(අජිත්ලාල් ශාන්තඋදය)
රත්නපුර ශික්‍ෂණ රෝහලේ ප‍්‍රතිකාර ලබාමින් සිටිය දී මියගිය කුරුවිට පාතගම ප‍්‍රදේශයේ කාන්තාවකගේ සිරුර නිවසට රැගෙනවිත්  පැය කිහිපයකට පසු පොලිසියේ සහ  සෞඛ්‍ය අංශ නිලධාරීන් මැදිහත්ව එම සිරුර රාත්‍රියේම  සැල්ල ආදාහනාගාරයේ දී ආදාහනය කළ බව පොලිසිය කුරුවිට කියයි.

මෙම මව කිසියම් වෙනත් අසනීප තත්ත්වයකට රෝහලට ඇතුළත් කිරීමේ දී කළ රැපිඞ් ඇන්ටින් වාර්තාවෙන් කෝවිඩ් 19 ආසාදිත නොවන බවට තහවුරු වී ඇත. එම වාර්තාව අනුව ඇය ඇය වාට්ටුවකට ඇතුළත් කර ප‍්‍රතිකාර ලබාදී තිබේ.

ඒ අතර තුර ඇය මියගොස් ඇත.  මළ සිරුර ද පීසීආර් පරික්‍ෂණයකට යොමු කර ඇති අතර   එම වාර්තාවේ ප්‍රතිඵල නිකුත් වන්නට පෙර හදිසි මරණ  පරීක්‍ෂණයක් ද පවත්වා සිරුර අයිතිකරුවන්ට බාරදී ඇති බව ද පොලීසිය කියයි.
පසුව මල්ශාලාවකට සිරුර බාරදී එහි කටයුතු අවසන් කටයුතු කර සිරුර පාතගම, දුම්මලේගොඩ නිවසට රැගෙන යන අතර තුර ලැබුණු පී.සී.ආර් වාර්තාවට අනුව ඇයට කෝවිඩ් - 19 වයිරසය ආසාදනය වී ඇති බවට තහවුරු වී ඇත.

වහාම ක්‍රියාත්මක වූ පොලිසිය මියගිය තැනැත්තියගේ ඥාතීන් දැනුවත් කර රාත‍්‍රීයේම සිරුර ආදාහනය කිරිමට සෞඛ්‍ය බලධාරීන් පියවර ගෙන තිබුණි.
මියගිය කාන්තාව රෝහල්ගතවීමට පෙර කුරුවිට නගරයේ පදිංචි රත්නපුර මහ රෝහලේ සේවය කරන වෛද්‍යවරියකගේ නිවසේ නැවතී සිටි බවට තොරතුරු ලැබි මෙන් පසු එම වෛද්‍යවරිය ඇතුලූ පළමු පෙළ ආශ්‍රිතයන් නිරෝධායනයට යොමු කර ඇත.