිආරක්ෂිත කලාපයක් වශයෙන් නම් කොට තිබූ පලාලි පේදුරුතුඩුව මන්සන්ධිය දක්වා වූ මාර්ගය වසර 34 කට පසුව අද (10) දින සාමාන්‍ය ජනතාවගේ ගමනාගමනය වෙනුවෙන් විවෘත කිරීමට යුදහමුදාව විසින් පියවර ගෙන තිබුණි.

යපනය පලාලි ප්‍රධාන මාර්ගයේ පිහිටි වාසවිලාන් මන්සන්ධියේ සිට පේදුරුතුඩුව පොන්නාලෙයි මන්සන්ධිය දක්වා ඇති කිලෝ මීටර් දෙකහමාරක දුර මාර්ගය මෙසේ විවෘත කෙරිණි.

පලාලි යුදහමුදා කඳවුරේ ඇති අධිආරක්ෂිත කලාපය හරහා ඇති මෙම මාර්ගය විවෘතව තැබීමෙන් ජනතාවගේ ගමනාගමන කටයුතු ඉතා පහසු වෙයි.

කෙසේ වෙතත් විවෘත කරන ලද මාර්ගයේ ගමන් කරන මගීන්ට පිලිපැදිය යුතු කොන්දේසි 07ක් පමණ යුද හමුදාව විසින් දැනුම් දී ඇත. මාර්ගය විවෘතව පවතින්නේ උදෑසන 06 සිට සවස 5 දක්වා කාලය දක්වා පමණි.

අදහස් (6)

යාපනයේ පාරක් වසර 34කට පසු මහජනයාට විවෘත වෙයි

මුදිත් Thursday, 10 April 2025 09:49 AM

අධිආරක්‍ෂිත ප්‍රදේශවලට සිවිල්වැසියන්ට ඇතුල්වෙන්න අවසර තියෙනවා කියල අහල පුදුම හිතුන !!

: 44 7

Kanishka RashanthaThursday, 10 April 2025 10:53 AM

යුද්ධයක් නැතුව High Security Zones කියලා ලේබල් ගහගෙන ඉන්න එක තේරුමක් නෑ නේ...අනික සිංහල මිනිහට කොළඹ තියෙන High Security Zones open කරා නම් යාපනේ ඉන්න දෙමළ මනුස්සයටත් ඒවා open වෙන්න ඕනේ.....

: 5 35

Ahith Thursday, 10 April 2025 11:02 AM

ලංකාව ඉන්දියාව සමග යහපත් දේශපාලන සම්බන්ධතා පවත්වන තාක් ලංකාවේ යුද්ධයක් ඇති වන්නේ නැත.ස්ථිරයි තීන්දුයි.

: 2 20

අරවින්ද මොණරවිල Thursday, 10 April 2025 11:23 AM

දැන් රටේ යුධ තත්වයක් නැති නිසා කිසිම කොන්දේසියක් නැතුව ජනතාවට අයිති පාරවල් විවෘත කරන්න ඕනා, හමුදාව හා පොලීසියට හැකි විය යුතුයි ජනතාවට බදා නොවන ආකාරයට තමන්ගේ කදවුරු හා ස්ථාන ආරක්ෂා කර ගන්න.

: 4 18

Sarath Thursday, 10 April 2025 12:57 PM

යුද්ධය නතර කලේ අනුරද ?ඕපන් කරන්න

: 12 1

සෙනෙවිරත්න Thursday, 10 April 2025 02:03 PM

සරත්, ඉතින් යුද්ධය ඉවර කළා කියලා රටම සුද්ද කරපු කෙනාට කියන්න ඕක විවෘත කරන්න කියලා, අද පාරක බැහැලා යන්න බැරි හේතුව හංගන්න බැහැනේ...

: 0 5