(අමදෝරු අමරජිව)

ත්‍රිකුණාමලය බුදු පිළිම සිද්ධිය සම්බන්ධයෙන් රිමාන්ඩ් බාරයේ සිටි බළංගොඩ කස්සප හිමි ඇතුළු භික්ෂූන් වහන්සේ සිවු නම සහ සෙසු සැකකරුවන් හය දෙනා එක් අයකුට මුදලින් රුපියල් දහදහස බැගින් වූ  ඇප සහ රුපියල් ලක්ෂ 10 ශරිර ඇප දෙකක් මත මුදා හරින්නැයි ත්‍රිකුණාමලය මහාධිකරණ විනිසුරු එන්.එම්.එම්. අබ්දුල්ල මහතා නියෝග කළේය. 

මෙසේ ඇප නියම වූයේ නැගෙනහිර භික්ෂු පෙරමුණේ සභාපති ෙය බළන්ගොඩ කස්සප, ත‍්‍රිකුණාමලය සම්බුද්ධ ජයන්ති විහාරාධිපති ත‍්‍රිකුණාමලයේ කල්‍යාණවංශ තිස්ස, ත‍්‍රිකුණාමලය නගර හා කඩවත් ශාසනාරක්ෂක බල මණ්ඩලයේ ලේඛකාධිකාරී නිලාවේලි බොරලූකන්ද රජමහ විහාරාධිකාරී ත‍්‍රිකුණාමලයේ සුඛිතවංස තිස්ස, ත‍්‍රිකුණාමලය සිරිමාපුර ආනන්දාරාම විහාරවාසී ත‍්‍රිකුණාමලයේ නන්ද යන හිමිවරු හා සම්බුද්ධ ජයන්ති විහාරයේ දායක සභාවේ ලේකම් විදුරංග ලොකුගලප්පත්ති, සිංහල සංවිධාන එකමුතුවේ කැඳවුම්කරු දුලාර ගුණතිලක, ත‍්‍රිකුණාමලය එක්සත් ජාතික පක්ෂ සංවිධායිකා එම්.එච්. දීපානි, ඩික්මන් ජයරත්න, එම්.සී. පියල් හේමසිරි, ලියනගේ තිලක් පෙරේරා නමැත්තන්ටය.