එසැණ පුවත්

මවන තරම් යකෙක් මෙතන නෑ

මවන තරම් යකෙක් මෙතන නැතැයි අධිකරණ අමාත්‍ය නීතීඥ හර්ෂණ නානායකාර මහතා පාර්ලිමේන්තුවේදී පැවසීය. හර්ෂණ නානායක්කාර මහතා මේ බව පැවසූයේ විපක්ෂ නායක සජිත් ප්‍රේමදාස මහතා 22 සංශෝධනය සම්බන්ධයෙන් පාර්ලිමේන්තුවේ දී ඇසූ ප්‍රශ්නයකට පිළිතුරු දෙමිනි.

ධීවර සංස්ථාවේ හිටපු සභාපති අත්අඩංගුවට

ලංකා ධීවර සංස්ථාවේ හිටපු සභාපති මහීල් සේනාරත්න අල්ලස් හෝ දූෂණ විමර්ශන කොමිසම විසින් මීට සුළු වේලාවක පෙර අත්අඩංගුවට ගනු ලැබීය.

දේශපාලනඥයන් සමූපකාරයේ දේපළ කොල්ල කාලා

දේශපාලඥයන් සමූපකාරයේ දේපළ පසුගිය කාලයේදී කොල්ලකා ඇතැයි වෙළඳ වාණිජ ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ මහතා පාර්ලිමේන්තුවේදී අද පැවසීය.

ඩිජිටල් වේදිකා සේවා සපයන්නන්ට හිමිව ඇත්තේ විශාල සහනයක්

ඩිජිටල් වේදිකා ඔස්සේ සේවා සපයන්නන් උපයන අදායම උපරිම සියයට 15 ක බද්දකට යටත් බවත් ඔවුන්ට හිමිව ඇත්තේ විශාල සහනයක් බැවින් ස්වේච්ඡාවෙන් අදාළ බදු මුදල ගෙවීම එම සේවා සපයන්නන්ගේ යුතුකම හා වගකීම බවත් දේශීය ආදායම් දෙපාර්තමේන්තුවේ අධ්‍යක්ෂ ජනරාල් නන්දන කුමාර මහතා ප්‍රකාශ කළේය.

කටාර් රාජ්‍යයෙදී මිය ගිය අය වෙනුවෙන් කෝටි අටක වන්දි ලැබිලා

මෙම වසරේ පළමු මාස හත තුළදී කටාර් රාජ්‍යයේදී මියගිය ශ්‍රී ලාංකිකයන් වෙනුවෙන් දෝහා තානාපති කාර්යාලය එරට අදාළ පාර්ශ්වයන්ගෙන් රුපියල් කෝටි 8 කට වැඩි මුදලක් වන්දි මුදල් ලෙස අයකරගෙන ඇතැයි විදේශ කටයුතු අමාත්‍යාංශය පසුගියදා ප්‍රකාශ කළේය.

සමිට්පුර චතූ කුදලන් එයි

ඕමානයේ සැගවී සිටි , සංවිධානාත්මක අපරාධ කල්ලි සාමාජිකයෙකු වන , කංකානමගේ දිමුතු චතුරංග පෙරේරා නොහොත් මෝදර චතූ නොහොත් සමිට්පුර චතූ නැමති අය , අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් , ඕමානයේ දී අත් අඩංගුවට ගෙන ,අද අලුයම දිවයිනට රැගෙන ආවේය.

අහිතකර ආහාර ජනප්‍රිය කරන්න හවුල් වෙන්නේ නෑ

සෞඛ්‍යයට අහිතකර ආහාර පාන ජනප්‍රිය කිරීමට තමන් හවුල් නොවන බව, බොලිවුඩ් සුපිරි නළු ෂාරුක් ඛාන් පවසා ඇත. ෂාරුක් ඛාන් පමණක් නොව, අජේ දෙව්ගන්, ටයිගර් ෂෙරොෆ් ද පවසා ඇත්තේ සෞඛ්‍යයට අහිතකර ආහාර පාන ජනප්‍රිය කිරීමට තමන් දායකත්වය ලබා නොදෙන බවය.

