(අංජුල මහික වීරරත්න)

කිතුල්, පොල් සහ තල් කර්මාන්තයේ නිරත පිරිස් සඳහා රක්ෂණ යෝජනා ක්‍රමයක් හඳුන්වා දුන් බව කෘෂිකාර්මික හා ගොවිජන රක්ෂණ මණ්ඩලය පවසයි.

කිතුල්, පොල් සහ තල් කර්මාන්තයේ නියැලී සිටින පිරිසගේ රැකියා අවදානම සලකා බලා මෙම රක්ෂණ යෝජනා ක්‍රමය හඳුන්වා දී ඇත.

මෙම යෝජනා ක්‍රමය යටතේ රුපියල් 500,000, රුපියල් 1,000,000 සහ රුපියල් 2,000,000 යන රක්ෂිත ආවරණ මරණයකදී සහ පුර්ණ අකර්‌මණ්‍ය තාවයකදී හිමිවන අතර තාවකාලික අකර්මණ්‍යතා වලදී මෙන්ම හදිසි අනතුරු මඟින් රෝහල් ගත වීමේදී ද රක්ෂණ ආවරණ ලබා දෙන බව කෘෂිකාර්මික හා ගොවි ජන රක්ෂණ මණ්ඩලය කියයි.

මෙම රක්ෂණ ආවරණ සඳහා රුපියල් 2000 රුපියල් 4000 සහ රුපියල් 8000  ක වාර්ෂික වාරික මට්ටම් යටතේ දායක වීමට අවස්ථාව සලසා දීමට කෘෂිකාර්මික හා ගොවිජන රක්ෂණ මණ්ඩලය සැලසුම් කර තිබේ.