( බිමල් ශ්‍යාමන් ජයසිංහ)

යතුරුපැදියකින් පැමිණි  නාඳුනන  පුද්ගලයන් දෙදෙනකු බණ්ඩාරගම මැදගම හඳුන්වැන්න ප්‍රදේශයේදී පොලිසියෙන් යැයි පවසා පලතුරු ව්‍යාපාරිකයෙකුට පිස්තෝල අවියක් පෙන්වා ඔහු සතුව තිබූ රුපියල් 150,000 ක මුදලක් කොල්ලකා පලා ගොස් ඇතැයි බණ්ඩාරගම පොලිසිය කියයි

ලුණුගම්වෙහෙර ප්‍රදේශයේ පදිංචි පලතුරු ව්‍යාපාරිකයා ඔහුට අයත් කුඩා ලොරියෙන්  එම ප්‍රදේශයේ සිට වාද්දුව ප්‍රදේශයේ  කෙසෙල් අලෙවි කිරීමට ඉකුත්  3 වෙනි දින පැමිණ ඇති බව පොලිසිය කියයි.

එම ව්‍යාපාරිකයා තනිවම ව්‍යාපාර කටයුතුවල  යෙදෙන අතර ඉකුත් 4 වෙනි දින මීට පෙර  කෙසෙල් අලෙවිය සිදු කරන ලද වෙළඳසැල සඳහා කෙසෙල් අලෙවි කර එම  මුදල්ද රැගෙන එදින බොරලැස්ගමුව ප්‍රදේශයට පිටව ගොස් එම ප්‍රදේශයේ වෙළඳසැල් සඳහා කෙසෙල් අලෙවි කර එම මුදල්ද රැගෙන වාද්දුව ප්‍රදේශයේ තම මාමාගේ නිවසේ රැය ගත කර ඇතැයි පොලිස් විමර්ශනවලදී අනාවරණයවී ඇත.

ඊයේ (5) උදෑසන බේරුවල සහ කළුතර ප්‍රදේශවල වෙළඳසැල් වලට කෙසෙල්කැන් අලෙවිකර  අනතුරුව සවස් යාමේ බණ්ඩාරම ප්‍රදේශයට පැමිණ කැස්බෑව  මාර්ගයේ මැදගම  හඳුන්වැන්න ප්‍රදේශයේ සිල්ලර  වෙළඳසැලක් ඉදිරිපිට ලොරිය නවතා එම වෙළඳසැලට කෙසෙල් අලෙවි කර පිටත්ව යාම සඳහා ලොරියට නැගීමත් සමගම කළු පාටට හුරු කබා පැළඳි පුද්ගලයන් දෙදෙනෙක් යතුරු පැදියකින් පැමිණ ලොරිය අසල නවතා ඇතැයි පොලිසිය කියයි

.