ඉම්රාන්ගේ පෙනීම යහපත්: බන්ධනාගාර බලධාරීහු පවසති

දූෂණ චෝදනා සම්බන්ධයෙන් වරදකරු වී බන්ධනාගාරගතව සිටින පාකිස්තාන හිටපු අග්‍රාමාත්‍ය ඉම්රාන් ඛාන්ගේ සෞඛ්‍ය තත්ත්වය යහපත් බවත්, ආබාධයට ලත්වුණු ඔහුගේ ඇසට නිසි ප්‍රතිකාර ලබා දුන් බවත්, දැන් එම ඇසේ පෙනීම යහපත් අතට හැරී ඇති බවත් බන්ධනාගාර බලධාරීහු පවසති.

ජනපති ට්‍රම්ප්ගෙන් ඕමානයට අනතුරු

ඇමෙරිකාවට එරෙහිව යන්නේ නම්, ඕමානයට බෝම්බ දමන බවට ඇමෙරිකන් ජනාධිපති ඩොනල්ඩ් ට්‍රම්ප් අනතුරු අඟවයි. ට්‍රම්ප්, ඕමානයට සෘජුව අනතුරු ඇඟවීමක් කළ දෙවැනි අවස්ථාව මෙය යැයි ද පැවැසෙයි.

පිලිපීන විශ්ව විද්‍යාලයක වෙඩි තැබීමක්

දකුණු පිලිපීනයේ විශ්ව විද්‍යාලයක සිදුවුණු වෙඩි තැබීමකින්, එක් සිසුවෙක් ජීවිතක්ෂයට පත්විය. වෙඩි තැබීම කළේ ද එම විශ්ව විද්‍යාලයේම ඉගෙනුම ලබන සිසුවෙකි. වෙඩි තැබීම සිදු කළ සිසුවා පසුව වෙඩි තබාගෙන දිවි නසා ගත්තේය.

සංචාරක සංවර්ධන අධිකාරියේ සභාපති ඉල්ලා අස්වෙයි

ශ්‍රී ලංකා සංචාරක සංවර්ධන අධිකාරියේ සභාපති ලෙස කටයුතු ඛල බුද්ධික හේවාවසම් මහතා සිය ධුරයෙන් ඉල්ලා අස්වි තිබේ.සිය ඉල්ලා අස්විමට අදාළ ලිපිය ඔහු අමාත්‍යාංශ ලේකම් මාර්ගයෙන් විෂයභාර අමාත්‍ය විජිත හේරත් මහතාට යොමුකර තිබේ.

වාහන අංක තහඩු ලක්‍ෂ 5 ක් තවමත් කොටඋඩ

මෝටර් වාහන අංක තහඩු මුද්‍රණය නතර කළ පසුගිය වසරේ (2025) මැයි මස 16 වැනිදා දිනයේ සිට මෙම වසරේ මාර්තු මස දක්වා ලියාපදිංචි කළ වාහනවල අංක තහඩු ලක්‍ෂ 5 කට ආසන්න සංඛ්‍යාවක් මුද්‍රණය කිරීමට තව දුරටත් මෝටර් රථ ප්‍රවාහන දෙපාර්තමේන්තුව අපොහොසත් වීමෙන් ජනතාව දැඩි අපහසුතාවට පත්ව තිබේ.

අල්ලස් ලබාගත් පොලිසියේ දෙකක් මාට්ටු

රුපියල් 20,000ක මුදලක් අල්ලස් ලෙස ලබා ගැනීමේ සිද්ධියක් සම්බන්ධයෙන් සයින්දමරුදු පොලිස් ස්ථානයට අනුයුක්තව සේවය කළ පොලිස් නිලධාරීන් දෙදෙනකු අල්ලස් හෝ දූෂණ විමර්ශන කොමිෂන් සභාවේ නිලධාරීන් කණ්ඩායමක් විසින් අත්අඩංගුවට ගෙන තිබේ.

අතුරුගිරියේ වෙඩි තැබීමක්

අතුරුගිරිය හබරකඩ ප්‍රදේශයේ නිවසක සිටි පුද්ගලයකු ඉලක්ක කර සිදු කළ වෙඩි තැබීමකින් එම පුද්ගලයා තුවාල ලබා රෝහල් ගත කර ඇතැයි පොලිස් මාධ්‍ය කොට්ඨාසයසඳහන් කරයි.

