(ප්රසාද් රුක්මල් සහ පාලත ආරියවංශ )
හාලිඇල බෝගොඩ පිහිල්ලේ දිය කදුරෙන් එගොඩවීමට ගිය සිගිති අයියා නගෝ දෙදෙනකු අද (23) පස්වරුවේ සැඩදියපහරකට හසුව ගසාගෙන ගොස් අතුරුදහන්ව ඇතැයි හාලිඇල පොලිසිය පවසයි .
මෙසේ සැඩදියපහරකට හසුව ගසාගෙන ගොස් අතුරුදහන් ව ඇත්තේ හාලිඇල බෝගොඩ කොකටියමලුව ප්රදේශයේ පදිංචිව සිටි බෝගොඩ මහ විදුහලේ 5 වසරේ ඉගෙනුම ලබන බෝදිපක්ලාෂගේ යසිදු (10) සහ 2ශ්රේණිය ඉගෙනුම ලබන රශ්මි නිතීකා (7) යන අයියා නගෝ දෙදෙනා බවද පොලිසිය කීය .
අද (23) පස්වරුවේ පතිත වූ ධාරානිපාත වර්ෂාවත් සමඟ මොවුන් දෙදෙනා නිවසේ සිට පිහිල්ලේ කදුරට එගොඩගොඩේ නිවසක සිටි මව සොයා ගොස් ඇතැයි පොලිසිය පැවසීය .
දෙදෙනා පිහිල්ලේ දිය කඳුරට බැස එගොඩවීමට ගිය අවස්ථාවේ එක්වරම ගලා ආ සැඩදිය පහරකට හසුව ගසාගෙන ගොස් ඇති බවත් පොලිසිය සදහන් කළේය .
සැඩපහරේ ගසාගෙන ගිය දරුවන් දෙදෙනා ගම්වාසීන් සොයා බැලීමේදී ඔවුන් දෙදෙනා සැඩදියපහරකට හසුවූ ස්ථානයේ සිටි මීටර් 100ක පමණ දුරකින් දියකදුරේ අයිනේ රැදී තිබූ කුඩයක්, සරමක්, සෙරෙප්පු යුගළක් හමුවූ බව පොලිසිය පවසයි .
මෙම සිගිති දරුවන් දෙදෙනා මව සමඟ නිවසේ සිට ඇති අතර පියා කොළඹ ප්රදේශයේ රැකියාවක් කරන බවද පොලිසිය පැවසීය .
සැඩපහරේ ගසාගෙන ගිය සිගිති දරුවන් දෙදෙනා සෙවීමේ කටයුතු මේ වනවිටත් හාලිඇල පොලිසියේ නිලධාරීන් ගම්වාසීන් එක්වී ආරම්භ කර ඇති බවත් උසස් පොලිස් නිළධාරියෙක් කීය.
පවතින වර්ෂාවත් සමඟ පිහිල්ලේ දිය කදුරේ ජල පහර වැඩිහෙයින් අදුරේ සෙවීමේ කටයුතු සිදු කිරිම අපහසු බවද සදහන් කළේය .
බදුල්ල ජ්යෙෂ්ඨ පොලිස් අධිකාරි සුජිත් වෙදමුල්ල, පොලිස් අධිකාරි පී. එම්. ජයරත්න යන මහත්වරුන්ගේ උපදෙස් මත හාලිඇල පොලිස් ස්ථානාධිපති පොලිස් පරික්ෂක රුවන් ගුණතිලක මහතා ඇතුලු නිලධාරීහු වැඩිදුර පරික්ෂණ පවත්වති .
ශ්රී ලංකාවේ ග්රාමීය ප්රජාවගේ ගෘහ ආශ්රිත ගොවිතැන වැඩිදියුණු කිරීම සඳහා වන ගිවිසුමක් ජනාධිපති කාර්යාලයේදී අත්සන් තැබිණි.
අපහාසාත්මක හා අපකීර්තිමත් වීඩියෝවක් නිර්මාණයකර සමාජ මාධ්ය මගින් ප්රචාරය කළ තිදෙනකුට එරෙහිව යුධ හමුදාපති විකුම් ලියනගේ මහතා කොළඹ ප්රධාන මහේස්ත්
ජාඇල ඒකල ප්රදේශයේ ඇලුමිනියම් ආශ්රිත නිෂ්පාදනා ආයතනයක ඇතිවූ හදිසි ගින්නක් හේතුවෙන් එම කම්හලට මහත් හානියක් සිදුවී ඇතැයි ජාඇළ පොලිසිය කියයි.
