(ජේ.ඉඳුරුවගේ)

තෙල්වත්ත තොටගමුවේ රන්පත් විහාරස්ථ වාර්ෂික  මිහිඳු පෙරහැර ගමන් කිරීම සඳහා අද (13) දින පස්වරු 1.00 සිට ගාලු කොළඹ මාර්ගයේ කොටසක්  භාවිතා කරන බැවින්  වාහන ගමනාගමනයේදී එම  මාර්ගයේ  කහව සිට කුමාරකන්ද අතර වාහන ගමනාගමනයට විකල්ප මාර්ග භාවිතා කරන මෙන් පොලීසිය මහජනතාවට දැනුම් දෙයි.

ඒ අනුව කොළඹ දෙසින් ගාල්ලට ගමන් ගන්නා වාහන කහව, මීටියාගොඩ, කිරලගහවෙල,අලුත්වල,ගෝනාපිනුවල හරහා කුමාරකන්දෙන් ගාලු පාරට පිවිස  හෝ ගෝනාපිනුවල සිට  හික්කඩුව මාර්ගයෙන් ගාලුපාරට පිවිසීමෙන් ගමන් කළ හැකි බව පොලීසිය දැනුම් දෙයි.

 ගාල්ලෙන් කොළඹ දෙසට යන වාහන එම මාර්ග සටහනේ ප්‍රතිවිරුද්ධ දෙසට  ගමන් කළ හැකි බවත් පොලීසිය කියයි.