පන්දු යවන්නාගේ තෙල වැඩිවේ

(යොහාන් භාසුර)

වර්තමාන ශ්‍රී ලංකා ක්‍රිකට් පිටියේ ජ්‍යෙෂ්ඨතම වමතින් පාදඟ පන්දු යවන්නා වන ප්‍රභාත් ජයසූරියට ශරීරයේ මේද මට්ටම වැඩි වීමෙන් බංග්ලාදේශයට එරෙහිව ටෙස්ට් තරගාවලියේදී කණ්ඩායමේ ස්ථානය අහිමිවිය.

ඒ අනුව ප්‍රභාත් ජයසූරිය ශ්‍රී ලංකා ක්‍රිකට් ඉතිහාසයේ ශරීරයේ මේද මට්ටම වැඩි වීම හේතුවෙන් ජාතික කණ්ඩායමේ ස්ථානය අහිමිවූ දෙවැනි ක්‍රීඩකයා බවට පත්විය. මීට පෙර ඉදිරි පෙළ පිතිකරු භානුක රාජපක්‍ෂට මේ හේතුව මත කණ්ඩායමේ ස්ථානය අහිමි කළේය. ශ්‍රී ලංකා ක්‍රිකට් පරිපාලන කමිටු සභාපති වෛද්‍ය මහාචාර්ය අර්ජුන ද සිල්වා මහතා පැවසුවේ ශරීරියේ මේද මට්ටම වැඩි ක්‍රීඩකයන්ට ක්‍රීඩා කළ නොහැකි බවට තමන් නොකියන බවත් මෙය ශ්‍රී ලංකා ක්‍රිකට් ප්‍රතිපත්තිමය තීරණයක් බවත්ය.

ශරීරියේ මේද මට්ටම යනු ශාරීරික යෝග්‍යතාවයේම කොටසක් බවත් ක්‍රීඩකයන් ශාරීරික යෝග්‍යතාව පවත්වාගෙන යෑමට උනන්දු වීම අනිවාර්ය බවත් මහාචාර්ය අර්ජුන ද සිල්වා මහතා කීය.

ප්‍රභාත් එක්දින ජාත්‍යන්තර තරග දෙකකදී ශ්‍රී ලංකාව නියෝජනය කර ඇති අතර පළමු පෙළ තරග 57 කදී කඩුලු 207 ක් දවාගැනීමට සමත්ව තිබේ.

අදහස් (1)

පන්දු යවන්නාගේ තෙල වැඩිවේ

Mangala Friday, 16 April 2021 10:06 AM

ක්‍රීඩා ඇමති කන වල් ඌරුමස් වලට නගින කොලෙස්ටරෝල් වලට එයාව ධුරයෙන් අයින් කරන්නේ නැතිද?

: 14 21