පාස්කු නඩුවේ විත්තිවාසික කැඳවීමට තීරණය කරයි

පාස්කු ඉරුදින කතෝලික පල්ලි හා තරු හෝටල් ඉලක්ක කරගෙන මරාගෙන මැරෙණ බෝම්බ ප‍්‍රහාරයක් එල්ල කර අහිංසක පුරවැසියන් 250කට අධික පිරිසක් මරුමුවට පත් කර තවත් විශාල පිරිසකට බරපතල තුවාල කිරීම සඳහා ආධාර අනුබලදීම සම්බන්ධයෙන් චෝදනා ලැබ සිටින මවුලවිවරුන් ඇතුළු 25 දෙනාගෙන් විත්තිවාසික කැඳවීමට කොළඹ ස්ථීර ත‍්‍රිපුද්ගල මහාධිකරණ මිනිසුරු මඩුල්ල අද තීරණය කළේය.

යුද- ගුවන්-නාවික පර්යේෂණ මධ්‍යස්ථාන ඒකාබද්ධ කරයි

දැනට යුද, ගුවන් සහ නාවික හමුදාව යටතේ පවතින සියලු පර්යේෂණ සහ සංවර්ධන මධ්‍යස්ථාන ඒකාබද්ධ කරමින් ජාතික මධ්‍යස්ථානයක් ස්ථාපිත කරන ලෙස ජනාධිපති අනුර කුමාර දිසානායක මහතා උපදෙස් දුන්නේය.

ඩොලර් බිලියනයක් රටින් පැන්නූ බැංකු හතරක කළමනාකරුවන් හතරක් රිමාන්ඩ්

ඇමෙරිකන් ඩොලර් බිලියනක මුදලක් නීති විරෝධී ආකාරයට රටෙන් පිට කිරීමේ සිද්ධියට අදාල මූල්‍ය අපරාධ විමර්ශන කොට්ඨාසය විසින් අත්අඩංගුවට ගෙන අධිකරණයට ඉදිරිපත් කළ මෙරට ප්‍රධාන පෙළේ බැංකු හතරක කළමනාකරුවන් සිව් දෙනා ලබන 20 වැනි දා තෙක් රිමාන්ඩ් බාරයේ රඳවා තබන්නැයි කොළඹ අතිරේක මහේස්ත්‍රාත් ලියාන් හර්ෂවිතාන මහතා නියෝග කළේය.

ජාතික නිවාස සංවර්ධන අධිකාරියේ සාමාන්‍යාධිකාරීවරයා අනිවාර්ය නිවාඩු

ජාතික නිවාස සංවර්ධන අධිකාරියේ සාමාන්‍යාධිකාරීවරයා අනිවාර්ය නිවාඩු යෑමට තීරණය කර ඇති බව එම අධිකාරියේ සභාපති ජේ. කේ. ඒ. සිරිනාත මහතා ලිඛිතව දැනුම්දී තිබේ.

‘‘22 ගේන්නේ ජනතාව දුන් ජනවරමට අනුවයි‘‘

ජනතාව දුන් ජනවරමට අනුවම ආණ්ඩුක්‍රම ව්‍යවස්ථාවේ 22 වැනි සංශෝධන පනත් කෙටුම්පත ගෙන එන බවත් නඩු කටයුතු කඩිනම් කර අධිකරණ පද්ධතිය කෙරෙහි ජනතා විශ්වාසය ගොඩනැඟීම මෙහි ප්‍රධාන අරමුණ බවත් ධීවර, ජලජ හා සාගර සම්පත් අමාත්‍ය රාමලිංගම් චන්ද්‍රසේකර් මහතා පැවසීය.

ජනාධිපතිට උපදෙස් දුන්නේ කවුද හෙළකරන්න

මහනුවර ඇසළ මංගල්‍ය හෙට ඇරැඹේ

මහනුවර ඓතිහාසික ශ්‍රී දළදා මාළිගාවේ පවත්වන ඇසළ මහා පෙරහරේ ,ප්‍රථම කුඹල් පෙරහර හෙට (18) වීදි සංචාරය කිරීමට නියමිතය.

