(ශ්‍රීනාත් ප්‍රසන්න ජයසූරිය, ඉන්දිකා රාමනායක සහ කේ බුද්ධික කුමාරසිරි)

අවිස්සාවේල්ල ඉහළතල්දූවේ දී අද අලුයම සිදු වූ වෙඩි තැබීමකින් දෙදෙනකු මියගොස් තවත්  දෙදෙනකු තුවාල ලබා ඇතැයි පොලිසිය කියයි.

තුවාල ලැබූවන්ගෙන් ඒ අයකුගේ තත්ත්වය බරපතල බව  රෝහල් ආරංචි මාර්ග පවසියි.

අවමංගල්‍ය උත්සවයකට සහභාගී වී ත්‍රිරෝද රථයකින් ගමන් කරමින් සිටියදී මෙම වෙඩි තැබීම සිදුව තිබේ.

යතුරු පැදියකින් ආ දෙදෙනකු ටී.56 ගිනිඅවියකින් මෙම වෙඩි ප්‍රහාරය එල්ල කර පළාගොස් ඇති අතර වෙඩි ප්‍රහාරයට හේතුව මෙතෙක් අනාවරණය වී නොමැත.

වෙඩි පහරට ලක්ව මෙලෙස මියගොස් ඇත්තේ අංක 248/1 පරණ දුම්රිය පාර, තල්දූව අවිස්සාවේල්ල ලිපිනයේ පදිංචි කොට්ටාල බද්ද විදානලාගේ ධනුෂ්ක ප්‍රේමලාල් නැමති 38 හැවිරිදි පුද්ගලයෙක් සහ අංක 437/9, දංගොල්ල පාර තල්දූව අවිස්සාවේල්ල ලිපිනයේ පදිංචි 27 හැවිරිදි මේන ගීගනගේ ඉෂාර මධුෂාන් නැමති පුද්ගලයකි.

(ඡායාරූප: කේ බුද්ධික කුමාරසිරි)