(නිමන්ති රණසිංහ සහ බිමල් ශ්යමන් ජයසිංහ)
නාරාහේන්පිට පෞද්ගලික රෝහල් පරිශ්රයෙන් හමු වූ අත් බෝම්බයේ ආරක්ෂිත ඇණය ගලවා දැල්වෙන මදුරු දඟරයක අමුණා පසුව පුපුරායන ලෙස සකස් කර තිබූ බව මූලික විමර්ශනවලදී අනාවරණය වී ඇතැයි පොලීසිය සඳහන් කරයි.
නාරාහේන්පිට ලංකා රෝහල් පරිශ්ර යේ තිබී අද දහවල් මෙම අත්බෝම්බයක් සොයා ගෙන තිබුණි.
එම රෝහලේ ප්රධාන ආරක්ෂක නිලධාරීයකු වන හිටපු ගුවන් හමුදා වින්ග් කමාන්ඩර්වරයා විසින් මේ දැනුම් දෙනු ලැබූ බව පොලීසිය සඳහන් කරයි.
රෝහලේ පළමු මහලේ වැසිකිළියක් තුළ හොඳින් පෙනෙන පරිදි තබා තිබී ඇති මෙම අත් බෝම්බය සම්බන්ධයෙන් ලද තොරතුරට අනුව එහි ප්රධාන ආරක්ෂක නිලධාරියා එය රෝහලේ පිටත පිහිටි ගරාජයකට ගෙනගොස් වෙන්ව තබා තිබූ බවද පොලිසිය පවසයි.
එම ස්ථානයට ගිය නාරාහේන්පිට පොලීසිය අදාළ අත්බෝම්බය සම්බන්ධයෙන් විමර්ශනය කිරීම සඳහා පොලිස් විශේෂ කාර්ය බලකායේ බෝම්බ නිශ්ක්රිය අංශය කැඳවා තිබුණි .
ඒ අනුව එම ස්ථානයට පැමිණි පොලිස් විශේෂ කාර්ය බලකායේ බෝම්බ නිශ්ක්රිය අංශය, මෙම අත්බෝම්බය සක්රීය මට්ටමේ ඇති එකක් නොවන බවට හඳුනාගෙන ඇත .
සිද්ධිය සැලවීමත් සමග බස්නාහිර පළාත භාර ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් මහතා ඇතුළු නිලධාරීන් කණ්ඩායමක් ද එම ස්ථානයට ගොස් නිරීක්ෂණය කර ඇත.
මෙම සම්බන්ධයෙන් රෝහලේ සේවය කරන පුද්ගලයකු, සිදුවීම ඇසින් දුටුවකු සහ තවත් අයකුගෙන් ප්රශ්න කළ බවද පොලීසිය පවසයි.
මෙම අත්බෝම්බය රෝහල් පරිශ්රයට ගෙනවිත් දමා ඇත්තේ කවුරුන් ද යන්න සම්බන්ධයෙන් මේ වන විට කොළඹ අපරාධ කොට්ඨාසය නාරාහේන්පිට පොලීසිය සමග එක්ව සීසීටීවී කැමරා දර්ශන ආශ්රයෙන් පුළුල් විමර්ශනයක් ආරම්භ කර ඇති බව සඳහන් වේ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
පෞද්ගලික රෝහලෙන් හමු වූ අත් බෝම්බය ගැන අලුත් හෝඩුවාවක්
chandima Tuesday, 14 September 2021 09:52 PM
එකත් එකටම අරයගෙ මොලේ වෙන්න ඇති.?
Nihal Wednesday, 15 September 2021 04:03 AM
දැන් නම් පරමාණු බෝම්බ පිපිරුම් කලත් ඡන්දෙ දෙන්නෙ නෑ
Chathu Wednesday, 15 September 2021 07:37 AM
ජාතිවාදී නාට්යයක පලවෙනි කොටස
fairoos Wednesday, 15 September 2021 01:28 PM
ඒකනේ අපේ බුද්ධි අංශ ප්රධානී ඥාණසාර හාමුදුරුවන් හෙළිකලේ...
sampath Wednesday, 15 September 2021 10:20 PM
පුද්ගලික රෝහලේ බිල ගෙවා ගන්න බැරිව දිවි නසාගන්න ගෙනල්ලද දන්නේ නෑ