(බිමල් ශ්‍යාමන් ජයසිංහ)

හොරණ රෝහල ඉදිරිපිට නවතා තිබූ ත්‍රී රෝද රථයක්  හිටි හැටියේ ගිනිගැනීමටට ලක්විය.

තීරෝද රථයේ රියදුරු එහි ඉදිරිපස අසුන්ගෙන සිටියදී තීරෝද රථයේ පිටුපස පෙදෙසින් මෙම ගින්න හටගෙන තිබිණි.

එම ස්ථානයෙන් ගමන් ගත් පොලිස් නිලධාරීන් පිරිසක් ගින්න දැක රියදුරුට ඒ බව දැනුම් දී තිබිණි.

හොරණ නගර සභාවේ ගිනි නිවීමේ ඒකකයේ නිලධාරීන් පැමිණ ගින්න නිවා දැමීමට කටයුතු කළත් ත්‍රී රෝද රථය සම්පූර්ණයෙන් ගිනිගෙන විනාශ වී තිබිණි.

ගින්නට හේතුව කාර්මික දෝෂයක් වන්නට ඇතැයි සැක කෙරේ