ලංගම - පෞද්ගලික බස් ගැටුම පොලිසියට

හැටන් සිට හැටන් වැලිඔය දක්වා ධාවනය වන ලංගම බස් රථයට ගොඩ වූ පිරිසක් එම බස් රථයේ රියදුරු සහ කොන්දොස්තරට බැන තර්ජනය කර පහර දීමට තැත් කිරිමත් සමග බස් රථයේ රියදුරා බස් රථයේ සිටි මගීන් සමගම බස් රථය හැටන් පොලිසිය වෙත රැගෙන ගොස් ඊයේ (16) දින පස්වරුවේ පැමිණිල්ලක් කර ඇති බව හැටන් ලංගම ඩිපෝවේ කළමණාකාර පාලිත වීරසූරය මහතා පැවසිය.

අස්වැසුම දීමනා අනිද්දා ගිණුම් ගත කරයි

අස්වාසුම සුබ සාධක ප්‍රතිලාභ මුදල් අනිද්දා (19) බැංකු ගත කරන බව සුබසාධක ප්‍රතිලාභ මණ්ඩලයේ සභාපති නිමල් කොටවල ගෙදර මහතා පවසයි.

තරුණ දෑත් රෝහල් 33 ක් අලුත් කරයි

තරුණ තරුණියන්ගේ ශ්‍රමය යොදා ගනිමින් දිවයිනේ තෝරා ගත් රෝහල් 33ක් අලුත් වැඩියා කිරීම ඇතුළු ශ්‍රමදාන වැඩසටහනක් අද(17) පැවැත්විණි.

ගංජා ව්‍යාපාරිකයන්ගෙන් අල්ලස් ගස් පොලිසියේ හතරක් කොටු

ගංජා වගාකරුවකුගෙන් රුපියල් ලක්‍ෂ පහක් අල්ලස් වශයෙන් ලබාගැනීම,අත්අඩංගුවට ගත් වියළි ගංජා තොගයක් වෙනත් අයකුට විකිණීමට සඟවා තබා ගැනීම යන චෝදනා සම්බන්ධයෙන් මොනරාගල කොට්ඨාස දූෂණ මර්දන ඒකකයේ පොලිස් නිලධාරීන් සිව් දෙනකු තණමල්විල පොලීසිය මඟින් අත්අඩංගුවට ගෙන ඇත.

නැගෙනහිර සරසවියේ හිටපු කුලපති ඝාතනයට අධි චෝදනා ගොනු කරයි

නැගෙනහිර විශ්ව විද්‍යාලයේ හිටපු උපකුලපති මහචාර්ය සුබ‍්‍රනියම් රවින්ද්‍රනාත් මහතා පැහැර ගෙන ගොස් විවිධ වද හිංසා පමුණුවා මරා දැමීමේ සිද්ධියට අදාළව නැගෙනහිර පළාත් හිටපු ප‍්‍රධාන ඇමති ශිවනේෂ තුරෙයි චන්ද්‍රකාන්තන් හෙවත් පිල්ලෙයාන් ඇතුළු විත්තිකරුවන් සිව් දෙකුට එරෙහිව නීතිපතිවරයා පොළොන්නරුව මහාධිකරණය හමුවේ අද වෙන් වෙන් වශයෙන් අධි චෝදනා ගොනු කළේය.

22 හෙට මැතිසබය: විපක්ෂයෙන් විරෝධයක්

ශ්‍රේෂ්ඨාධිකරණයේ සහ අභියාචනාධිකරණයේ විනිසුරුවරුන්ගේ විශ්‍රාම කාලය දීර්ඝ කිරීමේ යෝජනාව ඇතුළත් විසි දෙවැනි ආණ්ඩුක්‍රම ව්‍යවස්ථා සංශෝධනය පනත් කෙටුම්පත සහ පහළ උසාවිවල විනිසුරුවරුන්ගේ විශ්‍රාම වයස දීර්ඝ කිරීමේ යෝජනාව ඇතුළත් අධිකරණ සංවිධාන (සංශෝධන) පනත් කෙටුම්පත අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා විසින් පාර්ලිමේන්තුවට හෙට (18) පෙරවරැවේ ඉදිරිපත් කෙරේ.

ග්‍රාම නිලධාරී වෘත්තීය ක්‍රියාමාර්ගය අවසන්

ගමන් වියදම් දීමනාව ඉහළ නොදැමීම ඇතුළු තවත් ඉල්ලීම් කිහිපයක් මුල් කරගනිමින් ග්‍රාම නිලධාරීන් විසින් ආරම්භ කර තිබූ වෘත්තිය ක්‍රියාමාර්ගය අවසන් කිරීමට තීරණය කර තිබේ.