රුසියාවේ සහ යුක්රේනයේ කඳවුරු වල රැකියා දෙන බව කියා එම රටවලට රැගෙන ගිය හිටපු හමුදා භටයන් හයසීයකට අධික පිරිසක් බලහත්කාරයෙන් යුද්ධයට යොමු කර ඇතැයි කුරු
ණය ගෙවීම ප්රමාද වන සහ පැහැර හරින පුද්ගලයන්ගේ දේපළ වෙන්දේසි කිරීමට බැංකු ඇතුළු මූල්ය ආයතන වලට බලය ලැබෙනපරාටේ නීතිය තාවකාලිකව අත්හිටුවන ‘බැංකු මඟින්
මහ බැංකුව පිහිටුවා ඇත්තේ ලාභ ලැබීමේ අරමුණින් නොවේ. මහ බැංකුව නියාමනය සහ ප්රතිපත්ති ක්රියාත්මක කරන රාජ්ය ආයතනයක් යැයි මහ බැංකු අධිපති ආචාර්ය නන්දල
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මහවැස්සේ අම්මා සොයාගිය අයිය-නගෝ ගසාගෙන යති
චමින්ද Thursday, 23 March 2023 09:16 PM
මෙහෙම වැස්සක් තියෙද්දී කුඩාම දරුවො දෙන්නෙක් නිවසේ තනිකර අම්මා වෙනත් ගෙදරක ඕපදූප කියෙව්වම මතක් වෙනවා ගුත්තිල කාව්යයේ තියෙන නොදනිත් දරුවන් ඇකයෙන් වැටුනා කියලා
අතුල කුමාරFriday, 24 March 2023 12:25 PM
චමින්ද මේ දරුවන්ගේ අම්මා දරුවන් ජිවත් කරවන්න කුලි වැඩකට ගිහින් තියෙන්නේ. මේ රටේ ගම්වලට ගියාම දුක් විදින මිනිසුන් ගැන චමින්ද දැන ගන්න පුළුවන්. දරුවන් ඉඳලා තියෙන්නේ ආච්චි අම්මත් එක්ක. අම්ම නැති නිසා මේ දරුවන් දෙන්නා යන්න ඇති. පවු අහින්සක ජීවිත
miyuru Thursday, 23 March 2023 09:44 PM
සීතලයි නේද මගේ පුතේ දුවේ
අනේ අපොයි...උඹල දෙන්නට නිවන් සුව පතනවා පැටවුණේ. Friday, 24 March 2023 04:02 AM
අනේ අපොයි...උඹල දෙන්නට නිවන් සුව පතනවා පීං මදි දරුවෝ දෙන්නටම පීං වැඩිවෙන්නට මාත් පීං කමක් කරල පීං දෙන්නම් පැටවුණේ..
C.K.Lankaputhra Friday, 24 March 2023 07:15 AM
කුඩා දරුවන් අත දරුවන් සම්බන්ද දැඩි ශෝක ජනක සිද්ධීන් ඉතාමත් බහුලව මේ රටේ දැන් දැන් වැඩිවෙමින් පවතින බවයි මටනම් පෙනෙන්නෙ. මේවා කියවන බලන මට හැමවෙලාවෙම මට හිතෙන්නෙ මම කරපු ලොකු පාප කර්මයක් නිසා වෙන්නැති මම මේ රටේ ඉපදුනේ කියලයි.
Mahesh Friday, 24 March 2023 08:06 AM
පොඩි දරුවෝ තනියම ගෙදර දාල යන්න හොඳ නැහැනේ. අනික වැස්ස වෙලාවේ. අම්මා කුමක් හෝ හදිස්සි වැඩකට ගියාද කියන්නත් බෑ. කෙසේ වෙතත් දරුවන්ට කරදරයක් වෙලා තියෙන්න එපා.
සුන්දරා Friday, 24 March 2023 09:14 AM
ධරානිපාත වැස්සක් තියෙද්දී මොන අම්මටද දරුවො අමතක වෙන්නෙ කියන්න දැන් ඉතින් ජීවිතාන්තය දක්වාම මැරි මැරී තමයි ඉන්න වෙන්නෙ
රන්ජා Friday, 24 March 2023 09:52 AM
එන්න අපි ලොක්කන්ට යන්න සැහැල්ලු දුම්රිය හදමු/
සංජීව Friday, 24 March 2023 01:45 PM
දුම්රිය දෙපාර්තමේන්තුව සතුව ඕනෑතරම් පැරණි දුම්රිය පීලි දුම්රිය මැදිරිවල චැසි වැනි ඉතා පහසුවෙන් කුඩා පාලම් සඳහා යොදා ගතහැකි අබලි යකඩ තිබෙනවා. යුදහමුදා මහතුන්ගේ සහයෙන් මේවා යොදාගෙන ග්රාමීයව ඇති මෙවන් අනාරක්ෂිත ස්ථාන සඳහා කුඩා පාලම් ඉදිකල නොහැකිද?